Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	167
	Dünən	3492
	Bu həftə	22106
	Bu ay	63550
	Bu günə qədər	9724915

Bizi Paylaşın

Video Xəbərlər

Təqvim

Dalga TeleviziyasA�

Süleyman Dəmirəl: «Bakıdan çox məmnun dönürəm»

02.11.13 22:36 |

alt

III Bakı Beynəlxalq Forumunda iştirak etmək üçün Azərbaycanda səfərdə olan Türkiyənin doqquzuncu prezidenti Süleyman Dəmirəl bu gün Ankaraya dönüb.
Sabiq prezidenti Heydər Əliyev Beynəlxalq Aeroportudan Azərbaycan Prezidenti Administrasiyası rəhbərinin müavini Novruz Məmmədov, Türkiyənin Azərbaycandakı səfiri İsmail Alpər Coşğun, hərbi attaşesi Hasan Nevzat Taştelər və digər şəxslər yola salıblar.

Hava limanında jurnalistlərə açıqlama verən S. Dəmirəl səfəri müsbət qiymətləndirdiyini, Bakıda faydalı müzakirələr apardığını bildirib: «Qardaş Azərbaycan xalqına sevgilərimi izhar etmək istəyirəm. Azərbaycan prezidenti İlham Əliyev bizə böyük qonaqpərvərlik göstərdi. Görüşümüzdə iki ölkə arasında əlaqələrlə bağlı faydalı müzakirələr apardım. Ayrıca olaraq Beynəlxalq Humanitar Forumda dünya xalqlarına müraciət etdim. Çox məmnun dönürəm. Faydalı çalışmalarım oldu».

S. Dəmirəl qeyd edib ki, Azərbaycan və Türkiyə arasında münasibətlər gerçəkdən çox güclü və mükəmməldir: «Sabah daha da yaxşı olacaq. Biz bir-birimizi bir millət, iki dövlət olaraq görürük».

Sabiq prezident bildirib ki, hər iki ölkənin iqtisadiyyatı sürətlə böyüyür. İyirmi il əvvəl buğda almağa vəsaiti olmayan Azərbaycan bu gün Türkiyəyə 15 milyard ABŞ dollarından artıq sərmayə yatırır: «Neft kəməri, iki qaz xətti tikilib. Qars-Bakı dəmir yolu xətti çəkilir. Bunlar nə qədər gözəl işlərdir».

Azərbaycan Prezidenti Administrasiyası rəhbərinin müavini Novruz Məmmədov isə qeyd edib ki, Azərbaycan xalqı böyükdən kiçiyinə Süleyman Dəmirəli tanıyır və sevir. N. Məmmədov deyib ki, Azərbaycan-Türkiyə əlaqələrinin bugünkü yüksək səviyyəyə çatmasında S. Dəmirəlin böyük rolu olub.

Meksikada güclü zəlzələ baş verib

16.06.13 14:50 |

Bu gecə Meksikada 6 bal gücündə zəlzələ baş verib.

Bu barədə Latın Amerikası ölkələrinin Seysmoloji Xidmətindən bildiriblər.

Yeraltı təkanların episentri Herrero ştatının cənubi-qərbində yerləşib. Paytaxt Mexikoda zəlzələnin maqnitudası 5,9 təşkil edib.

Məlumata görə, zəlzələ nəticəsində dağıntılar qeydə alınmayıb.
Mexikonun bir sıra rayonlarına elektrik enerjisinin verilişində fasilələr yaranıb.

Yeraltı təkanlardan sonra minlərlə insan təşviş içində evlərindən küçələrə axışıb.

BMT Baş Assambleyasının 68-ci sessiyasına sədr seçilib

15.06.13 23:27 |

BMT Baş Assambleyası Antiqua və Barbuda təmsilçisi Con Eşi yekdilliklə assambleyanın 68-ci sessiyasının sədri seçib.

Con Eş 2015-ci ildən sonrakı dövr üçün qlobal gündəliyin işlənməsini BMT-nin başlıca vəzifəsi saydığını bildirib.

Qeyd edək ki, BMT Baş Assambleyasının 68-ci sessiyası sentyabrda işə başlayacaq.

Fotoqraflar Barak Obamadan şikayətçidir

02.11.13 21:00 |

alt

“Associated Press” Amerika prezidenti Barak Obamanı fotoqraflar üçün kifayət qədər şərait yaratmamaqda günahlandırıb.

Agentliyin fotoxidmətinin rəhbəri Santiyaqo Lion bu barədə bəyanatla çıxış edərək bildirib ki, indiyə qədər agentliyin fotoqrafları ancaq 2 dəfə prezidenti iş başında çəkə biliblər. Ağ Evdəki dəyirmi kabinetdə Barak Obamanın iş başında görüntüləndiyi hər iki foto prezidentliyin birinci dönəminə aiddir.

İnformasiya agentliklərinin fotoqrafları Ağ Evdə Obamanın digər liderlərlə görüşlərinə buraxılsa da, prezidenti iş başında görüntüləmək mümkün olmur. Barak Obamanın iş kabinetindəki şəkilləri ancaq xüsusi ayrılmış fotoqraflar tərəfindən çəkilərək mətbuata ötürülür.

Santiyaqo Lion bunu Barak Obamanın bəyanatları ilə ziddiyyət təşkil etdiyini bildirib. Onun sözlərinə görə, Obama özünün və administrasiyasının tamamilə şəffaf olacağını bildirsə də, bu sahədə digər Amerika prezidentlərindən geri qalıb.

Azərbaycan prezidenti İlham Əliyevə təbrik məktubları gəlməkdə davam edir

02.11.13 20:49 |

alt Azərbaycan prezidenti İlham Əliyevə üçüncü dəfə prezident seçilməsi münasibəti ilə təbrik məktubları gəlməkdə davam edir.

APA-nın məlumatına görə, Yunanıstanın “Alexander” Daşıma Şirkətinin rəhbəri və icraçı direktoru İlias Arapidis, Macarıstan-Azərbaycan Dostluq Cəmiyyətinin sədri Svetlana Abdullayev, Belqraddakı Azərbaycan Mədəniyyət Mərkəzinin sədri professor Zərifə Əlizadə, Ukrayna Ali Radasının deputatı İqor Molotok , “N.N.Bloxin adına Rusiya Onkoloji Elmi Mərkəzi” Federal Dövlət Büdcə İdarəsinin direktor müavini, Rusiya Elmlər Akademiyasının və Rusiya Tibb Elmləri Akademiyasının akademiki Məmməd Əliyev, Türkiyənin Samanyolu Yayım Qrupunun sədri Hidayet Karaca, ABŞ-ın Tennesi ştatının Memfis Şəhər Şurasının sədri Mayron Loveri, ABŞ-ın Texas ştatı Nümayəndələr Palatasının üzvü Cim Pitts, ABŞ-ın Qərbi Virciniya ştatı parlamentinin Deputatlar Palatasının üzvü Ronald Volters, ABŞ-ın Tennesi ştatının Memfis şəhərinin meri A.C.Varton, ABŞ Konqresinin üzvü Pit Qalleqo prezident İlham Əliyevi üçüncü dəfə Azərbaycan prezidenti seçilməsi münasibətilə təbrik ediblər.

Başqa məqalələr...