Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3216
	Dünən	3185
	Bu həftə	21663
	Bu ay	63107
	Bu günə qədər	9724472

Bizi Paylaşın

Video Xəbərlər

Təqvim

Dalga TeleviziyasA�

Avropa Parlamentinin üzvü İvo Vayql: Ermənistan Azərbaycan ərazilərini işğal etməklə beynəlxalq hüquq normalarını kobudcasına pozmuşdur

30.10.13 21:25 |

Ermənistan Azərbaycan ərazilərini işğal etməklə beynəlxalq hüquq normalarını kobudcasına pozmuşdur.
Bu sözləri Avropa Parlamentinin Sloveniyadan olan üzvü İvo Vayql Avropa Azərbaycan Cəmiyyətinin Ermənistan-Azərbaycan, Dağlıq Qarabağ münaqişəsi ilə bağlı sorğusuna cavabında demişdir.
Ermənistanın işğalçılıq siyasətinin regional sabitliyə təhdid olduğunu söyləyən İ.Vayql rəsmi Yerevanın öz qoşunlarını Dağlıq Qarabağdan və digər işğal etdiyi Azərbaycan ərazilərindən çıxarmasının vacibliyini vurğulamışdır.
Avropa Parlamentinin deputatı qeyd etmişdir ki, beynəlxalq ictimaiyyət tərəfindən tanınmış hüdudlar çərçivəsində ölkələrin ərazi bütövlüyü prinsipi dünyada sülh və sabitliyin təmin olunması üçün vacibdir. Əgər Avropa İttifaqının “Şərq tərəfdaşlığı”na üzv dövlətlərdən biri həmin prinsipə əməl etmirsə, bu, bütün ölkələr üçün problem deməkdir. Odur ki, bu məsələ tezliklə həllini tapmalıdır. Azərbaycanın işğal olunmuş torpaqlarından zorla çıxarılmış hər bir məcburi köçkün öz doğma yurduna qayıtmalıdır.
Azərbaycan ilə Avropa İttifaqı arasında əməkdaşlığın təkcə Avropa ölkələrinin enerji təhlükəsizliyinin təmini ilə məhdudlaşmadığını deyən İ.Vayql ölkəmizin regiondakı sabitliyin əsas qarantı olduğunu bildirmişdir. O, həmçinin qeyd etmişdir ki, Dağlıq Qarabağ münaqişəsinin həlli üçün bütün ölkələrin əməkdaşlığı vacibdir və buna görə də beynəlxalq birlik bu istiqamətdə daha ciddi səy göstərməlidir.

Gürcüstan prezidenti sevdiyi qadından danışdı

29.10.13 20:30 |

alt

Gürcüstanın yeni seçilmiş prezidenti Georgi Margvelaşvili şəxsi həyatı ilə bağlı sualı cavablandırıb.

Jurnalistlərə danışan Margvelaşvili bir xanımla ciddi münasibətlərinin olduğunu və bu gün nəyisə dəyişmək niyyətində olmadığını bildirib.

Yerli mətbuatda Margvelaşvilinin musiqiçi və rəssam Maka Çiçua ilə münasibətlərinin olduğu yazılır. Onların birlikdə ictimai yerlərdə göründükləri və bunu heç kimdən gizlətmədikləri bildirilir.

Margvelaşvili hazırda subaydır. Onun bir qızı var.

Rusiya Ombudsmanından Orxan Zeynalovla bağlı açıqlama

29.10.13 20:29 |

alt

Rusiyanın İnsan Haqları üzrə Müvəkkili Vladimir Lukin Biryulevo sakini Yeqor Şerbakovun öldürülməsində şübhəli bilinən Orxan Zeynalovun zorakı şəkildə saxlanılmasının əsassız olduğunu hesab edir.

Onun fikrincə, bu faktla bağlı daxili işlər orqanlarında yoxlamalar aparılmalıdır.

Lukin deyib: "Bu, hüquq mühafizə orqanlarının əməkdaşları tərəfindən əsası olmayan sərt tədbirlər idi. O, bu zaman müqavimət göstərmirdi və bu da təbii ki, daxili işlər orqanlarının ciddi səhvidir".

Ombudsmanın sözlərinə görə, o, Zeynalovun vəkilinin olması və ona qarşı zorakılığın tətbiq olunmamasının qayğısına qalıb: "Mənim məlumatına görə, Zeynalov hazırda istintaq nəzarəti altındadır, ona qarşı hər hansı bir zorakılıq halı tətbiq edilmir, lakin mən bunu yoxlayacağam".

İlham Əliyev Abdullah Gülə zəng etdi

29.10.13 20:30 |

alt

Azərbaycan prezidenti İlham Əliyev oktyabrın 29-da Türkiyə prezidenti Abdullah Gülə zəng edib.

Dövlət başçısı Türkiyə prezidentinə ad günü və Türkiyənin milli bayramı - Respublika Günü münasibətilə təbriklərini çatdırıb, ona ali dövləti fəaliyyətində yeni-yeni uğurlar, möhkəm cansağlığı, qardaş Türkiyə xalqına firavanlıq arzulayıb.

Türkiyə prezidenti diqqət və təbriklərə görə Azərbaycan prezidentinə minnətdarlığını bildirib.

Dövlət başçıları Azərbaycanla Türkiyə arasında dostluq və qardaşlıq münasibətlərinin bundan sonra da bütün sahələrdə uğurla inkişaf edəcəyinə əmin olduqlarını bildiriblər.

Baş Prokurorluqdan Gülər Əhmədovanın iddialarına cavab

29.10.13 20:28 |

alt

Baş Prokurorluq həbsdə olan sabiq millət vəkili Gülər Əhmədovanın məhkəmədə fəaliyyəti dayandırılmış Azərbaycan Beynəlxalq Universitetinin sabiq rektoru, hazırda Fransada yaşan Elşad Abdullayevin Azərbaycana gətirilərək məsuliyyətə cəlb edilməməsi barədə səsləndirdiyi iddialara cavab verib.

Qurumun mətbuat xidmətinin rəhbəri Eldar Sultanov APA-ya açıqlamasında Elşad Abdullayevin Azərbaycana ekstradisiya olunacağı barədə Baş Prokurorluğunun rəhbərliyi tərəfindən mövqe bildirildiyini qeyd edib.

Xatırladaq ki, Azərbaycanın baş prokuroru Zakir Qaralov oktyabrın 1-də jurnalistlərə açıqlamasında Elşad Abdullayevin ekstradisiyası ilə bağlı müvafiq qurumlara müraciət olunduğunu bildirib: “Mən əminəm ki, o, Azərbaycana ekstradisiya olunacaq”.

Başqa məqalələr...