Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2814
	Dünən	3185
	Bu həftə	21261
	Bu ay	62705
	Bu günə qədər	9724070

Bizi Paylaşın

Video Xəbərlər

Təqvim

Dalga TeleviziyasA�

MSK sədrindən ATƏT-in hesabatına reaksiya

16.10.13 21:06 |

alt

"Onlar gördüklərini deyil, başqasını yazıblar"

Mərkəzi Seçki Komissiyasının (MSK) sədri Məzahir Pənahov ATƏT-in Demokratik Təsisatlar və İnsan Haqları Bürosunun (DTİHB) oktyabrın 9-da Azərbaycanda keçirilən prezident seçkiləri ilə bağlı hesabatına münasibət bildirib.

M.Pənahov MSK-nın bu gün keçirilən iclasında DTİHB-nin missiyası öz gördüyünü qoyub başqasını yazdığını bildirib:

"Biz neçə ildir deyirik ki, bu missiyanı belə gülünc vəziyyətə salmayın. Artıq Büroya hər kəs gülür. Onlar Avropada müxtəlif tədbirlərdən izolyasiya olunublar".

Qeyd edək ki, bundan əvvəl Mərkəzi Seçki Komissiyası bir qayda olaraq qərəzli mövqe nümayiş etdirən ATƏT/DTİHB ilə gələcəkdə əməkdaşlıq edilməsi məsələsinə yenidən baxılması üçün Azərbaycan hökumətinə müraciət etmək məcburiyyəti qarşısında qaldığını bəyan etmişdi.

Qubernator İlham Əliyevi təbrik etdi

16.10.13 21:02 |

alt

Rusiya Federasiyasının Vladimir vilayətinin qubernatoru Svetlana Orlovadan president İlham Əliyevi təbrik edib.

Təbrikdə deyilir:

"Hörmətli İlham Heydər oğlu!

Azərbaycan Respublikasının Prezidenti seçkilərində inamlı qələbəniz münasibətilə ən səmimi və ürəkdən gələn təbriklərimi qəbul edin.

Seçkilərin nəticələri milli lider kimi Sizin böyük nüfuzunuzu aşkar şəkildə nümayiş etdirdi və Azərbaycan xalqının ali dövləti vəzifədə Sizin ölkənin sosial və iqtisadi inkişafına yönəlmiş çoxşaxəli fəaliyyətinizi yüksək qiymətləndirdiyini göstərdi.

Əminəm ki, Azərbaycan Respublikası vətəndaşlarının etimadı və böyük dəstəyi Sizin üçün etibarlı dayaq olacaq, ölkənin rifahı və çiçəklənməsi naminə səmərəli işinizdə Sizə güc verəcəkdir.

Hörmətli İlham Heydər oğlu, Sizə müvəffəqiyyətlər, tükənməz enerji, möhkəm cansağlığı, rifah və nəzərdə tutduğunuz bütün planların həyata keçməsini arzulayıram".

Gürcüstan Baş Naziri Axalkalakiyə səfər etdi - DalgaTV VİDEO

15.10.13 21:37 |

alt

"Gürcü Arzusu" Koalissiyasının prezidentliyə namizədin seçkiqabağı kampaniya devam edilir. Bu gün Axalkalakiyə, Georgi Margvelaşvili ilə bərabər, Gürcüstan Baş Naziri, Bidzina İvanişvili səfər edib və yerli əhali ilə görüşüb.

İvanişvili: “Mən erməniləri çox sevirəm“ - DalgaTV VIDEO

16.10.13 20:58 |

alt

Mən erməniləri çox sevirəm və bunu heç vaxt gizlətməmişəm. Bunu oktyabrın 15-də Gürcüstanın baş naziri Bidzina İvanişvili ermənilərin kompakt yaşadığı Axalkalakidə hakim “Gürcü arzusu” partiyasından ölkə prezidentliyinə namizəd Giorgi Marqvelaşvilini təqdim edərkən deyib.

“Mən bu gün sizinlə olmağıma çox şadam və bizim tərəfdarlarımıza dərin minnətdarlığımı bildirmək istəyirəm. Mən görürəm ki, siz yeni prezidentin gəlişini gözləyirsiniz və yeni prezident mütləq Giorgi Marqvelaşvili olacaq. Biz həqiqətən qardaşıq, siz – bizim kimi Gürcüstan vətəndaşlarısınız, bura – sizin vətəninizdir. Gürcüstanın problemləri var. Bizim ərazilərimiz itirilib, problemlər Ermənistanda da var, və mən ümid edirəm ki, biz birlikdə bu çətinlikləri adlayaraq bərpaya aparan yola layiqincə çıxacağıq”, deyə İvanişvili bildirib.

Gürcüstanın baş naziri Bidzina İvanişvili Gürcüstan müsəlmanlarını Qurban bayramı münasibəti ilə təbrik edib - DalgaTV VIDEO

15.10.13 21:30 |

alt

Bu gün Gürcüstanın baş naziri Tiflisdəki Cümə Məscidinə gələrək, buraya toplaşan müsəlmanları Müqəddəs Qurban bayramı münasibəti ilə təbrik edib.

APA-nın Gürcüstan bürosunun məlumatına görə, müsəlmanlar qarşısında çıxış edən baş nazir Bidzina İvanişvili öz ürək sözlərini Cümə Məscidinə gələn müsəlmanlara bildirib: “Mən Gürcüstan müsəlmanlarını Müqəddəs Qurban bayramı münasibəti ilə təbrik edirəm. Bu bayram sevinc, ümid, imkansızlara yardım günüdür. Mən sizin sevincinizə qoşulur, arzu edirəm ki, bütöv Gürcüstanda sülh şəraitində yaşayasınız”, deyə B.İvanişvili bildirib.

Tədbirdə Gürcüstan Müsəlmanlarının şeyxi Vaqif Əkbərov, baş müfti Cemal Paksadze çıxış edərək baş nazir Bidzina İvanişviliyə Cümə Məscidinə gəlib müsəlmanları təbrik etdiyi üçün minnətdarlıqlarını bildiriblər. Tədbirdə Gürcüstanın baş naziri Bidzina İvanişviliyə müqəddəs Quran bağışlanıb.

Tədbirdə Gürcüstanın reinteqrasiya məsələləri üzrə dövlət naziri Paata Zakareişvili, Azərbaycan və Gürcüstan səfirləri, diplomatik korpus nümayəndələri, baş nazirin köməkçisi Savalan Mirzəyev, Gürcüstan parlamentinin deputatları, Gürcüstanda fəaliyyət göstərən müsəlman icmalarının rəhbərləri, din xadimləri, ruhanilər və ictimaiyyət nümayəndələri və gənclər iştirak ediblər.

Jurnalistlərə açıqlama verən baş nazir Bidzina İvanişvili bütün dünyada yaşayan müsəlmanları Qurban bayramı münasibəti ilə təbrik etmək istədiyini bildirib: “Mən ilk növbədə Gürcüstanda yaşayan müsəlmanları bu bayram münasibəti ilə təbrik edirəm, sonra Azərbaycan vətəndaşlarını və bütün dünya müsəlmanlarını təbrik edirəm. Bu gün xüsusi gündür. Bu gündə bütün hamı sevinir, bir-birini təbrik edir. Bu gün ümid günüdür, imkansızlara yardım günüdür, ümumiyyətlə bu böyük bayramdır. Mən də bu bayrama qoşulur və sizinlə birgə bu böyük bayramı qeyd etmək istəyirəm. Bir daha ürəkdən hamını təbrik edirəm”, deyə B. İvanişvili bildirib.

Başqa məqalələr...