Sentyabrın 26-da İctimai Televiziyada prezidentliyə namizədlərin 5-ci debatı yayımlanıb.

Namizədliyi öz təşəbbüsü iləirəli sürülmüş Zahid Oruc deyib ki, «Cəmil Həsənli aldanmış kəvakibdir». 

YAP namizədi - İlham Əliyevin səlahiyyətli nümayəndəsi Əli Əhmədov isə deyib ki, Azərbaycan iqtisadi sferada sürətlə inkişaf edir.

«1 milyon 200 min yeni iş yerləri açılıb. Orta əməkhaqqı 400 manatdan yuxarıdır. Pensiyalar isə 180 manatdır».

Ümid Partiyasının namizədi İqbal Ağazadə isə səhiyyədəki problemlərdən danışıb: «Sadə vətəndaşlar müalicə üçün İrana, Türkiyəyə gedirlər».

«Müxalifət səbatsızdır. Aydın proqramı yoxdur. Hakimiyyət isə güclü olduğu üçün dəyişiklik istəmir. Azərbaycan hakimiyyətinin gücü isə xalqda deyil, maliyyəsindədir». Bunu prezidentliyə namizədliyi Ədalət Partiyasından irəli sürülmüş İlyas İsmayılovun səlahiyyətli nümayəndəsi Mayis Gülalıyev deyib.

Müasir Müsavat Partiyasının namizədi Hafiz Hacıyev deyib ki, «Kərimov Əlilər Gəncədə qarışıqlıq yaratmaq istəyirlər. Həsənli Cəmil yazığı ortaya salıblar. Yazıqdır, bu da yorulub. Bir gün bura Qəmbərov İsa gəlsin, Kərimov Əli gəlsin».

Milli Dirçəliş Hərəkat Partiyasından namizədliyi irəli sürülmüş Fərəc Quliyev Dağlıq Qarabağ problemindən danışıb: «Problemi özümüz həll etməliyik».

ADP-nin namizədi Sərdar Cəlaloğlu: «Mənə sual verildi ki, niyə Milli Şura ilə bir yerdə deyilsiniz? Milli Şuradakı qüvvələr vaxtilə hakimiyyətdə olublar, onlar revanşist qüvvələrdir. Mən və İqbal Ağazadədə bu hiss yoxdur».

Sosial Demokrat Partiyasının prezidentliyə namizədi Araz Əlizadə deyib ki, erməni mətbuatında və Milli Şuraya yaxın mətbuatda ona təzyiqlər artıb.

BAXCP-nin namizədi Qüdrət Həsənquliyev isə deyib ki, Əli Kərimli parlamentin iclasına qatıldığı üçün Cəmil Həsənlini AXCP-dən çıxarıb: «Özü isə heç nə olmamış kimi gedib oturdu parlamentdə». 

Milli Şuranın namizədi Cəmil Həsənli seçicilərini sentyabrın 28-dəki görüşünə çağırıb. Deyib ki, burda 5-6 nəfər İlham Əliyevin vəkili kimi çıxış edir.

Əksəriyyətin nümayəndəsi Tina Xidaşeli NDİ-in keçirdiyi tədqiqatlarının nəticələrini qeyri-real sayıb.
Təşkilat prezidentliyə namizədlərin reytinqinə dayir tədqiqat keçirib. Araşdırma nəticələrinə əsasən, Giorgi Margvelaşviliyə 39%, David Bakradzeyə - 18%, Nino Burcanadzeyə isə 7% düşür.
"NDİ-in heç bir tədqiqatı heç vaxt real olmayıb. Heç bir ikinci turu biz gözləmirik, çünki bunun əsl səbəbini görmürük", - deyə Xidaşeli vurğulayıb.
Xatırladaq ki, prezidentliyə hər hansı bir namizəd başqalarından artıq səs toplamadığı halda, seçkilərin ikinci turu təyin olunacaq.