Dalga Televiziyasi
Get Adobe Flash player
GEO

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün327
DünənDünən3022
Bu həftəBu həftə327
Bu ayBu ay66732
Bu günə qədərBu günə qədər9728097

Bizi Paylaşın

Video Xəbərlər

 

Təqvim


Dalga TeleviziyasA

Azərbaycanda nənə 2 yaşlı nəvəsi ilə birlikdə özünü Kürə atıb

18.08.14 14:28 | PDF faylını al | Çap

altAzərbaycanda nənə və nəvə intihara cəhd edib. 

Şirvan Şəhər Polis Şöbəsindən APA-ya verilən məlumata görə, hadisə bu gün baş verib.

Şirvan şəhər sakini, 1959-cu il təvəllüdlü Dilşad Cəbrayılova nəvəsi, 2 yaşlı Tofiq Cəbrayılovla birgə özünü körpüdən Kür çayına atıb. Hadisə yerinə cəlb olunan xilasedicilərin səyi nəticəsində hər iki şəxs xilas edilib.

Polisdən həmçinin bildirilib ki, nəvəsi ilə birgə intihar etmək istəyən qadın ruhi xəstədir.

Hazırda hadisənin səbəbləri araşdırılır. 

Fövqəladə Hallar Nazirliyi də hadisə ilə bağlı məlumat yayıb. APA-nın nazirliyin saytına istinadən verdiyi məlumata görə, Dövlət Sularda Xilasetmə Xidmətinə daxil olmuş məlumata əsasən, Şirvan şəhərində (“Əli Bayramlı” sularda xilasetmə məntəqəsindən 700 m sola nəzarətsiz ərazidə) 2 nəfər intihar etmək məqsədilə özünü körpüdən çaya atıb.

Dərhal Fövqəladə Hallar Nazirliyinin dalğıc-xilasediciləri hadisə yerinə cəlb olunublar.

Vətəndaşlar xilas olunaraq aidiyyəti üzrə təhvil verilib.

Soçi Qış Olimpiadası: Azərbaycanın medala "ümidi yoxdur"

11.01.14 15:34 | PDF faylını al | Çap

alt

Soçidə keçiriləcək XXII Qış Olimpiya Oyunlarına Azərbaycan beş legionerlə qatılır.

 Dalğatv BBC Azərbaycancaya istinadən xəbər verir ki , iki idman növü üzrə yarışa qatılacaq ölkəni idmançılar-xizəkçilər Patrick Brahner (Avstriya), Cedric Notz (İsveçrə) və Gaia Bassani Antivari (İtaliya) və fiqurlu konkisürmə cütlüyü Alexei Sitnikov və Yuliya Zlobina (Rusiya) təmsil edəcək.

  Azərbaycanın “idman ölkəsi” olduğunu dəfələrlə təkrar edən rəsmilərin açıqlamaları bu Olimpiada ərəfəsində o qədər də nikbin səslənmir.

“İdmançılar o qədər güclü idmançılar deyil ki, medala iddialı olaq, amma əlbəttə ki, müqayisəli götürəndə nisbətən yaxşı nəticələr gözləyirik, böyük iddiamız yoxdur”, Soçi Qış Olimpiya Oyunlarında Azərbaycan nümayəndə heyətinin rəhbəri, Milli Olimpiya Komitəsinin beynəlxalq əlaqələr idarəsinin rəisi Könül Nurullayeva  deyir.

Azərbaycanın “sadəcə iştirak üçün” oyunlara qatıldığını deyən Milli Olimpiya Komitəsi (MOK) bu yarışmada ölkənin adının çəkilməsinin önəminidiqqətə çatdırır. Hətta müqavilə bağlanan idmançıların dünya professionalları arasında olduğu bildirilsə də, Azərbaycan ümidli görünmür.

"Neftçi"nin baş məşqçisi bəlli oldu

11.01.14 14:26 | PDF faylını al | Çap

alt

Böyükağa Hacıyev yenidən klubda baş məşqçi vəzifəsinə gətirilib

Bu gün “Neftçi” PFK-nın prezidenti Sadıq Sadıqovun rəhbərliyi ilə keçirilmiş klubdaxili toplantıda son müzakirələrdən sonra məşqçilər korpusunun aşağıdakı tərkibdə formalaşdırılması qərara alınıb:

Dalğanın "Neftçi"-nin rəsmi saytına istinadən verdiyi məlumata görə, Böyükağa Hacıyev yenidən klubda baş məşqçi vəzifəsinə gətirilib.

1. Baş məşqçi - Böyükağa Hacıyev
2. Baş məqşçinin köməkçisi, fiziki hazırlıq üzrə məşqçi - Ruben Selyes Salvador (İspaniya)
3. Baş məşqçinin köməkçisi – Samir Əliyev
4. Qapıçılar üzrə məşqçi – Neboyşa Manoyloviç (Serbiya)
5. Seleksiyaçı məşqçi – Bəxtiyar Musayev
6. Əvəzedici komandanın baş məşqçisinin köməkçisi – Kamal Quliyev

İtaliyadan Ermənistan və Azərbaycana çağırış

17.08.14 13:17 | PDF faylını al | Çap

altİtaliya Xarici İşlər Nazirliyi Azərbaycan və Ermənistan qoşunlarının təmas xəttində baş verən son insidentlərlə bağlı bəyanat yayıb.

Dalgatv-nin  APA-ya istinadən verdiyi xəbərə görə, bəyanatda deyilir: “Bu il iyulun 14-də Azərbaycan prezidenti İlham Əliyevin Romaya səfəri zamanı iki ölkə adından qəbul olunmuş bəyanatda siyasi, iqtisadi və mədəni sahədə ikitərəfli münasibətlərin gücləndirilməsinin zəruriliyi qeyd olunub.

Əməkdaşlığın çoxtərəfli aspektləri sırasında Dağlıq Qarabağ münaqişəsinin ATƏT-in Minsk qrupunun himayəsi altında nizamlanmasına sadiqlik də əksini tapıb.

İtaliya tərəfi ənənəvi mövqeyinə və Avropa Birliyinin mövqeyinə uyğun olaraq, hesab edir ki, Dağlıq Qarabağ münaqişəsi BMT Nizamnaməsi və Helsinki Yekun Aktı, habelə Fransa, Rusiya və ABŞ-ın himayəsi altında aparılan danışılar prosesinə əsaslanaraq dinc yolla həll edilməlidir.

İtaliya regionda baş verən son insidentlərdən ciddi narahatlıq keçirdiyini bəyan edir, Ermənistan və Azərbaycanı güc tətbiqindən çəkinməyə, həmçinin problemin siyasi yolla həlli üçün Soçidə keçirilmiş Sarkisyan-Əliyev görüşündən yararlanmağa çağırır”.

Bəyanatda İtaliyanın da ATƏT-in Minsk qrupunun üzvü olduğu da xatırladılıb.

Təyyarədə heç kim onun yanında oturmaq istəmədi (FOTO)

17.08.14 12:31 | PDF faylını al | Çap

altTürkiyə Hava Yollarına məxsus təyyarədə qəribə hadisə baş verib.

ANS PRESS-in məlumatına görə, təyyarədə olan sərnişinlərdən biri hər kəsi qorxuya salıb. Bədənində 453 ədəd pirsinqi olan alman vətəndaşı Bukxholzun yanına heç kim oturmaq istəmədiyi üçün təyyarə 1 saat gec uçuş edib. 

Maraqlı hadisə dünən İstanbuldan Dubaya səfər edən təyyarədə baş verib. Dubayda keçiriləcək "Freak show" adlı nümayişə qatılmaq üçün İstanbula gələn alman vətəndaş Dubaya gedəcək təyyarəyə minməklə gərgin anlara səbəb olub. Dünyanın ən çox pirsinqinə sahib olan alman Ginnessin Rekordlar Kitabına düşüb. 

Alman rekordçu xarici görünüşü ilə təyyarədəki insanları şoka salıb. Xeyli səylərdən sonra bir sərnişin, alman rekordçunun yanında oturmağı qəbul edib və təyyarə gec də olsa uçuş edə bilib. 

Qeyd edək ki, Bukxholzun dodaq ətrafında 94, əzələlərində 25, burnunda 8 və digər yerlərində 278 olmaq üzrə ümumilikdə 453 pirsinqi var.
Başqa məqalələr...

Saytda Axtarış

Son xəbərlər

© DalgaTV 2013. All Rights Reserved.

Designed by Esmira Mamedova.