Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3511
	Dünən	3424
	Bu həftə	13439
	Bu ay	79844
	Bu günə qədər	9741209

Bizi Paylaşın

Video Xəbərlər

Təqvim

Dalga TeleviziyasA�

Gülər Əhmədovanın səhhəti pisləşdi

28.10.13 20:12 |

alt

Məhkəmə təxirə salındı

Məhkəmədə Gülər Əhmədovanın səhhətində problem yaranıb. O, danışa bilməyib, fikirlərini ifadə etməkdə çətinlik çəkib, dərman qəbul edib.

Həkimlərin müttəhhimə tibbi yardım göstərməsi üçün hakim yarım saatlı fasilə elan edib.

Daha sonra məhkəmə təxirə salınıb və onun oktyabrın 31-də saat 10.30-da davam etdirilməsi qərara alınıb.

Azərbaycan CAREC ölkələrinin XII Nazirlər Konfransında iştirak edib

28.10.13 20:09 |

alt 22-24 oktyabr tarixlərində Qazaxıstanın paytaxtı Astana şəhərində Asiya İnkişaf Bankının Mərkəzi Asiya Regional İqtisadi Əməkdaşlıq Proqramının (CAREC) XII Nazirlər Konfransı keçirilib, Konfrans çərçivəsində Ticarət Siyasəti üzrə Əlaqələndirici Komitənin və Yüksək Vəzifəli Rəsmilərin iclasları təşkil olunub. Bu barədə Trend-ə İqtisadiyyat və Sənaye Nazirliyinin mətbuat xidmətindən məlumat verilib.

Azərbaycan tərəfindən İqtisadiyyat və Sənaye, Nəqliyyat nazirliklərinin, Dövlət Gömrük Komitəsinin nümayəndələrinin iştirak etdiyi tədbirdə CAREC ölkələrinin 2020-ci ilədək Nəqliyyat və Ticarətin Asanlaşdırılması Strategiyası, 2013-2017-ci illər üzrə Ticarət Siyasətinin Strateji Fəaliyyət Planı, enerji sektoru üzrə məsələlər, İnkişafın Səmərəliliyinin Qiymətləndirilməsi Metodologiyası üzrə İlkin İcmal, CAREC İnstitutunun yaradılması məsələləri müzakirə olunub.

Konfransın sonunda CAREC ölkələri nazirlərinin Birgə Bəyanatı qəbul edilib. Bəyanatda CAREC proqramının uğurla davam etdiyi, nəqliyyat və ticarət sahəsində əməkdaşlığın yeni mərhələyə keçdiyi vurğulanıb, enerji sektorunda yeni layihələrin təqdim edilməsi təklif olunub, əməkdaşlığın genişləndirilməsi və həyata keçirilən layihələrin səmərəliliyini təmin etmək məqsədilə CAREC İnstitutunun yaradılması təşəbbüsü dəstəklənib.

Qeyd edək ki, Asiya İnkişaf Bankının Mərkəzi Asiya Regional İqtisadi Əməkdaşlıq Proqramı (CAREC) Azərbaycan, Əfqanıstan, Çin, Qazaxıstan, Qırğızıstan, Monqolustan, Pakistan, Özbəkistan, Tacikistan və Türkmənistanı əhatə edir.

Beynəlxalq narkoticarət şəbəkəsinin rəhbəri həbs olundu

26.10.13 13:52 |

alt

Yunanıstan polisi Latın Amerikasından kokain gətirən narkokartelin 16 üzvünü həbs edib, 146,5 kq narkotik götürülüb.

Bundan başqa, saxlanan şəxslərdən 352 min nağd avro, bank hesabından isə 500 min avro müsadirə edilib.

“Qar uçqunu” əməliyyatı eyni vaxtda ölkənin bütün ərazisində aparılıb. Əməliyyatda 100-dək polis, iqtisadi cinayətkarlığa qarşı mübarizə xidmətinin 10 əməkdaşı, kinoloqlar öyrədilmiş itlərlə iştirak ediblər.

Əməliyyata ABŞ-ın Narkotiklərlə Mübarizə Agentliyi (DEA) dəstək verib.

Həbs olunanlar arasında Gürcüstan əsilli yunan da olub. O, cinayətkar şəbəkənin rəhbərlərindən biridir. Gürcüstanda narkotik alveri və ölümə sui-qəsd cinayətləri törətdiyinə görə həmin şəxs barəsində “İnterpol” tərəfindən “qırmızı xət”lə axtarış elan edilib. O, Azərbaycanda da aldatma və dələduzluq əməlləri törətməkdə ittiham olunur.

Təşkilatın daha iki rəhbəri də həbs edilib. Onlardan biri Albaniyadan olan emiqrant, 33 yaşlı yunan, digəri isə 42 yaşlı İspaniya vətəndaşıdır. Saxlanılanlar arasında Venesuela və Ukraynanın 1, Albaniyanın 4 vətəndaşı da var.

Araşdırmalara 2012-ci ilin noyabrında başlanılıb, Latın Amerikası ölkələrindən (Kolumbiya, Ekvador və Venesuela) Yunanıstana böyük partiyalarla kokain gətirən bir neçə cinayətkar şəbəkə aşkarlanıb.

Maliyyə qurumlarında şübhə yaratmamaq üçün narkotik satışından əldə olunan vəsait xeyli sayda insanın vasitəsilə az-az olmaqla, müxtəlif hesablara köçürülüb.

Polis bildirib ki, oktyabrın 24-də Salonikidə banan yüklənmiş konteynerdə 119 kq həcmində 108 bağlama aşkarlanıb.

Heydər Əliyev Mərkəzinin binasının yeni fotosessiyası

28.10.13 19:47 |

alt alt alt alt Xatırladaq ki,noyabrın 5-də Bakıda Heydər Əliyev Mərkəzinin binasının beynəlxalq arxitektor təqdimat mərasimi keçiriləcəkdir.

Günəşdə dəhşətli partlayışlar

25.10.13 20:46 |

alt

Dünən və bu gün Günəşdə iki güclü alışma qeydə alınıb.
Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanasının Günəş və Günəş-Yer şöbəsinin müdiri Namiq Cəlilov APA-ya açıqlamasında deyib ki, çox da güclü olmayan alışmalar dünən gecə saat 04:00 və bu gün saat 12:00 radələrində qeydə alınıb.

Onun sözlərinə görə, Günəşdə nisbətən güclü alışmaların olmasına baxmayaraq, yerin maqnit sahəsində böyük təlatümlər gözlənilmir.

N. Cəlilov qeyd edib ki, Günəş alışmaları yerin maqnit sahəsini müəyyən qədər silkələyə bilər: “Günəşdə alışmalar hər gün baş verir. Lakin dünən və bu gün qeydə alınan alışmalar nisbətən güclü olub. Günəşdən kütlə atılırsa, 3-4 gün ərzində yerə çatır.

Hələlik alışma nəticəsində plazmanın atılması, onun yerə tərəf gəlib-gəlmədiyi barədə məlumat yoxdur. Alışmaların yerə təsiri olsa da, bu çox cüzi olacaq. Çünki hər 2 alışma orta gücdə qeydə alınıb. Rusiya geofiziklərinin də yer maqnit sahələrinin təlatümə gələcəkləri haqqında verdiyi proqnozlara əsasən hər şey qaydasındadır”.

Başqa məqalələr...