Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1200
	Dünən	3502
	Bu həftə	18443
	Bu ay	84848
	Bu günə qədər	9746213

Bizi Paylaşın

Video Xəbərlər

Təqvim

Dalga TeleviziyasA�

İlham Əliyev Dövlət Neft Akademiyasının adını dəyişdi

03.09.15 17:32 |

Dövlət başçısı ali məktəbə rektor da təyin etdi.

Azərbaycan prezidenti İlham Əliyev Azərbaycan Dövlət Neft Akademiyasının adının dəyişdirilməsi haqqında sərəncam imzalayıb.

"DalğaTV" dövlət başçısının rəsmi saytına istinadla xəbər verir ki, sərəncama əsasən, Azərbaycan Dövlət Neft Akademiyası Azərbaycan Dövlət Neft və Sənaye Universiteti adlandırılıb.

Prezidentin digər sərəncamı ilə Mustafa Baba oğlu Babanlı Azərbaycan Dövlət Neft və Sənaye Universitetinin rektoru təyin olunub.

Kateqoriya: Cəmiyyət / Cəmiyyət

Əhməd Davudoğlu: “Türkiyə ərazisi terrorçulardan təmizlənəcək”

07.09.15 21:27 |

“Türkiyə ərazisi terrorçulardan təmizlənəcək”.

APA-nın “Anadolu” agentliyinə istinadən verdiyi məlumata görə, bunu Türkiyənin baş naziri Əhməd Davudoğlu Hakkari vilayətində baş vermiş terror aktı ilə bağlı keçirdiyi mətbuat konfransında bəyan edib.

“O dağlar terroristlərdən təmizlənəcək. Nə olursa olsun təmizlənəcək. Bu ölkənin dağları, düzənlikləri, şəhərləri terroristlərə verilməyəcək”, deyə Ə.Davudoğlu bildirib.

Onun sözlərinə görə, terrorla mübarizə daha əzmlə davam etdiriləcək.

Üç ayda Gürcüstana 2 milyon turist səfər etdi

03.09.15 15:48 |

Gürcüstana iyun ayından avqust ayına qədər 2 milyon xarici vətəndaş səfər edib, bu isə keçən ilin göstəricisindən 10% çoxdur. Bu barədə Milli Turizm Administrasiyasının məlumatında deyilir

"DalğaTV" “Novosti-Qruziya”ya istinadən xəbər verir ki, Gürcüstanda bir sutka və daha çox olanların sayı 2,4% artıb.

Gürcüstana səfər edən xarici vətəndaşların ümumi sayından 917 min nəfər turist olub.

“Bu keçən il ilə müqayisədə çox uğurlu və ciddi inkişafdır. Belə ki, 2014-cü ildə turistlər və beynəlxalq səfərlər arasında rekord ili idi. Bu il isə biz regionda mövcud xarici şoklara baxmayaraq, yaxşı nəticələr göstərə bildik”, - Turizm Administrasiyasının rəhbəri Georgi Çoqovadze bildirib.

Kateqoriya: Cəmiyyət / Cəmiyyət

Kılıçdaroğlu yenidən CHP-nin lideri seçilib

05.09.14 19:43 |

alt Türkiyənin ana müxalifəti - Cümhuriyyət Xalq Partiyasının (CHP) Ankarada keçirilən fövqəladə qurultayında Kamal Kılıçdaroğlu yenidən partiyanın lideri seçilib.

Dalgatv-nin APA-ya istinadən verdiyi xəbərə görə, keçirilən səsvermədə K. Kılıçdaroğlu 740 səs, onun rəqibi Məhərrəm İncə isə 415 səs alıb.

Lakin bu nəticə K. Kılıçdaroğlu və onun tərəfdarlarını məmnun etməyib. M. İncə gözləniləndən daha çox səs alıb. Belə ki, M. İncə cəmi 177 imza ilə partiya sədrliyinə namizəd göstərilsə də, qurultay nümayəndələrinin üçdə birinin sisini ala bilib. K. Kılıçdaroğlunun sədrliyə namizədliyi üçün 944 nümayəndə imza versə də, onların yalnız 740-ı öz imzasına sadiq qalıb. Bu durum CHP daxilində mövcud rəhbərliyə qarşı ciddi narazılıqların olduğunu göstərir.

Azərbaycan prezidenti Dünya Gömrük Təşkilatının baş katibini qəbul edib

07.09.15 12:45 |

Prezident İlham Əliyev Dünya Gömrük Təşkilatının baş katibi Kunio Mikuriyanı qəbul edib.

APA-nın məlumatına görə, Azərbaycanla Dünya Gömrük Təşkilatı arasında uğurlu əməkdaşlığın həyata keçirildiyini deyən prezident İlham Əliyev ölkəmizdə gömrük sisteminin müasirləşdirilməsi məqsədilə bir çox praktiki addımların atıldığını bildirib.

Gömrük xidmətinin iqtisadiyyat və təhlükəsizlik baxımından önəmini qeyd edən dövlətimizin başçısı Azərbaycanda gömrük prosedurlarının sadələşdirilməsi istiqamətində də geniş islahatların həyata keçirildiyini vurğulayıb. Ölkəmizin gömrük xidməti sahəsində təşkil olunan bir sıra tədbirlərə ev sahibliyi etdiyini deyən prezident Dünya Gömrük Təşkilatının 10-cu illik PICARD “Gömrük sahəsində akademik araşdırmalar və inkişaf üzrə əməkdaşlıq proqramı” konfransının Bakıda keçirilməsinin əhəmiyyətinə toxunub.

Dünyada gömrük daşımalarının həcminin getdikcə artığını vurğulayan Dünya Gömrük Təşkilatının baş katibi Kunio Mikuriya bu sahədə peşəkarlığın mütəmadi olaraq artırılmasının çox vacib olduğunu bildirdi. Hazırda bir çox ölkələrdə beynəlxalq daşımaların idarə edilməsi məsələlərinin aktuallığının olduqca artdığını deyən Kunio Mikuriya təşkilatın Bakıda keçiriləcək 10-cu illik PICARD Araşdırmalar Konfransının bu işlərə öz töhfəsini verəcəyinə ümidvar olduğunu qeyd edib, gömrük xidməti işinə göstərdiyi dəstəyə görə dövlət başçısına minnətdarlığını bildirib. O, rəhbərlik etdiyi təşkilatın Bakıda Regional Təlim Mərkəzinin fəaliyyət göstərdiyini xatırladaraq Bakıda yeni Regional Kinoloji Təlim Mərkəzinin də açılacağını qeyd edib.

Görüşdə Azərbaycanla Dünya Gömrük Təşkilatı arasında əməkdaşlığın perspektivləri ətrafında fikir mübadiləsi aparılıb.

Kateqoriya: Siyasət / Siyasət

Başqa məqalələr...