Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1292
	Dünən	3733
	Bu həftə	1292
	Bu ay	92451
	Bu günə qədər	9753816

Bizi Paylaşın

Video Xəbərlər

Təqvim

Dalga TeleviziyasA�

Almaniya prezidenti Soçi olimpiadasını baykota çağırdı

08.12.13 21:09 |

alt

Almaniya prezidenti Yoaxim Qauk fevral ayında Soçidə keçirilən qış olimpiadasının təntənəli mərasimlərinə qatılmayacaq.
Verilən xəbərə görə Qaukun qərarı barədə artıq Rusiya hökuməti məlumatlandırılıb.
AFR prezidentinin mətbuat xidməti bu gün yayılan xəbəri təsdiqləyib. Onlar deyiblər ki, federal prezidentin qış olimpiadasının tədbirlərində iştirak etməsi heç də mütləq deyil. Sabiq hökumət başçısı Xorst Ksler də 2010 - cu ildə Kanadanın Vankuver şəhərində keçirilən qış oyunlarına getməyib
Xatırladaq ki, Soçi qış Olimpiadası 7 - 23 fevral 2014 - cü il tarixdə keçiriləcək.
Paralimpiada isə 7 - 16 martda - əsas oyunlardan bir ay gec başlayacaq.

“Gələcəyə körpü” İctimai Birliyi Gürcüstanda keçiriləcək konfransda təmsil olunacaqdır

18.12.13 21:47 |

Dekabrın 18-də “Gələcəyə körpü” Gənclər İctimai Birliyinin baş katibi Hakim Ələsgərov Gürcüstanın Kaxeti bölgəsində Avropa İttifaqının “Şərq Tərəfdaşlığı” layihəsi çərçivəsində keçiriləcək regional konfransda iştirak edəcəkdir.
İctimai Birlikdən AzərTAc-a bildirmişlər ki, hökumət və qeyri-hökumət təşkilatları nümayəndələrinin iştirakı ilə keçiriləcək ikigünlük tədbirdə Gürcüstan-Azərbaycan münasibətləri ətrafında müzakirələr, həmçinin əməkdaşlığın perspektivləri barədə fikir mübadiləsi aparılacaqdır.

Ukrayna Müxalifəti “Xalq yığıncağı“ keçirir

08.12.13 21:08 |

alt

Ukrayna müxalifəti paytaxt Kiyevdə maraqlı fləşmob keçirib. "Ukrayna xalqının səssiz yürüşü" adlanan fləşmoba qatılanlar ağızlarını qara lentlərlə bağlayıblar.
"Udar" partiyasının gənclər qanadının koordinatoru Dmitri Biloserkovun sözlərinə görə, aksiyada 100-ə yaxın insan iştirak edib. "Biz Maydanda, prezident admnistrasiyasında olan jurnalistlərə, eləcə də hökumətin guya ki, ağzını bağlamağa çalışdığı bütün Maydan fəallarına dəstək nümayiş etdirmək istəyirdik".

Bu arada artıq "xalq yığınacağı"nın keçiriləcəyi əraziyə minlərlə insan toplaşıb. insanlar Maydanı və ərtaf küçələri tamamilə doldurublar. Aksiyaçıların əllərində Ukrayna və partiyaların bayraqları var. Əvvəlcə onlar Ukraynanın himnini ifa edib, dualar dinləyiblər.

Ukrayna DİN-dən verilən məlumata görə, aksiyada 20 minə yaxın insan iştirak edir, asayişin qorunmasına 5 minə yaxın milis cəlb edilib.

Küçələrdən birində Maydana doğru irəliləyən və əllərində Britaniya bayrağı olan qrup müşahidə edilib. Bayrağın üzərində isə "Böyük Britaniya sizinlədir" yazısı olub. Ukraynalılar bu qrupa ingiilis dilində müraciət edərək onlara təşəkkürlərini bildirilər.

“Erməni qoşunu çıxmalıdır“ - İlham Əliyev

10.08.14 20:18 |

alt

"Dağlıq Qarabağ münaqişəsi öz həllini tapmalıdır"
Bunu Azərbaycan Prezidenti İlham Əliyev Soçidə 3 ölkənin (Rusiya, Azərbaycan və Ermənistan) prezidentləri ilə görüşündə deyib.

"Bu münaqişə çox uzandı, inanıram ki, Vladimir Putinin iştirakı ilə danışıqlar prosesinə yeni təkan veriləcək. Rusiya prezidentinin dediyi kimi, münaqişənin həll edilməsi üçün hüquqi bazaya əsaslanan format mövcuddur. BMT Təhlükəsizlik Şurası bu münaqişənin həll edilməsi üçün 4 qətnamı qəbul edib. Orada dəqiq yazılıb ki, Ermənistan silahlı qüvvələri Azərbaycanın işğal etdiyi torpaqlarından çıxarılmalıdır. Təəssüf olsun ki, artıq 20 il keçib, ancaq qətnamələr kağız üzərində qalıb".

Səhiyyə nazirinin müavini ana ölümündən danışdı- VİDEO

18.12.13 21:40 |

alt

Bu ilin 11 ayı ərzində ölkədə doğuş zamanı 23 ana ölümü hadisəsi qeydə alınıb. Hadisələr həm həkim səhlənkarlığı, həm də ana olmağa hazırlaşanların məsuliyyətsizliyi səbəbindən baş verib. Tibbi ekspertlər hesab edirlər ki, ölkədə ana ölümlərinin sayının artmasına səbəb hamiləliklərin az qala 90 %-nin pataloji vəziyyətdə keçməsidir, yəni normal fizioloji parametrlərə uyğun olmamasıdır.

Həkim Adil Qeybulla deyir ki, hamiləlik dövründə qadınlar çox vaxt zamanında həkimə müraciət etmirlər. Vaxtaşırı həkim nəzarətində olmama isə hamiləliyin gedişatını izləməyə imkan vermir, bu da sonda bədbəxt hadisələri qaçılmaz edir. Ekspertin fikrincə, hamiləlikdə düzgün, işində peşəkar həkimin seçilməsi də əsas amillərdəndir.

Xarici ölkələrin təcrübəsində bu cür problemlərin daha az yaşandığını deyən ekspert Azərbaycandan fərqli olaraq, həmin ölkələrdə həkimlərin özfəaliyyət ilə məşğul olmalarına icazə verilmədiyini bildirdi. Yəni, onlar Ümumdünya Səhiyyə Təşkilatının qoyduğu xüsusi təlimatlar əsasında işləyirlər ki, bu da ana ölümü kimi halların baş vermə faizini 0-a endirir.

Ana ölümlərinin səbəblərini araşdıran Səhiyyə Nazirliyi və Bakı Səhiyyə İdarəsi isə hamilə qadınların 9 ay ərzində həkimə, eləcə də, qadın məsləhətxanalarına müraciət etməsi ilə bağlı artıq xüsusi təlimlərə başlayıb.

Səhiyyə Nazirliyinin müavini Nigar Əliyeva ana ölümlərinin hər birinin Doğuşayardım Komissiyası tərəfindən araşdırıldığını və müvafiq cəza tədbirlərinin görüləcəyini bildirdi.

Bu il ana ölümündə səhvi olan 72 həkim cəzalandırılıb, 9-u işdən azad olunub.

Nazirliyin Doğuşayardım Komissiyasının apardığı araşdırmalar nəticəsində 11 ay ərzində ana ölümündə səhvi olan 72 nəfər tibb işçisinə qarşı inzibati cəza tədbirləri görülüb, 9 nəfər həkimsə işdən azad olunub. Statistikaya görə, təkcə ötən il 26 ana doğuş zamanı dünyasını dəyişib və onların əksəriyyəti rayonda baş verib.

Başqa məqalələr...