Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2361
	Dünən	3502
	Bu həftə	19604
	Bu ay	86009
	Bu günə qədər	9747374

Bizi Paylaşın

Video Xəbərlər

Təqvim

Dalga TeleviziyasA�

Ərdoğan: "Rusiya ilə münasibətlərin normallaşması prosesi tam sürətlə davam edəcək"

11.10.16 00:32 |

Türkiyə Moskva və Ankara arasında münasibətlərin normallaşması prosesinin tam sürətlə davam edəcəyinə əmindir.

APA-nın RİA Novosti agentliyinə istinadən verdiyi xəbərə görə, bunu Türkiyə prezidenti Rəcəb Tayyib Ərdoğan bəyan edib.

"Türkiyə-Rusiya münasibətləri baxımından bu gün biz çox səmərəli işlər gördük, sazişlər imzaladıq. Əminəm ki, Rusiya ilə münasibətlərin normallaşması prosesi tam sürətlə davam edəcək”, deyə Ərdoğan bildirib.

Bu gün İstanbulda Türkiyə prezidenti Rəcəb Tayyib Ərdoğan və Rusiya dövlət başçısı Vladimir Putin arasında görüş keçirilib. Görüşdən sonra Rusiya ilə Türkiyə arasında “Türk axını” üzrə saziş imzalanıb.

Neft Daşlarında elektrik montyor yıxılaraq ölüb

22.02.17 20:10 |

"Neftqaztikinti” trestinin elektrik avadanlıqlarının təmiri və xidməti üzrə 5-ci dərəcəli elektrik montyoru Ramil Vahid oğlu Yusifov Neft Daşlarında 31 saylı elektrik paylayıcı qurğudan yataqxananın “B” korpusuna kabel xəttinin çəkilişi zamanı kabel körpüsündən yıxılıb.

SOCAR-dan APA-ya verilən məlumata görə, hadisə bu gün saat 16.00 radələrində baş verib.

R. Yusifov aldığı xəsarətdən ölüb. Onun meyiti helikopter vasitəsilə sahilə yola salınıb. Hadisənin baş vermə səbəbləri araşdırılır.

Gürcüstan 4 azərbaycanlı deputat mandat qazandı

11.10.16 00:14 |

Gürcüstanda keçirilən parlament seçkilərində 4 nəfər azərbaycanlı deputat mandatı qazanıb.
Hakim “Gürcü arzusu-demokratik Gürcüstan” partiyasından proporsional siyahı üzrə namizədliyi irəli sürülmüş Mahir Dərziyev, hakim partiyanın majoritar siyahıdan namizədləri Savalan Mirzəyev seçicilərin 50,02 faizinin, Ruslan Hacıyev isə 56,13 faizinin səslərini toplayaraq deputat mandatı qazanıblar.

Ölkənin əsas ana müxalifəti sayılan “Vahid Milli Hərəkat” partiyasının üzvü Azər Süleymanov isə proporsional siyahı üzrə mandat əldə edib.

Gürcüstan Mərkəzi Seçki Komissiyasından bildiriblər ki, artıq bülletenlərin 99 faizindən çoxu sayılıb və ilkin hesablamalara görə, proporsional siyahı üzrə cəmi 3 partiya parlamentə keçə bilib. “Gürcü arzusu-demokratik Gürcüstan” partiyası 48,65 faiz, “Vahid Milli Hərəkat” Partiyası 27,11 faiz, “Gürcüstan Vətənpərvərlər Alyansı” isə 5 faiz səs toplayıb. Əsas müxalifət partiyalarından olan “İrakli Alasaniya-azad demokratlar” partiyası 4,62 faizlə mandat qazana bilməyib. Parlamentdə təmsil olunmaq üçün hər bir partiya 5 faizlik həddi keçməlidir.

Gürcüstan MSK-nın məlumatına görə, əksər majoritar dairələrdə namizədlər lazım olan səsi toplaya bilməyiblər. Ona görə də həmin dairələrdə ikinci tur keçiriləcək. İkinci turun noyabrın 2-də keçiriləcəyi gözlənilir.

Qeyd edək ki, azərbaycanlıların yığcam yaşadıqları Marneuli rayonu ərazisində təşkil olunmuş 36 saylı dairədə daha bir azərbaycanlı - Əhməd İmamquliyev qələbəyə daha yaxındır. Birinci turda o, seçicilərin 47,91 faizinin səsini qazanmaqla Tamaz Naverianini (43,41 faiz) üstələyib. Həmin dairədən daha az səs toplamış namizədlər ikinci tura buraxılmayacaqlar. Gürcüstan Seçki Məcəlləsinin tələbinə görə, ikinci tura birinci turda ən çox səs toplamış iki namizəd buraxılır.

Beləliklə Ə.İmamquliyev ikinci turda qələbə qazansa, Gürcüstan parlamentində təmsil olunacaq azərbaycanlı deputatların sayı müstəqillik dövründə ilk dəfə 5 nəfər olacaq.

Putindən şok addım – “Türk axını” layihəsi dayandırıldı

03.12.15 21:23 |

Rusiya “Türk axını” qaz kəmərinin tikintisini dayandırıb.
AzNews.az TASS agentliyinə istinadən xəbər verir ki, bu barədə Rusiyanın energetika naziri Aleksandr Novak məlumat verib. Bu addım Rusiya Federasiyasının dekabrın 1-də ticarət-iqtisadi əməkdaşlıq üzrə Rusiya-Türkiyə hökumətlərarası komissiyasının fəaliyyətinin dayandırılması barədə qərarı ilə bağlıdır.

Xatırladaq ki, noyabrın 24-də Rusiyanın Su-24 qırıcı təyyarəsi Türkiyənin hava sərhədini pozduğu üçün Türkiyə tərəfindən vurulub. Rusiya tərəfi Türkiyəni üzr istəməyə və təzminat ödəməyə çağırsa da, Türkiyə bu məsələdə haqlı olduğunu və sərhədi keçdiyi üçün Rusiyanın üzr istəməli olduğunu bildirib. Bu isə iki dövlət arasında gərginliyin yaranmasına səbəb olub.

Bakı-Qazax magistralında zəncirvari qəza baş verib

21.02.17 20:14 |

Bakı-Qazax magistral yolunda üç “VAZ” toqquşub. APA-nın qərb bürosunun verdiyi məlumata görə, hadisə yolun Şəmkir rayonu ərazisindən keçən hissəsində qeydə alınıb. “VAZ 21014” və iki “VAZ 2106” markalı avtomobillərin toqquşması nəticəsində xəsarət alan olmasa da, maşınlara ciddi ziyan dəyib.

Faktla bağlı hüquq mühafizə orqanları tərəfindən araşdırma aparılır.

Başqa məqalələr...