Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	177
	Dünən	3185
	Bu həftə	18624
	Bu ay	60068
	Bu günə qədər	9721433

Bizi Paylaşın

Video Xəbərlər

Təqvim

Dalga TeleviziyasA�

Leyla Əliyeva beynəlxalq forumda

13.10.14 17:01 |

alt Oktyabrın 13-də Rusiyanın ən nüfuzlu ali məktəblərindən biri - Rusiya Xarici İşlər Nazirliyinin Moskva Dövlət Beynəlxalq Münasibətlər İnstitutu (Universiteti) (MDBMİ) 70 illik yubileyini qeyd edir. Bununla əlaqədar, Moskvada MDBMİ məzunlarının universitetin yubileyinə həsr edilmiş II Beynəlxalq forumu işə başlayıb. Tədbirdə MDBMİ-nin dünyanın 50-dən çox ölkəsindən 1 000-dən çox məzunu – məşhur dövlət xadimləri və ictimai xadimlər, tanınmış biznesmenlər, akademik dairələrin nümayəndələri iştirak edirlər. MDBMİ məzunlarının II Beynəlxalq forumunda diskussiyalar dünyada inkişafın əsas problemləri, MDBMİ məzunlarının təmsil etdikləri ölkələrdə cəmiyyətin və iqtisadiyyatın təkamülü məsələləri ətrafında aparılacaq.

ANS PRESS-in AzərTac-a istinadən verdiyi məlumata görə, forumda Heydər Əliyev Fondunun vitse-prezidenti Leyla Əliyeva, Azərbaycanın Rusiyadakı səfiri Polad Bülbüloğlu, MDBMİ-nin ölkəmizdən olan məzunlarının böyük nümayəndə heyəti iştirak ediblər.

Forum çərçivəsində çar II Aleksandrın dövründə Rusiya xarici siyasət idarəsinin başçısı, Rusiya imperiyasının sonuncu kansleri (1867-ci ildən) olmuş Aleksandr Mixayloviç Qorçakovun abidəsinin, “Dünya MDBMİ-çilərin gözü ilə” art-sərgisinin açılışı və “Rusiya və müasir dünya: inkişaf trayektoriyası” mövzusunda plenar sessiya keçiriləcəyi gözlənilir.

Xatırladaq ki, Moskva Dövlət Beynəlxalq Münasibətlər İnstitutu məzunlarının I Beynəlxalq forumu 2013-cü ilin aprelində Bakıda keçirilib. Azərbaycan MDBMİ Məzunları Assosiasiyasının təşəbbüsü ilə təşkil edilmiş və “Birlikdə gələcəyə” devizi altında keçirilən həmin forumda Azərbaycan Prezidenti İlham Əliyev və onun xanımı Mehriban Əliyeva, nüfuzlu beynəlxalq təşkilatların rəsmi nümayəndələri, Rusiya, Ukrayna, Macarıstan, Çexiya, Bolqarıstan, Moldova, Polşa, Slovakiya, Kuba, Koreya Respublikası, İsrail, Qazaxıstan, Qırğızıstan, Vyetnam və başqa ölkələrdən biznesmen və maliyyəçilər iştirak ediblər.

Marneuli şəhərində görkəmli ictimai-siyasi xadim Allahverdi Hümbətovun xatirəsi yad olunub

08.10.14 16:02 |

alt Gürcüstan azərbaycanlılarının yığcam yaşadıqları Kvemo Kartli-Borçalı bölgəsinin Marneuli şəhərində görkəmli ictimai-siyasi xadim Allahverdi Hümbətovun anadan olmasının 70 illiyinə həsr edilmiş tədbir keçirilib.

Tədbir iştirakçıları mərhumun xatirəsini bir dəqiqəlik sükutla yad ediblər.

Azərbaycanlıların Mədəniyyət Mərkəzinin rəhbəri Fazil Həsənov tədbirdə Allahverdi Hümbətovun həyat və fəaliyyətindən söhbət açıb, ötən əsrin 90-cı illərində Gürcüstanda baş vermiş hərc-mərclik dövründə onun xalqın müdafiəsinə qalxdığını və ölkədə ayrı-seçkilik toxumu səpməyə, azərbaycanlıları doğma yurdlarından didərgin salmağa cəhd göstərənlərə qarşı haqq səsini ucaltdığını bildirib.

Qeyd edilib ki, Allahverdi Hümbətov gördüyü xeyirxah işlərlə yaddaşlarda əbədiləşib.

Gürcüstan Parlamentinin deputatı Mahir Dərziyev Allahverdi Hümbətovun dövlət, xalq qarşısındakı böyük xidmətlərini vurğulayıb, onun ömür yolunun gənclərə örnək olduğunu qeyd edib.O vurğulayıb ki, Allahverdi Hümbətov 2004-2008-ci illərdə Gürcüstan Parlamentində burada yaşayan soydaşlarımızı ləyaqətlə təmsil edib.

Gürcüstanın sabiq birinci katibi Cumber Patiaşvili Allahverdi Hümbətovun həmişə xalqına başucalığı gətirdiyini, yüksək vətəndaşlıq nümunəsi göstərdiyini bildirib.

Diqqətə çatdırılıb ki, Allahverdi Hümbətov yüksək təşkilatçılıq qabiliyyətinə malik idi. O, dəfələrlə yüksək dövlət mükafatlarına layiq görülüb.

Marneuli Rayon İcra Hakimiyyətinin başçısı Merab Topçişvili, onun müavini Kamandar İsmayılov ,Marneuli rayonunun Sadaxlı kəndindəki 1 nömrəli məktəbin direktoru İlham Xəlilov, Gürcüstan parlamentinin deputatı Azər Süleymanov və başqaları təcrübəli təsərrüfatçı, vətənpərvər, qayğıkeş ailə başçısı Allahverdi Hümbətovun xatirəsinin daim əziz tutulacağını qeyd ediblər.

Allahverdi Hümbətova həsr olunmuş “Dostluq Körpüsü ” kitabının ,eləcə də, AZTV-nin Gürcüstan təmsilçisi Şahismayıl Şəmmədoğlunun ssenari müəllifi olduğu gürcü və Azərbaycan dilində “Liderin məsuliyyəti ” filminin təqdimatı olub.

Sonda Natiq Hümbətov Allahverdi Hümbətovun xatirəsini əziz tutanlara ailə üzvləri adından minnətdarlığını bildirib.

Fuad Muradov Gürcüstana gedəcək

11.06.18 20:06 |

Diasporla İş üzrə Dövlət Komitəsinin sədri Fuad Muradov iyunun 12-də Gürcüstana gedəcək.

Bu barədə Dövlət Komitəsindən məlumat verilib.

Bildirilib ki, Fuad Muradovun rəhbərlik etdiyi nümayəndə heyətinin sabah Gürcüstana rəsmi səfəri başlayır. Səfər çərçivəsində Dövlət Komitəsinin sədrinin Gürcüstan rəsmiləri və bu ölkədə yaşayan azərbaycanlılarla görüşləri planlaşdırlır.

Səfər iyunun 17-də başa çatacaq.

9 yaşlı uşaq körpə qardaşını güllələdi- Azərbaycanda

07.06.15 19:57 |

Ötən gün Salyan rayonunda ailələrin birində dəhşətli faciə baş verib.

Rayon Prokurorluğun ANS PRESS-ə verilən məlumata görə, hadisə dünən saat 20 radələrində rayonun Düzənlik kəndində qeydə alınıb.

Kənd sakini Vüqar Məmmədov oğlanları 3 yaşlı Telman və 9 yaşlı Rəmzi ilə birlikdə atası evinə qonaq gəlib. Uşaqlar oynayarkən Rəmzi babasının köhnə ov tüfəngini götürüb.

Uşaq bilmədən tətiyi çəkib və qardaşını başından güllələyib. Aldığı güllə yarasından 3 yaşlı Telman yerindəcə keçinib.

Faktla bağlı cinayət işi başlanıb, araşdırma aparılır.

Tbilisi səhnəsində "İlahi oyun" tamaşası oynanılıb

04.10.14 23:28 |

alt Sentyabrın 3-də Tiflisdəki Kote Marcanişvili adına Dövlət Dram Teatrının böyük səhnəsində Azərbaycanın Akademik Milli Dram Teatrının kollektivi “Kitabi-Dədə Qorqud” dastanının “Dirsə xan oğlu Buğac” boyu əsasında hazırlanan “İlahi oyun” tamaşası ilə çıxış edib.

APA-nın Gürcüstan bürosunun məlumatına görə, rejissor Mikayıl Mikayılovun quruluşunda hazırlanan tamaşada Azərbaycanın Əməkdar artistləri Vidadi Həsənov (Ozan-Ata), Pərviz Məmmədrzayev (Ozan-Oğul), aktyorlar Nigar Güləhmədova (Ozan – Ana) və Novruz Novruzlu (Kut) çıxış ediblər. "İlahi oyun" əsəri tamaşaçılar tərəfindən alqışlarla qarşılanıb. Əsər Dədə Qorqud dastanında verilən qədim danışıq dili ilə nümayiş etdirilib.

Tamaşa sentyabrın 20-də başlanan VI Tiflis Beynəlxalq Teatr Festivalı çərçivəsində göstərilib. Əməkdar artist Vidadi Həsənov APA-ya açıqlamasında "İlahi oyun" tamaşasının bir il bundan əvvəl hazırlandığını və bu əsərin premyerasının ilk dəfə min nəfərlik Konya festivalında keçirildiyini bildirib: "Bu gün oynadığımız tamaşa ilk dəfə olaraq Tiflis səhnəsində oynanılır. Çox məmnunam ki, tamaşaçılar aktyorlarımızın peşəkarlığını dəfələrlə alqışladılar. Bu, bizim əməyimizə verilən ən yüksək qiymətdir."

Başqa məqalələr...