Azərbaycan Respublikası prezidenti İlham Əliyev Gürcüstan prezidenti Georgi Marqvelaşvilinin dəvəti ilə Gürcüstana səfər edəcək.

Dalgatv-nin  Anspress-ə istinadən verdiyi məlumata görə, səfər may ayında baş tutacaq.

Verilən məlumata görə, altı may tarixində Tiflisdə Türkiyə, Gürcüstan və Azərbaycan prezidentlərinin iştirakı ilə üçtərəfli zirvə toplantısı keçiriləcək.

Həmçinin bu tarixində, türk və gürcü iş adamlarının iştirakı ilə İşgüzar Forumun da keçirilməsi nəzərdə tutulur.

Zirvə toplantısında gündəlik və beynəlxalq məsələlərin müzakirə ediləcəyi gözlənilir.

Qafqaz Müsəlmanları İdarəsi (QMİ) Aşura günü Sabirabadda keçirilmiş mərasim ətrafında yaranmış ajiotaja münasibət bildirib.

QMİ-nin fətva şöbəsinin müdiri Hacı Mirəziz Seyidzadə APA-ya açıqlamasında deyib ki, “şəbeh” deyilən bu mərasimlərin ələmlə heç bir əlaqəsi yoxdur.

M.Seyidzadə bildirib ki, insanlar ələmin elə oynadılmasını şəbeh kimi qəbul etməməlidirlər, çünki şəbeh Kərbəla müsibətinin səhnələşdirilməsidir: “Çox təəssüf ki, tənqid edənlərin çoxu əsl şəbehin nə olduğunu bilmir. Əsl ruhani əlbəttə ki, bu oyunları bəyənməz. Hər şeydən əvvəl bilinməlidir ki, ələm ərəb dilində bayraq deməkdir. Bayraq da bir atributdur. Buna da ehtiram olunmalıdır. Bundan da Kərbəlada Həzrəti İmam Hüseyn İslam dövləti adından istifadə edib. O vaxt da qayda belə olub ki, bayraq enməyibsə, deməli, o qoşun məğlub olmayıb. Orada ələmdar (bayraqdar) İmam Hüseynin qardaşı Həzrəti Əbülfəzl ibn Həzrəti Əli olub. O da həmin döyüşlərdə bayrağı fədakarcasına müdafiə edib: sağ qolunu kəsiblər, sol qoluna bağlayıb, sol qolunu kəsiblər, bazusuna alıb və s.”

M.Seyidzadə təəssüflə deyib ki, indi bundan bəzi hoqqabazlar başqa cür istifadə edirlər: “Onlar əsl juliklərdir ki, İslamın belə müqəddəs atributlarından qazanc məqsədilə istifadə edib elə hoqqalar çıxarırlar. Belə günlərdə ələmin yeri bayraq olaraq məscidlərdə minbərin dibidir. İnsanlar da ona müqəddəs rəmz kimi baxmalıdırlar. Biz mömin cildinə girən hoqqabazların ələmdən qazanc mənbəyi kimi istifadə etməsindən ciddi narahatıq və bunu şiddətlə qınayırıq. Axı ələm necə uça bilər? Axı ələmin motoru, qanadı yoxdur! Amma bu juliklər ələmə bir-iki yaylıq bağlamaqla, mərasimdə onun-bunun üstünə, cibinə, maşınına guya uçurdub pul yığırlar. Guya bu ələm uçur, onu saxlaya bilmirlər, “görüm-baxım” edilməlidir ki, uçub getməsin. Bu rəzalətdir! Xurafatdır! Orda olanların ağlı necə kəsmir ki, bu ələm uçursa, niyə onu tutanı da götürüb aparmır?! Bunu edənlər təşkil olunmuş qruplardır. Bəlkə əyyaşlardan da istifadə olunur. Məqsəd Azərbaycanda İslamı gözdən salmaqdır”.