Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1300
	Dünən	3185
	Bu həftə	19747
	Bu ay	61191
	Bu günə qədər	9722556

Bizi Paylaşın

Video Xəbərlər

Təqvim

Dalga TeleviziyasA�

Bakıda "Qorxma, mən səninləyəm. 1919" bədii filminin təqdimatı keçirilib

15.11.13 20:39 |

alt Bu gün Heydər Əliyev Sarayında "Qorxma, mən səninləyəm. 1919" bədii filminin təqdimatı keçirilib. APA-nın məlumatına görə, tədbirdə Azərbaycanın birinci xanımı, Heydər Əliyev Fondunun prezidenti Mehriban Əliyeva, fondun vitse-prezidenti Leyla Əliyeva və Arzu Əliyeva iştirak edib.

Ötən əsrin 80-ci illərində çəkilmiş "Qorxma, mən səninləyəm" bədii filminin davamı kimi ekranlaşdırılan yeni ekran əsərinin ssenari müəllifi və rejissoru Yuli Qusman, operatoru Vadim Alisov, quruluşçu rəssamları Rafiq Nəsirov, Viktor Nikonenko, Tahir Tahirov, prodüserləri Müşfiq Hətəmov və Timur Vaynşteyndir.

"Qorxma, mən səninləyəm. 1919" filmində Polad Bülbüloğlu, həmçinin rusiyalı aktyorlardan Lev Durov, Muxtarbek Kantemirov, Mixail Yefremov, Edqar Zapaşnıy, Vladimir Dolinskiy, Yuri Kobaladze, eləcə də yerli aktyorlardan Kristina Güləliyeva, Eldar Qasımov, Həmidə Ömərova, Məbud Məhərrəmov, Teymur Bədəlbəyli, Zaur Şəfiyev, Bəhram Bağırzadə, Nuriyə Əhmədova, Rövşən Əsgərov çəkilib.

Filmin yaradıcı heyətində Rusiya tərəfini təmsil edən bir qrup aktyor təqdimat mərasimində iştirak edib. Rejissor Yuli Qusman film haqqında fikirlərini bölüşüb: “Filmin birinci hissəsinin çəkilişindən 32 il ötür. Çəkilişlər 6 regionda olub. Hər yerdə bizi mehriban qarşıladılar. Bu film iki ölkənin dostluğunu tərənnüm edir. Filmdə siz bir çox tanış simalar görəcəksiniz”.

Filmin bəstəkarı, baş rollardan birinin ifaçısı Polad Bülbüloğlu isə bildirib ki, yeni ekran əsərinə diqqət böyükdür: “Bu filmə həm Azərbaycanda həm də Rusiyada maraq böyükdür. Məqalələr yazılır, insanlar maraqlanır, təqdimat günün gözləyirdilər. İstərdik ki, budəfəki film də uğur qazansın, məşhur olsun”.

Təqdimat mərasimində mədəniyyət və turizm naziri Əbülfəs Qarayev prezidentin sərəncamı ilə Yuli Qusmana verilən “Şöhrət” ordenini rejissora təqdim edib.

Qeyd edək ki, film C. Cabbarlı adına "Azərbaycanfilm" kinostudiyası və Rusiyanın "Vayt Media" kino şirkətinin birgə istehsal olunub.

Tarkan qazandıqlarını bu qadına xərcləyir

22.12.14 21:19 |

alt Yeni il gecəsi ölkəmizdə səhnəyə çıxması üçün təşkilatçılar tərəfindən yüksək məbləğdə qonorar alan meqastar Tarkan qazandıqlarını anası üçün xərcləyir.

ANS PRESS-in məlumatına görə, Tarkan aldığı əmlaklarla anası Neşe Tevetoğlunu zəngin edib.

Uzun illər Almaniyada yaşadıqları üçün Tarkan üç ay əvvəl ailəsinə daha bir jest etmək qərarına gəlib. Bunun üçün Köln şəhərində villa alan Tarkan, villanın sənədini də anasına verib.

Bir neçə il əvvəl İstanbul Ataşəhərdə anasına iki ev alan Tarkan, bu danışmaz əmlaklara yenilərini əlavə edib.

Meqastar anası Neşe Tevetoğluna Tarabyada bir ev, Antalya-Larada isə bağçalı villa hədiyyə edib.

Tiflisdə "Dinlərdə qadın haqları" mövzusunda konfrans keçirilib

21.12.14 23:34 |

alt Gürcüstan Müsəlmanları İdarəsinin (GMİ) təşkilatçılığı ilə Tiflisdə "Dinlərdə qadın haqları" mövzusunda konfrans keçirilib. APA-nın Gürcüstan bürosunun məlumatına görə, tədbirdə GMİ şeyxi Ramin İgidov, GMİ-nin müftisi Beqlyar Kamanidze, GMİ-nin Şərqi Gürcüstan müftisi Yasin Əliyev, Dini məsələlər üzrə Dövlət Agentliyinin rəhbəri Zaza Vaşadze, Barışıq və Vətəndaş Bərabərliyi məsələləri üzrə dövlət naziri Paata Zakareişvili, Kvemo Kartli bölgəsinin qubernatoru Paata Xizanaşvili, Türkiyənin Gürcüstandakı səfirliyinin dini məsələlər üzrə məsləhətçisi Nəbi Gümüş, İranın Gürcüstanda fəaliyyət göstərən Əl-Mustafa Universitetinin rektoru Davud Qəşəmli, Gürcüstan-Azərbaycan Qadınlar İttifaqının sədri Leyla Süleymanova, Azərbaycanlıların Mədəniyyət Mərkəzinin Gənclər şöbəsinin müdiri Nərgiz Əliyeva, Əl-Mustafa Universitetinin nümayəndəsi Elnarə Cəfərli çıxış edərək qadına zorakılığa qarşı fikirlər səsləndiriblər. Konfransda İslam və Qurani-Kərimdə zorakılığa aid ayələr olmadığı, əksinə İslamın barış, məhəbbət, dostluğu və sevgini təbliğ etdiyi bildirilib. Çıxışçılar mənəvi dəyərlərin qorunub saxlanmasını, istər İslam, istərsə də xristianlıq və pravoslav dinlərinin eyni dəyər daşıdığı qeyd ediblər.

Gürcüstanın Barışıq və Vətəndaş Bərabərliyi məsələləri üzrə dövlət naziri Paata Zakareişvili çıxışında GMİ-yə bu konfransı təşkil etdiyinə görə təşəkkürünü bildirib. Onun sözlərinə görə, müasir zamanda insanlar dini həlledici amil kimi görürlər. Dövlət naziri zorakılığa qarşı mübarizədə maarifləndirmə təbliğatının daha da gücləndirilməsinin vacibliyini qeyd edib.

Heydər Əliyev Mərkəzində ABŞ-ın “Kosmosa səyahət” sərgisinin dünya premyerası keçiriləcəkdir

08.11.13 21:05 |

alt Noyabrın 22-də Heydər Əliyev Mərkəzində ABŞ-ın Kosmik və Raket Mərkəzinin “Kosmosa səyahət” sərgisinin dünya premyerasının açılışı olacaqdır.
Mərkəzdən AzərTAc-a verilən məlumata görə, fəzanın fəth tarixini - insanların ta qədimlərdən səma barədə xəyallarını, kosmosla yarım əsrlik tanışlıq müddətindəki yenilikləri əks etdirən bu sərgi Heydər Əliyev Mərkəzində 3500 kvadratmetr sahədə təşkil ediləcəkdir. Sərgidə yüzədək eksponat nümayiş olunacaqdır. Bunların sırasında kosmik stansiyalar, kosmosa gedib gəlmiş və digər planetlərdən gətirilmiş orijinal nümunələr, müxtəlif peyklərin hissələri və onların maketləri, kosmonavt geyimləri və aksessuarları, meteoritlər və s. vardır.
Burada uşaqdan böyüyədək hər bir ziyarətçinin kosmosa qiyabi səyahət imkanı olacaqdır. Sərgidəki 6 fərqli simulyator vasitəsilə izləyicilər özlərini qısa müddətdə də olsa “fəza”da kosmonavt kimi hiss edə biləcəklər.
İlk dəfə nümayiş olunan eksponatlarla yanaşı, sərgidə Azərbaycanın aerokosmik nailiyyətlərini əks etdirən xüsusi təqdimat da olacaqdır. Ziyarətçilər burada Azərbaycanın ilk süni peykinə dair məlumatlar, maketlər barədə informasiya əldə edə biləcəklər.

Bakıda 1,6 milyonluq dünya kubokunun açılışı - FOTO

10.09.15 22:24 |

Bakıdakı Beynəlxalq Muğam Mərkəzində şahmat üzrə dünya kuboku yarışlarının təntənəli açılış mərasimi keçirilib.

Dalga TV Azərtac-a istinadən xəbər verir ki, tədbirdə qonaqlara Azərbaycanda şahmatın inkişafı və dünya kuboku yarışlarının reqlamenti haqda məlumat verilib.
Daha sonra turnir haqqında videoçarx nümayiş olunub.

Azərbaycan Şahmat Federasiyasının prezidenti Elman Rüstəmov turnir iştirakçılarını və qonaqları salamlayıb.

Beynəlxalq Şahmat Federasiyasının (FİDE) prezidenti Kirsan İlyumjinov "Bakı-2015" birinci Avropa Oyunlarının təşkilatçılığından söz açaraq, hər şeyin yüksək səviyyədə olduğunu vurğulayıb.
Azərbaycanın dövlət himni səsləndirildikdən sonra turnirin püşkü atılıb və açılış mərasimi bədii hissə ilə davam edib.

Qeyd edək ki, Bakıda keçirilən şahmat üzrə dünya kuboku yarışlarının ümumi mükafat fondu 1,6 milyon dollardır. Qalib şahmatçı 120 min dollar məbləğində mükafata sahib olacaq. Bu mötəbər turnirdə Azərbaycanı Teymur Rəcəbov, Şəhriyar Məmmədyarov, Rauf Məmmədov, Qədir Hüseynov, Eltac Səfərli və Vasif Durarbəyli təmsil edəcəklər.

Başqa məqalələr...