Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	219
	Dünən	3492
	Bu həftə	22158
	Bu ay	63602
	Bu günə qədər	9724967

Bizi Paylaşın

Video Xəbərlər

Təqvim

Dalga TeleviziyasA�

Gürcüstan parlamenti Ukraynada baş verənlərlə bağlı bəyanat qəbul edib

12.12.13 21:01 |

Gürcüstan parlamenti 68 səslə Ukraynada baş verən hadisələrlə bağlı bəyanat qəbul edib. APA-nın Gürcüstan bürosunun məlumatına görə, dekabrın 11-də bəyanatın mətnini deputatlara Avrointeqrasiya məsələləri üzrə parlament komitəsinin sədri, “Gürcü Arzusu”ndan olan deputat Viktor Dolidze təqdim edib. Bəyanatda Gürcüstan parlamentinin Ukraynada vətəndaşlara qarşı güc tətbiq edilməsindən narahatlığı ifadə edilib, Rusiya və digər dövlətlərin Ukraynanın daxili işlərinə müdaxilə etmək hüququna malik olmadığı vurğulanıb.

“Gürcüstan parlamenti Ukrayna xalqına azad seçkilər uğrunda mübarizədə öz həmrəyliyini nümayiş etdirir. Biz Ukrayna xalqının Avropa və Avroatlantik ailəsinin tamhüquqlu üzvü olmaq istəyini dəstəkləyirik. Mövcud problemlərə baxmayaraq, Ukrayna və Gürcüstan beynəlxalq demokratik məkanda layiqli yer tutacaq”, - deyə bəyanatda qeyd olunub.

Gürcüstan parlamenti həmçinin beynəlxalq ictimaiyyətin “Şərq Tərəfdaşlığı” ölkələrinin suverenliyini dəstəkləməsini alqışlayıb.

Gürcü deputatları Ukraynanın siyasi liderlərinin mövcud vəziyyətdən xalq üçün faydalı bir çıxış yolu tapacağına ümid etdiyini bildirib.

Gürcüstanda azərbaycanlı məmurun kabinetinə basqın oldu

31.07.13 14:04 |

alt

Gürcüstanın Bolnisi rayon İcra Hakimiyyəti (İH) başçısının azərbaycanlı müavininin kabinetinə basqın olub.
Bu gün səhər saatlarında 30-a yaxın şəxs İH başçısının müavini Xaləddin İsmayılovun kabinetinə daxil olaraq otağı dağıdıb, onun, azərbaycanlıların ünvanına təhqiramiz ifadələr səsləndiriblər. X. İsmayılov açıqlamasında hücum edənlərin hamısının gürcü olduğunu bildirib.

Onun sözlərinə görə, həmin şəxslər onun Gürcüstanın yeni hökuməti ilə çalışmasına etirazlarını bildirib, bu vəzifədən getməsini tələb ediblər.

Vəzifəyə yeni hökumətin vaxtında təyin olunan X. İsmayılov faktla bağlı rayon Prokurorluğuna müraciət etdiyini deyib. O, bu gün Gürcüstanın baş naziri Bdzina İvanişvilinin qəbuluna gedib, onu məlumatlandıracağını da açıqlayıb.

Putindən miqrantlara sərt qadağa

12.12.13 21:00 |

alt

Rusiya prezidenti Vladimir Putin Federasiya Şurasına müraciət ünvanlayıb.

Müraciətində bır sıra məsələlərlə yanaşı, miqrantlarla bağlı problemlərə toxunan prezident bəzi təkliflər səsləndirib.

Prezident qanunları pozan miqrantlara tətbiq edilən qadağa müddətinin 10 ilə qədər artırılmasının istəyib. Putinin fikrincə, bu, miqrasiya qanunvericiliyinə əməl edilməsi sahəsində ciddi irəliləyiş əldə edilməsinə səbəb ola bilər.
Xatırladaq ki, hazırda bu qadağa 3 ildir.

Prezidentin müracitində ofşor şirkətlərə vergi tətbiqi, orta gəlirli ailələrin mənzil şəraitinin yaxşılaşdırılması kimi məsələlər də yer alıb.

“Prezident Mursi azad edilməlidir“

20.08.13 13:53 |

alt

BMT-nin baş katibi Pan Gi Mun həbsdə olan “Müsəlman qardaşları” tərəfdarlarının ölüm faktından narahatlığını ifadə edib.

Pan Gi Mun insidentin hərtərəfli araşdırılmasına çağırıb.

BMT-nin baş katibi həmçinin Rəfah şəhərində polislərin qətlə yetirilməsi faktını pisləyib və Misirdə siyasi prosesin bərpasına çağırıb.

Pan Gi Mun qeyd edib ki, “Müsəlman qardaşları” üçün həddindən artıq məhdudlaşdırılmış məkan genişləndirilməlidir, demokratik yolla seçilmiş prezident Musri isə ya azad edilməli, ya da açıq məhkəmə qarşısına çıxmalıdır.

Gürcüstan prezidentliyinə namizəd Georgi Marqvelaşvili Bolnisidə iftar məclisində iştirak edib

30.07.13 15:33 |

“Gürcü Arzusu” Partiyasından Gürcüstan prezidentliyinə namizəd Georgi Marqvelaşvili Müqəddəs Ramazan bayramı münasibətilə azərbaycanlıların kompakt yaşadığı Bolnisi rayonunun Kəpənəkçi kəndində təşkil olunan iftar mərasimində iştirak edib.Mərasimdə çıxış edən Gürcüstan Georgi Marqvelaşvili bayram münasibətilə Gürcüstanda yaşayan bütün müsəlmanları təbrik edib: “Əziz həmvətənlərim, biz birlikdə möhtəşəm, azad, vahid və güclü Gürcüstan qurmalıyıq. Ümidvaram ki, bu dövlət sizin dəstəyiniz və müdrikliyiniz sayəsində qurulacaq və inkişaf edəcək”. İftar məclisində Bolnisi rayonundakı Akaurt orta məktəbinin direktoru Nofəl Əliyev çıxış edərək “Gürcüstan bizim vətənimizdir. Bu gözəl bayramda iştirak edən gürcülərə, həm də azərbaycanlılara böyük təşəkkürümüzü bildiririk”, - deyə bildirib. Gürcüstanın reinteqrasiya məsələləri üzrə dövlət naziri Paata Zakareişvili Ramazan ayını hakimiyyət üçün çox vacib bir ay adlandırıb: “Çünki Gürcüstanın müəyyən bir hissəsi müsəlmanlardan ibarətdir. Şübhəsiz ki, onların bayramı, həm də bizim bayramımızdır”. Tədbirdə Gürcüstanın baş nazirinin milli məsələlər üzrə köməkçisi Savalan Mirzəyev, Kvemo-Kartlinin inzibati bölgə ərazisinə daxil olan Dmanisi, Bolnisi, Marneuli, Qardabani rayonlarından və Tiflisdən gələn azərbaycanlılar, parlamentin deputatları, rayon rəhbərləri və Gürcüstan Müsəlmanları idarəsinin rəhbərləri, dindarlar, gənclər iştirak ediblər.

Başqa məqalələr...