Məktubda xoş arzularını vurğulayan E. Şevardnadze bildirib: 

“Əziz İlham Heydər oğlu,
Yenidən Azərbaycan Respublikasının Prezidenti seçilməyiniz münasibətilə Sizi təbrik edirəm. Sizin bu inamlı qələbəniz çox sınaqlardan keçərək bu həlledici gündə bir daha düzgün seçim etmiş Azərbaycan xalqının müdrikliyinə sübutdur. Dəfələrlə qeyd etdiyim kimi, bizim hamımızın bəxtimiz gətirib ki, tarixin bu məsul dövründə Azərbaycanda hakimiyyət sükanının arxasında İlham Heydər oğlu Əliyev kimi istedadlı bir dövlət xadimi – zəmanəmizin görkəmli siyasi xadimi, mənim sədaqətli dostum və qardaşım Heydər Əlirza oğlu Əliyevin layiqli varisi dayanır. Sizin qeyri-adi qabiliyyətləriniz Prezident Heydər Əliyevin müdrik kursunu uğurla davam etdirməyinizə kömək etmişdir. Məhz Heydər Əliyevin sayəsində Gürcüstandan fərqli olaraq Azərbaycanda yeni sosial-iqtisadi sistemə keçidə nisbətən rəvan şəkildə, az itkilərlə nail olunmuşdur. Minnətdarlıq hissi ilə qeyd etməliyəm ki, biz Gürcüstanda problemlərin həlli istiqamətində mübarizədə qardaş Azərbaycan xalqının dəstəyini daim hiss edirik. Mənim təbriklərimə qızım Manana, oğlum Paata və onların ailələri də qoşulurlar, çünki Sizin qələbəniz bizim ümumi sevincimizdir”. 

“Hörmətli cənab Prezident, biz, bir qrup azərbaycanlı jurnalist, Sizə həmkarımız, tanınmış jurnalist Nuran Hüseynova kömək etmək xahişi ilə müraciət edirik. İnsanlara kömək məqsədi daşıyan “Xeyir körpüsü” televiziya verilişinin aparıcısı olaraq o, bədbəxtliyə düçar olmuş və xəstəliklərlə üzləşmiş insanları dəstəkləməyə və onları xilas etməyə çalışırdı. 

Amma iş elə gətirdi ki, 2012-ci ilin yazında Nuran özü bədbəxtliklə üzləşdi. Jurnalistdə ağır xəstəlik - limfoqranulematoz (limfa toxumasının bədxassəli xəstəliyi ) aşkar olundu. İndiyə kimi Nuran Hüseynov Avstriyada, Filippində və Almaniyada müalicə alıb. Xəstəliyin müalicəsi böyük maliyyə vəsaitləri tələb edir. Nurana kömək məqsədilə onun dostları və həmkarları dəfələrlə xeyriyyə aksiyaları keçiriblər. 

Beynəlxalq Muğam Mərkəzi, Bakı Caz Mərkəzi və Azərbaycan Dövlət Filarmoniyasında xeyriyyə məqsədilə tanınmış aktyorların və ifaçıların iştirakı ilə keçirilən konsertlərdə 150 000 avroya yaxın vəsait toplanıb. Amma təəssüf ki, əldə olan vəsaitlər artıq tükənib. Bu günlərdə Nuran Hüseynovun vəziyyəti pisləşib və onun təcili tibbi müdaxiləyə ehtiyacı var. Bununla belə, maddi vəsaitlərin çatışmazlığı üzündən jurnalistin müalicəsi yubanır. Cənab Prezident, Siz dəfələrlə Azərbaycan jurnalistlərinə dəstək və diqqət göstərmisiniz. Sizin şəxsi göstərişinizlə leykoz xəstəliyindən əziyyət çəkən tanınmış jurnalist Nicat Dağlar Azərbaycan dövlətinin hesabına Almaniyada müalicə olunur. Sizdən ağır xəstəliyinin müalicəsini başa çatdırmaq üçün köməyə ehtiyacı olan jurnalist Nuran Hüseynovun taleyinə biganə qalmamağı xahiş edirik.

Nuran Hüseynov həyat uğrunda mübarizədə artıq böyük və mürəkkəb yol keçib, xeyli ağrı və əzablara tab gətirib. Ağır xəstəlik üzərində qələbə çalmaq üçün son addımı atması və tezliklə Vətənə qayıtması üçün biz Sizdən jurnalistə yardım əlinizi uzatmağı xahiş edirik”.