Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	84
	Dünən	4605
	Bu həftə	18081
	Bu ay	33800
	Bu günə qədər	9695165

Bizi Paylaşın

Video Xəbərlər

Təqvim

Dalga TeleviziyasA�

Əli Kərimli: “İsa Qəmbər məni dəstəkləməyə hazırdırmı?”

22.08.13 21:09 |

alt

“Mənim Müsavat başqanı İsa bəylə heç bir problemim yoxdur. Hətta mən daha öncə də demişəm ki, müstəqil intellektuallardan biri ilə bərabər, siyasətçilərdən də birini dəstəkləyə bilərəm. Demişəm ki, konkret olaraq, İsa bəy Milli Şuranın vahid namizədi olmaq istəsə, mən onu dəstəkləyə bilərəm, ancaq gərək digər partiya üzvləri də İsə bəyin namizədliyini dəstəkləsinlər”.

Bu sözləri Azadlıq Radiosunun “İşdən Sonra” proqramındakı çıxışında Azərbaycan Xalq Cəbhəsi Partiyasının sədri Əli Kərimli deyib. O deyib ki, İ.Qəmbərin namizədliyini dəstəkləyə biləcəyini dediyi halda belə, müsavatçılar onun partiyanın başqanı ilə probleminin olduğunu iddia edirlər: “Mənim İsa bəylə heç bir problemim yoxdur, amma çox maraqlıdır, mən belə bir bəyanat verdiyim halda, İsa bəy mənim haqqımda belə söz deyibmi? İsa Qəmbər deyibmi ki, birdən digər partiyalar Əli Kərimlini müdafiə etsələr, Müsavat Partiyası hazırdırmı AXCP sədrini dəstəkləməyə? Bu açıqlamanı olduğu kimi mənə qaytarmaq olarmı?”

Milli Şurada fövqəladə toplantı- ÖZƏL

22.08.13 21:07 |

alt

Sabah Milli Şurada toplanır.

Son günlər Milli Şurada baş verən gərginlik və fikir ayrılıqları təcili toplantının keçirilməsini zəruri edib.

Aldığımız məlumata görə, bu dəqiqələrdə qərara alınıb ki, sabah Milli Şura üzvləri fövqəladə tolantı keçirərərək vəziyyətdən çıxış yolları axtaracaq. Məlumata görə, toplantı sabah saat 16:00-da "Müsavat"ın qərargahında baş tutacaq.

MSK Rüstəm İbrahimbəyovun sənədlərini qəbul etdi

22.08.13 13:30 |

alt

Milli Şuranın sədri və vahid namizədi Rüstəm İbrahimbəyovun sənədləri Mərkəzi Seçki Komissiyasına təqdim edilib.

Bu barədə MŞ-də R.İbrahimbəyovun namizədliyinin irəli sürülməsi üçün yaradılan Təşəbbüs Qrupunun nümayəndəsi Elman Məmmədzadə məlumat verib.

O bildirib ki, artıq R.İbrahimbəyovun namizədliyinin irəli sürülməsi ilə bağlı lazım olan bütün sənədlər MSK-ya təqdim edilib. E.Məmmədzadənin sözlərinə görə, MSK sənədləri qəbul edib və yaxın 3 gün ərzində R.İbrahimbəyovun namizədliyinin qeydə alınıb, ona imza vərəqələrinin verilib-verilməyəcəyinə aydınlıq gətirəcək.

Gürcüstanın Baş naziri Latviya və Estoniyaya səfər edəcəkdir

22.08.13 21:06 |

Bidzina Ivanishvili 021012 Gürcüstan Baş nazirinin mətbuat xidmətinin yaydığı məlumata görə, hökumətin başçısı Bidzina İvanişvilinin bu ilin sentyabrında Latviya və Estoniyaya səfəri planlaşdırılmışdır.
Səfərin dəqiq tarixi hələlik məlum olmasa da, sentyabrın birinci yarısında baş tutacağı ehtimal edilir.
Gürcüstanın Baş naziri sonuncu xarici səfəri iyulun 18-19-da Litva və Polşaya olmuşdur.

Gürcüstan prezidentliyinə namizəd Georgi Marqvelaşvili Dmanisidə azərbaycanlılarla görüşüb

21.08.13 21:22 |

Hakimiyyətdəki “Gürcü Arzusu” koalisiyasından Gürcüstan prezidentliyinə namizəd Georgi Marqvelaşvili azərbaycanlıların kompakt yaşadığı Dmanisi rayonunun Hamamlı kəndinin mərkəzində əhali ilə görüşüb. Görüş barədə açıqlama verən Hamamlı kənd icra nümayəndəsi Mübariz Məmmədov tədbirin yüksək səviyyədə keçdiyini bildirib: “Georgi Marqvelaşvili azərbaycanlılar qarşısında çıxış edərək bizim problemlərimizi həll etməyə söz verdi. O qeyd etdi ki, əgər prezident seçilərsə, bizim ən böyük ağrılı yerimiz olan torpaq problemini həll edəcək”.

M. Məmmədov deyib ki, görüşdə Gürcüstanın əmək, səhiyyə və sosial müdafiə naziri David Sergeyenko da çıxış edərək azərbaycanlıların kompakt yaşadığı bölgələrdə səhiyyənin inkişaf etdirilməsindən və pulsuz müalicədən danışıb.

Sonda G. Marqvelaşvili kənd sakini Nemət Gülməmmədovun evində, çay süfrəsi arxasında kənd sakinləri ilə səmimi söhbət edib.

Qeyd edək ki, Hamamlı kəndində 394 təsərrüfat var və 1500 nəfər qeydiyyatdadır. Hazırda kənddə 850 nəfər yaşayır.

Başqa məqalələr...