Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2075
	Dünən	3331
	Bu həftə	8625
	Bu ay	24344
	Bu günə qədər	9685709

Bizi Paylaşın

Video Xəbərlər

Təqvim

Dalga TeleviziyasA�

BMT Azərbaycanın təşəbbüsü ilə bəyanat qəbul etdi

31.07.13 14:05 |

alt

İyulun 27-də Somalinin Moqadişo şəhərində Türkiyə səfirliyinin əsas binalarından birinə qarşı törədilən terror aktı nəticəsində bir nəfərin həlak olması və bir neçə insanın xəsarət almasını nəzərə alaraq, Azərbaycanın təşəbbüsü ilə BMT Təhlükəsizlik Şurasının mətbuat üçün bəyanatı qəbul edilib.

Azərbaycanın BMT yanındakı Daimi nümayəndəliyindən verilən məlumata görə, bəyanatda Şura üzvləri diplomatik və konsulluq nümayəndələrinə qarşı zorakılıq aktlarını qətiyyətlə pisləyib, həmin aktın qurbanlarının ailə üzvlərinə, Türkiyə hökumətinə və xalqına başsağlığı verib, bu cinayəti törədən şəxslərin məsuliyyətə cəlb olunmasının vacibliyini vurğulayıblar.

Bununla yanaşı, Təhlükəsizlik Şurasının üzvləri terrorçuluğun bütün növ və təzahürlərinin beynəlxalq sülh və təhlükəsizliyə ən ciddi təhdidlərdən birini təşkil etdiyini və terror aktlarını, onların motivlərindən, harada, nə vaxt və kim tərəfindən törədilməsindən asılı olmayaraq, cinayət hesab etdiklərini və bağışlanılmaz olduğunu qeyd ediblər.

Milli Şura Putinə minnətçi düşəçək - Müraciət

31.07.13 14:05 |

alt

Milli Şuranın Tiflisdə keçirdiyi toplantı başa çatıb.

Toplantıda Rüstəm İbrahimbəyovun Rusiya vətəndaşlığından imtinası ilə bağlı prosesin sürətləndirilməsi üçün Rusiya prezidenti Vladimir Putinə müraciət etmək qərara alınıb.

Yayılan son açıqlamada qeyd edilib ki, yığıncaqda “Rüstəm İbrahimbəyovun Azərbaycana dönüşü ilə bağlı siyasi, hüquqi-texiniki, təşkilatı işlərin, həmçinin ictimai və beynəlxalq rəyin hazırlanmadığı” bildirilib. Eyni zamanda Rusiya vətəndaşlığından imtina məsələsi də həll olunmadığı üçün onun iyulun 31-də Bakıya dönməməsinə qərar verilib.

Toplantının qərarına görə, R. İbrahimbəyovun Bakıya dönüşü yalnız Milli Şuranın qərarı ilə olacaq.

Rüstəm İbrahimbəyov Tiflisdə - FOTO

30.07.13 19:52 |

alt

Milli Şuranın sədri və vahid namizədi Rüstəm İbrahimbəyov nəhayət, Gürcüstanın paytaxtı Tiflisə gəlib çıxıb.

R.İbrahimbəyovu Tiflisə gətirən təyyarə artıq Gürcüstan paytaxtına enib. Bildirilir ki, Milli Şura üzvlərindən bəziləri İbrahimbəyovu qarşılamaq üçün Tiflis hava limanına gedib. Məlumata görə, Milli Şura üzvləri ilə R.İbrahimbəyovun görüşü saat 18:00-dən sonra baş tutacaq. Xatırladaq ki, Gürcüstan paytaxtındakı “Vere Palace” otelindədir. Onu da bildirək ki, İbrahimbəyovla görüşmık üçün Gürcüstan paytaxtına 15-ə qədər MŞ üzvü yollanıb.

Tiflisdə Milli Şura üzvləri ilə Rüstəm İbrahimbəyovun görüşü başlayıb, İsa Qəmbər toplantının əvvəlinə qatılmayıb

30.07.13 22:16 |

alt

Rüstəm İbrahimbəyov bundan sonra toplantılarının “Vera Palase”də keçiriləcəyini bildirib

Tiflisin “Vera Palace” otelində Milli Şurada təmsil olunan müxalifət partiyalarının rəhbərləri və funksionerləri ilə Rüstəm İbrahimbəyovun görüşü başlayıb. Görüşdə Milli Şuranın 16 üzvü iştirak edir. İştirakçılar arasında Müsavat başqanı İsa Qəmbər, ACP sədri Sülhəddin Əkbər, AXCP sədrinin müavinləri Fuad Qəhrəmanlı və Gözəl Bayramlı, Milli Şuranın İcra Aparatının rəhbəri Eldar Namazov, Rüstəm İbrahimbəyovun vəkili Fuad Ağayev də var.Görüş mətbuat nümayəndələri üçün qapalı keçirilib. Müsavat Partiyasının başqanı İsa Qəmbər görüşdən sonra mətbuata açıqlama veriləcəyini bildirib. Görüşdə Milli Şuranın fəaliyyəti, Rüstəm İbrahimbəyovun Rusiya vətəndaşlığının ləğv olunması, onun Azərbaycana gəlməsi və digər məsələlər müzakirə ediləcəyi gözlənilir. Sabah eyni tərkibdə daha bir görüşün keçiriləcəyi gözlənilir.

Müsavat başqanı İsa Qəmbər toplantının ilk 20 dəqiqəsində iştirak etməyib. O yalnız toplantı başladıqdan 20 dəqiqə sonra iclas keçirilən zala daxil olub. İsa Qəmbərin görüşün ilk hissəsinə qatılmamasının səbəbi məlum deyil.

Toplantının təxminən bir saat davam edəcəyi, daha sonra müzakirə olunan məsələlər barədə jurnalistlərə açıqlama veriləcəyi bildirirlib.

Tiflisdəki mənbələr Rüstəm İbrahimbəyovun bundan sonrakı görüşlərinin, xüsusilə Milli Şuranın mühacirətdə olan üzvləri ilə toplantılarının da “Vera Palace”da keçiriləcəyini bildiriblər. “Vera Palace” oteli erməni mənşəli Gürcüstan vətəndaşı Andrey Nersesyana məxsusdur və hazırda onun oğlu tərəfindən idarə olunur. A. Nersesyan SSRİ dövründə Gürcüstanın ticarət naziri vəzifəsində işləyib. Onun hazırda Ermənistan prezidenti Serj Sərkisyanla yaxın əlaqədə olduğu və Gürcüstanda əsas dayaqlarından biri sayıldığı bildirilir.

İvanişvili qeyri- hökümət sektoruna keçəcək

30.07.13 15:35 |

alt

Gürcüstanın baş naziri Bidzina İvanişvili yeni ilə qədər baş nazir postunu tərk edib, qeyri-hökümət sektoruna keçmək niyyətindədir.

Baş nazir bu barədə Euobserver jurnalına müsahibəsində deyib. “RİA –Novosti” İvanişvilinin müsahibəsində istinadən bildirib ki, prezident seçkilərindən sonra baş nazir qeyri-hökümət sektoruna keçəcək.

“O (İvanişvili) qeyd edib ki, “yeni ilə qədər” baş nazir postundan istefa edib, qeyri –hökümət sektorunda öz əsas planını həyata keçirmək üçün çalışacaq. Plan Gürcüstanı elitar korrupsiyadan təmizləmək, yaxşı məktəblər, xəstəxanalar, yollar salmaq, o cümlədən xarici investorları və turistləri cəlb etməkdən ibarətdir”.

Gürcüstanın baş naziri “Postimees” qəzetinə iyunda müsahibəsində bildirmişdi ki, 2013-cü il 27 oktyabrda keçiriləcək prezident seçkilərindən sonra siyasətdən uzaqlaşmaq niyyətindədir.

O vurğulayıb ki, prezident seçkilərindən sonra hökümətin onun köməyinə ehtiyacı yoxdur. Əvvəllər baş nazir siyasətdən uzaqlaşacağını qeyd etməmişdi.

2012-ci ilin oktyabrında keçirilən parlament seçkilərindən sonra “Gürcü arzusu” partiyasının qalib olması və baş nazir postuna təsdiqlənəndən sonra İvanişvili bir və ya iki ilə siyasətdən uzaqlaşacağını qeyd etmişdi. Bundan sonra o öz mövqeyindən dönməyib.

Başqa məqalələr...