BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1128
	Dünən	3813
	Bu həftə	14869
	Bu ay	81274
	Bu günə qədər	9742639

Bizi Paylaşın

Video Xəbərlər

Təqvim

Dalga TeleviziyasA�

Tramp Azərbaycanda nə qədər pul qazanıb? - ABŞ KİV-i açıqladı

30.11.16 12:30 |

Amerika KİV-i 2014-cü ilin yanvarından 2016-cı ilin mayına qədər olan dövrdə ABŞ-ın yeni seçilmiş prezidenti Donald Trampın Azərbaycanda nə qədər pul qazandığını açıqlayıb. Məlum olub ki, Tramp özü yalnız "Trump" adından istifadə üçün 2,8 milyon dollardan çox pul alıb.

Söhbət Azərbaycandakı təmtəraqlı Trump International Hotel & Tower Baku mehmanxanasından gedir.

"Qafqazinfo" xəbər verir ki, virtualaz.org bir müddət öncə Amerika KİV-nə istinadən Azərbaycanda Donald Trampla əlaqəli ən azı beş obyektin olduğu barədə yazmışdı. Bu arada qeyd edək ki, prezidentliyə namizəd kimi qeydiyyata alınmaq üçün Trampın ABŞ-ın Hökumət Etikası üzrə İdarəsinə göndərdiyi hesabatların yalnız birində Bakının adı 21 dəfə xatırlanır (Yeri gəlmişkən, orada Yerevan və ya Ermənistanın adı çəkilmir)!

Amerika nəşri ProPublica-nın yazdığı kimi, bütün bunlar əxlaq üzrə hüquqşünasların və ekspertlərin diqqətini çəkib. Çoxları hesab edirlər ki, hüquqi nöqteyi-nəzərdən Trampın xarici lisenziya razılaşmaları ABŞ Konstitusiyasını - hansının ki müddəaları prezidenti istənilən pul mükafatının, vəzifənin və ya titulun qəbulundan çəkindirir,- poza bilər. Konstitusiyanın pozulması isə impiçmentə gətirib çıxara bilər.

Ancaq bir "əmma" var. "Biz Trampın müddəaları pozduğunu necə biləcəyik?”-deyə ProPublica nəşri sual edir. Və özü də cavab verir: “Heç cür. Hər şeydən əvvəl informasiyanın açılması üzrə prezidentlərə qoyulan məhdudiyyət tələbinə görə”.

Bundan başqa Tramp, ABŞ-ın Hökumət Etikası üzrə İdarəsinin tələblərinə uyğun olaraq, 2018-ci ilin mayına qədər öz aktivləri, gəlirlər, hədiyyələr və qiymətli kağızların portfelləri üzrə illik kompleks hesabatı hazırlamaya bilər.

Trampın prezidentliyinə təhlükə: üç kritik ştatda səslər yenidən sayılır

27.11.16 22:42 |

alt

ABŞ-da keçirilən prezident seçkilərinin dünyanı şoka salan nəticələri ətrafında səs-küy səngiməmiş proseslər gözlənilməz istiqamətdə dəyişir.

Milyarder Donald Trampın öz komandasını formalaşdırıb başa çatdırmaq üzrə olduğu bir vaxtda gözlənilmədən seçkilərin üçüncü iştirakçısı, Yaşıllar partiyasının namizədi Cill Stayn noyabrın 25-də kritik ştatda-Viskinsonda səslərin yenidən sayılması üçün ərizə verib

Qeyd edək ki, ABŞ-da prezidentlik uğrunda mübarizə ənənəvi olaraq iki partiyanın-respublikaçıların və demokratların namizədləri arasında gedir. Çünki onlar ABŞ siyasi sisteminin iki əsas oyunçusudur və bu ölkədə çoxsaylı başqa siyasi partiyalar qeydiyyatda olsa da heç biri ümumölkə miqyasında ciddi populyarlığa malik deyil. Demokratların siyasi platformasına yaxın olan Yaşıllar partiyası da belədir və bu partiyanın namizədi hər dəfə prezident seçkilərində öz namizədini irəli sürür. Və bir qayda olaraq 1-2 faizdən çox səs toplaya bilmir. Lakin indi istisna deyil ki, Yaşıllar partiyasının seçki dövründə heç kimin yadına düşməyən namizədi səsvermənin dünyanı heyrətə salan nəticələrinin ləğvinə səbəb ola bilər.

Məsələ burasındadır ki, Viskinson ştatında Donald Tramp 0.7 faizlik cüzi səs üstünlüyü ilə Hillari Klintona qalib gəlib. Bu ştatda bülletenlərin əllə sayıldığı məntəqələrdə Hillari Klinton qalib gəlib. Səslərin elektron sayıldığı məntəqələrdə isə Tramp udub. İndi Cill Staynın müraciəti əsasında həmin məntəqələrdə bülletenlərin əllə sayılması prosesi başlayacaq. O, Viskinsonla yanaşı Miçiqan və Pensilvaniyada da “statistik anomaliyalarla bağlı” səslərin yenidən sayılmasını tələb edəcəyini bildirib. Əgər bu üç ştatda səslərin yenidən sayılması nəticəsində nəticələr ləğv olunarsa Trampın qələbəsi əlindən alınacaq və prezident Hillari Klinton olacaq.

Rusiyadan Trampa ilk sərt reaksiya: "Vicdanına qalıb"

27.11.16 22:38 |

Donald Trampın Kuba lideri Fidel Kastronun arxasınca danışması onun vicdanına qalıb.

Bu sözləri Rusiya XİN-in Latın Amerika üzrə departamentinin direktoru Aleksandr Şetinin bildirib:

"Müxtəlif təzahürlərə və arzulara gəlincə kiminsə arxasınca danışmaq və dünyasını dəyişmiş insan barəsində üzsüz bir tərzdə fikir bildirməyi mən o insanın vicdanına buraxıram".

Qeyd edək ki, Tramp sosial şəbəkədə paylaşımında Fidel Kastronu lağa qoyub.

"Türk səddi" inşa edilir: Dünyada 3-cü olacaq

27.11.16 22:39 |

Türkiyə tərəfi Suriyada vətəndaş müharibəsi və son dövrlərdəki terror hücumları ilə bağlı sərhəddə təhlükəsizlik tədbirlərini gücləndirir.

911 kilometrlik Suriya sərhədində beton bloklardan ibarət divar hörülür. Sərhəd tikintisi Hataydan başlayaraq Şırnaq xəttinə qədər 14 ayrı bölgədə davam etdirilir.

Artıq Kobani istiqamətində tikinti başa çatdırılıb. Divarın eni 2 metr, hündürlüyü 3 metrdir.

Qeyd edək ki, tikinti başa çatdıqdan sonra bu sərhəd xətti dünyada 3-cü ən böyük sədd olacaq.

Fidel Kastro vəfat etdi

27.11.16 22:29 |

Kuba lideri Fidel Kastronun cənazəsi vəsiyyətinə uyğun olaraq yandırılacaq.

AzNews.az xəbər verir ki, bu barədə Fidel Katronun qardaşı Raul Kastro bəyan edib.

Kuba Lideri ilə vida mərasimin necə və harda keçirilməsibarədə yaxın saatlarda məlumat veriləcək.

Fidel Kastro 2006 cı ildə səhhətinin pisləşməsi ilə əlaqədar hakimiyyəti qardaşı Raul Kastroya təhvil vermişdi.

***
09:25

Kuba inqilabçısı Fidel Kastro 90 yaşında vəfat edib.

AzNews.az xarici KİV-lərə istinadən xəbər verir ki, bu barədə onun qardaşı, Kuba lideri Raul Kastro məlumat verib.

Fidel Kastro 1926-ci ildə Kubada anadan olub. O, 1959-2008-ci illərdə Kuba lideri olub.

09:48
***

Kuba lideri Fidel Kastro dekabrın 4-də dəfn ediləcək.

AzNews.az xarici KİV-lərə istinadən xəbər verir ki, 90 yaşında vəfat edən Fidel Kastro 1 həftə sonra, dekabrın 4-də dəfn ediləcək. Bu müddət ərzində isə ölkədə matəm olacaq.

Başqa məqalələr...