Niderlandda fəaliyyət göstərən “Azərbaycan Niderland Gənclər Cəmiyyəti”nin təmsilçiləri Venlo şəhərində keçirilmiş ənənəvi regional sərgidə iştirak edib.

Azərbaycanın Niderland Krallığındakı səfirliyindən APA-ya verilən xəbərə görə, Venlo şəhəri Almaniya ilə həmsərhəd ərazidə yerləşdiyi üçün sərgiyə nəinki yerli əhali, həmçinin Almaniya vətəndaşları da qatılıblar.

Qeyd edək ki, hər il təşkil olunan və 5 min nəfərdən çox iştirakçının qatıldığı sərgidə Niderlandda yaşayan müxtəlif millətlərin nümayəndələri, eləcə də bu ölkədə fəaliyyət göstərən müxtəlif icmalar öz milli mədəniyyətini və tarixini əks etdirən stendlərlə iştirak ediblər.

Azərbaycanın milli stendində Niderlandda uzun müddət yaşayan yerli diaspor fəallarımız ölkəmizin qədim tarixi və zəngin mədəniyyətindən, eləcə də Dağlıq Qarabağ həqiqətlərindən bəhs edən müxtəlif kitab, buklet və broşurları iştirakçılara paylayıb, milli geyimdə olan oğlan və qızlar tərəfindən Azərbaycan şirniyyatlarını sərgiyə gələn qonaqlara təqdim ediblər. Azərbaycan stendi sərgi iştirakçıları tərəfindən xüsusi maraq və diqqətlə qarşılanıb.

Bakıda keçiriləcək ilk Avropa Oyunlarına neçə erməni cüdoçununun qatılacağı müəyyənləşib.

ANS PRESS-in məlumatına görə, idmançıların sayını Avropa Cüdo Birliyi təsdiqləyib. Məlumata görə, Bakıya 4 kişi və 1 qadın erməni cüdoçu gələcək. Cüdo komkandasının heyətinin Ermənitan Cüdo Federasiyasl tərəfindən mayın1-dən 3-dək açıqlanacağı gözlənilir.

Qeyd edək ki, 2015-ci ilin 12-28 iyun tarixlərində keçiriləcək Bakı 2015 Birinci Avropa Oyunları qitə üçün çoxsaylı idman növləri üzrə baş tutacaq çox maraqlı və innovativ yarışlar olacaq.

Bakı 2015 Birinci Avropa Oyunları ümumilikdə, 20 idman növü üzrə keçiriləcək: bunlardan 16-sı Olimpiya, 4-ü qeyri-olimpiya idman növündə olacaq. Oyunlarda Avropanın müxtəlif ölkələrindən 6000-dən çox idmançının 17 yarış günü müddətində öz ölkələrini təmsil edəcəyi gözlənilir.

12 idman növü 2016-cı il Rio-de-Janeyro Olimpiya Oyunları üçün seçmə yarışlara imkan yaradacaq. Həmin idman növlərinə oxatma, atletika, boks, velosiped idmanı, atıcılıq, üzgüçülük, stolüstü tennis, taekvondo, triatlon, güləş, cüdo və voleybol daxildir.
Birinci Avropa Oyunlarının keçirilməsini 2012-ci ilin dekabr ayında Avropa Olimpiya Komitəsi (AOK) Bakı şəhərinə həvalə edib. Bakı Avropa Oyunları Əməliyyat Komitəsi (BAOƏK) AOK ilə əməkdaşlıq şəraitində Oyunları təşkil və idarə edəcək.