Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2087
	Dünən	3424
	Bu həftə	12015
	Bu ay	78420
	Bu günə qədər	9739785

Bizi Paylaşın

Video Xəbərlər

Təqvim

Dalga TeleviziyasA�

Yuxarı Qarabağ kanalında meyit tapılıb

24.07.13 19:31 |

alt

Yuxarı Qarabağ kanalında boğulmuş Bərdə rayon sakini Ceyhun Mirzə oğlu Nadirovun axtarışları sona çatıb.

Fövqəladə Hallar Nazirliyinin Dövlət Sularda Xilasetmə Xidmətinin əməkdaşları onun cəsədini batdığı yerdən 15 kilometr aralıda, Yuxarı Qarabağ kanalının Bərdənin Hacallı kəndi ərazisindən keçən hissəsində aşkarlayıblar.

Xatırladaq ki, Bərdə rayonu, Füzuli küçəsində yaşayan 1977-ci il təvəllüdlü Ceyhun Nadirov həyat yoldaşına kanala çimməyə getdiyini deyib və geri qayıtmayıb.

Bununla əlaqədar onun ailə üzvləri polisə müraciət ediblər. Aparılan axtarışlar zamanı Ceyhunun paltarları Yuxarı Qarabağ kanalının rayonun Hüseynbəyli kəndi ərazisindən keçən hissəsində tapılıb.

Nicat Dağlardan yeni xəbər var

24.07.13 19:30 |

alt

Leykoz xəstəliyinə tutulmuş jurnalist Nicat Dağlar Almaniyaya iyulun 26-na keçən gecə yola düşür.

Məlumatı “Media forum” saytına jurnalistin qayını Məqsəd Rəhimov verib.

Məqsəd Rəhimov bildirib ki, Frankfurt şəhərində müalicənin istiqaməti müəyyənləşəcək: “Həkimlər əməliyyata ehtiyac olub-olmadığına qərar verəcəklər. Nicatla Almaniyaya mən gedirəm. Orada nə qədər qalacağımız həkimlərin verdiyi qərardan asılı olacaq. Mənə məlumat verdilər ki, Frankurtda bizi Azərbaycan səfirliyin nümayəndələri qarşılayacaq. Çatan kimi Nicat klinikaya yerləşdiriləcək”.

Nicat Dağların müalicəsini prezident İlham Əliyevin tapşırığı ilə dövlət öz üzərinə götürüb.

Gürcü yazıçılar Azərbaycan xalqından üzr istədilər

24.07.13 12:08 |

alt Gürcü yazıçısı Avto Çxaidze Gürcüstanın “Literaturuli Sakartvelo” qəzetində 19 iyul 2013-cü il tarixdə yazdığı məqaləsində bir sıra vacib məsələlərə toxunub. Başlıca olaraq Gürcüstanın Yazıçılar İttifaqının sədri xanım Mağvala Qonaşvilinin ermənilərin Qarabağda keçirdikləri gənclik festivalına qatılmasını pisləyib və ona çox hiddətlə yanaşıb.

Avto Çxaidze bu faktın hətta iki dost ölkə - Azərbaycan və Gürcüstan arasındakı ədəbi və mədəni münasibətlərin korlanmasına da gətirib çıxardığına işarə edib. Məqalə əsasən Yazıçılar İttifaqının sədri Mağvala Qonaşvilinin “Reytinq” jurnalına müsahibəsindəki sitatlara bir növ cavab olaraq yazılıb.

Müsahibədə Gürcüstanın Yazıçılar İttifaqının sədri deyib ki, “ Azərbacanla, eləcə də Ermənistan (!) ilə məni dostluq əlaqələri bağlayıb və indi də belədir!.. Məni QARABAĞDA keçirilən gənclik festivalına dəvət etdilər. Bu məsələnin azərbaycanlılar üçün nə qədər ağrılı (?) olduğunu bilirdim və Azərbaycan Yazıçılar İttifaqına məktub göndərdim. Qarabağda gördüyüm sevgiyə görə XOŞBƏXT idim. Bu addımım gürcülər arasında mənfi reaksiyaya səbəb oldu. Mən sadəcə olaraq Qarabağa getmişdim. Azərbaycan dövlətinin qanunlarını pozduğumu bilmirdim”.

Onun bu sözlərinə cənab Çxaidze yazdığı məqaləsində bildirib: “Sən ağılsız hərəkətinə görə, Gürcüstan-Azərbaycan arasında doğrudan da mehriban qonşuluq münasibətlərinə necə kölgə saldığını bir dəfəlik dərk et!”.
Avto Çxaidze gürcü yazıçılarının adından Azərbaycandan üzr istəyib

Tanınmış teleaparıcı İlham Mirzəyev bıçaqlandı – ÖZƏL

24.07.13 19:28 |

alt

“Space” televiziyasının tanınmış teleaparıcısı İlham Mirzəyev bıçaqlanıb.
Bu barədə AzNews.az-a “Space” kanalından məlumat veriblər.

Məlumatda bildirilib ki, bıçaqlanma hadisəsi qonşu Türkiyədə baş verib.
Məlumata görə, hazırda aparıcının səhhəti normaldır. Həkim nəzarəti altında olan İlham Mirzəyev özü isə Azərbaycana dönmək istəmir.

Xatırladaq ki, İ.Mirzəyev ötən ay iyunun 14-də axşam saatlarında çalışdığı "Space" kanalının arxa qapısından çıxıb avtomobilinə yaxınlaşarkən, başqa bir avtomobildən 4 nəfər düşərək onu döymüşdü.

Qeyd edək ki, İ.Mirzəyevlə əlaqə saxlamağa çalışsaq da, aparıcının nömrəsinə zəng çatmadı.

74 metr uzunluqda desert hazırlandı

23.07.13 19:40 |

alt

Türkiyənin Hatay vilayətində qeyri-adi aksiya baş tutub.

Yerli mətbuatın xəbərinə görə, bu vilayətin Türkiyə Cümhuriyyəti hüdudlarına daxil edilməsinin 74 illiyi münasibətilə, 74 metr uuzunluqda Hataya məxsus künefe adlı şirniyyat hazırlanıb. Məlumata görə, 1 ton ağırlığı olan şirniyyat üçün 500 kq riştə, 375 kq şəkər və 250 kq pendirdən istifadə olunub.

Qeyd edək ki, tədbirdə Hatay valisi, vilayət jandarma komandiri, bəzi dövlət rəsmiləri ilə yerli sakinlər iştirak ediblər.

Başqa məqalələr...