Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2579
	Dünən	3424
	Bu həftə	12507
	Bu ay	78912
	Bu günə qədər	9740277

Bizi Paylaşın

Video Xəbərlər

Təqvim

Dalga TeleviziyasA�

Rövnəq Abdullayev Marneulidə soyuducu anbar kompleksinin açılışında iştirak edib

18.04.15 15:04 |

alt Bu gün Gürcüstanda rəsmi səfərdə olan SOCAR prezidenti Rövnəq Abdullayev azərbaycanlıların kompakt yaşadığı Marneuli bölgəsinə səfər edib.

APA-nın Gürcüstan bürosunun məlumatına görə, Rövnəq Abdullayev Gürcüstanın baş nazirinin müavini, davamlı inkişaf naziri Georgi Kvirikaşvili ilə birlikdə Marneulidəki Candar kəndində "Aqroinvest 146" MMC-nin 2013-cü ildən başlayaraq tikdiyi soyuducu anbar kompleksinin açılışını edib. Tədbirdə Azərbaycanın Gürcüstandakı səfiri Azər Hüseyn, Kvemo-Kartli bölgəsinin qubernatoru Paata Xizanaşvili, SOCAR-ın Gürcüstan nümayəndəliyinin rəhbəri Mahir Məmmədov, Gürcüstanın baş nazirinin köməkçisi Savalan Mirzəyev, Marneuli Rayon İcra Hakimiyyəti başçısı Merab Topçişvili və digər rəsmilər iştirak edib.

"Aqroinvest 146" MMC 2011-ci ildən Tiflisdə fəaliyyət göstərir və Azərbaycan tərəfdən Gürcüstanda əhəmiyyətli və məhsuldar layihələr həyata keçirir. Onlardan biri də bu gün açılışı olan soyuducu anbar kompleksidir.

Kompleksdə 50 nəfərədək Marneuli sakini iş ilə təmin olunacaq və bu soyuducu Kvemo-Kartli bölgəsinə xidmət edəcək.

Soyuducu anbar kompleksi 2 hektar ərazini əhatə edir və burada ofis, köməkçi binalar, soyuducu kameralar, enerji ilə təchiz edən transformatorlar, çəki məntəqəsi və təhlükəsizliyi təmin edən bina və digər qurğular tikilib.

Soyuducu anbar kompleksində 12 kamer tikilib və soyuducu sistem 4 250 kvadratmetr sahəni əhatə edir. Kameralardan ikisində -5 dərəcədən -20 dərəcəyədək ət və balıq məhsulları saxlamaq olar, 10 kamera isə -5 dərəcədən +5 dərəcəyədək tərəvəz və meyvə məhsulları saxlamaq üçündür.

Kompleksin soyudu sistemini "Akkord Georgia" təchiz edir. Sistem Türkiyənin "İMGE" şirkəti tərəfindən müasir standartlara uyğun tikilib və tikilidə alman istehsalı olan ehtiyat hissələrindən istifadə olunub. Bu kompleksin enerji sistemi layihəyə görə 2X630 KVT yüksək gərginlikdədir.

Tədbirdə qeyd olunub ki, kompleksin tikintisinə 7 mln. dollar vəsait xərclənib və soyuducu qurğuların dəyəri isə 1,1 mln. dolları təşkil edib.

Gürcüstanın baş nazirinin müavini, sabit və davamlı inkişaf naziri Georgi Kvirikaşvili jurnalistlərə açıqlamasında bildirib ki, bu kompleks Kvemo-Kartli bölgəsində kənd təsərrüfatının inkişafına təkan verəcək: "Bu soyuducu anbarın tutumu 2100 ton müxtəlif ərzaq üçün nəzərdə tutulub və burada 1000 ton kənd təsərrüfatı məhsulları saxlamaq olar. Bizim fermerlər soyuducunun imkanlarından istifadə edəcək və daha keyfiyyətli məhsullar yetişdirəcəklər. Mən bu kompleksin tikintisi üçün SOCAR-ın rəhbərliyinə təşəkkür edirəm."

SOCAR prezidenti Rövnəq Abdullayev bildirib ki, yeni istifadəyə verilən soyuducu anbar kompleksi Azərbaycan prezidentinin Gürcüstanda yaşayan soydaşlarımıza hədiyyəsidir. O, gələcəkdə Azərbaycan şirkətləri tərəfindən azərbaycanlılar yaşayan bölgələrdə daha çox layihələr həyata keçiriləcəyini qeyd edib: "İnanıram ki, gələcəkdə bu region daha da inkişaf edəcək və soydaşlarımızın sosial həyat tərzi daha da yaxşılaşacaq", - R. Abdullayev vurğulayıb.

Nazir: “Bakı-Tbilisi-Qars layihəsi üzrə Gürcüstan və Türkiyə dəmir yollarını birləşdirəcək tuneldə qazma işləri bu ayın sonunda tamamlanacaq”

11.04.15 16:43 |

alt Bu ilin birinci rübündə dəmir yolu nəqliyyatı sisteminin inkişafına dair Dövlət Proqramının icrası üzrə Bakı–Gürcüstan sərhədi istiqamətində yol təsərrüfatının yenidən qurulması, enerji sisteminin dəyişən cərəyana keçidi, rabitə qurğularının yeniləşdirilməsi, yeni lokomotiv və vaqonların alınması, mərkəzi dispetçer idarəetmə sisteminin yaradılması işləri davam etdirilib. Hesabat dövründə 29 kilometr, ümumilikdə proqram üzrə 390 kilometr yeni yol salınıb.

“APA-Economics” xəbər verir ki, bunu Azərbaycan prezidenti İlham Əliyevin sədrliyi altında keçirilən Nazirlər Kabinetinin 2015-ci ilin I rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında nəqliyyat naziri Ziya Məmmədov bildirib.

Onun sözlərinə görə, Bakı-Tbilisi-Qars layihəsi üzrə Axalkələk-Türkiyə sərhədi sahəsində 29 kilometr yeni yolun tikintisi və 154 kilometr yolun rekonstruksiya işləri başa çatdırılıb, ötən ilin dekabrında sınaq qatarı xəttə buraxılıb: “Gürcüstan və Türkiyə dəmir yollarını birləşdirəcək 4,4 kilometrlik tuneldə qazma işləri bu ayın sonunda tamamlanacaq. Layihənin tam başa çatdırılması isə 2015-ci ildə nəzərdə tutulur. Qeyd etmək istərdim ki, bütövlükdə tikinti sahəsində bu günə qədər tam infrastrukturu ilə birlikdə 183 kilometr yeni yol salınıb, 15 körpü, 23 yol keçidi, 300-dən artıq su ötürücüsü və digər süni qurğular, 5 stansiya inşa edilib”.

Kəmaləddin Heydərov Əfqanıstanın neft nazirini qəbul edib

09.04.15 21:37 |

alt Azərbaycan Respublikasının fövqəladə hallar naziri Kəmaləddin Heydərov ölkəmizdə səfərdə olan Əfqanıstan İslam Respublikasının mədən və neft naziri Daud Şah Sabanın rəhbərlik etdiyi nümayəndə heyəti ilə görüşüb.

Nazirliyin mətbuat xidmətindən Modern.az-a verilən məlumata əsasən,

K. Heydərov Fövqəladə Hallar Nazirliyinin fəaliyyəti haqqında ətraflı məlumat vermiş, iki ölkənin uyğun qurumları arasında qarşılıqlı faydalı əməkdaşlığın geniş perspektivləri olduğunu vurğulayıb. Nazir qeyd edib ki, iki dost ölkənin dövlət və hökumət nümayəndələrinin qarşılıqlı səfərləri əlaqələrin inkişafına stimul verir.

Səmimi qəbula görə təşəkkür edən Daud Şah Saba bildirib ki, onun rəhbərlik etdiyi nazirlik Fövqəladə Hallar Nazirliyi ilə müvafiq sahələrdə əməkdaşlığın daha da möhkəmləndirilməsində maraqlıdır.

Görüşdə qarşılıqlı maraq doğuran digər məsələlər ətrafında fikir mübadiləsi aparılıb.

Nazirdən sensasion AÇIQLAMA: Türkiyə TANAP-dan imtina edə bilər

09.04.15 21:47 |

alt

“Daha sərfəli ticarət təklifi olarsa, Türkiyə TANAP layihəsindəki iştirak payını sata bilər”. Modern.az saytı Türkiyə KİV-nə istinadən xəbər verir ki, belə sensasiyalı bəyanatla enerji və təbii qaynaqlar naziri Taner Yıldız çıxış edib.
O qeyd edib ki, hazırda bir sıra ölkə TANAP layihəsinə maraq göstərir.

Türkiyə və Avropa Birliyi ölkələrinin enerji təhlükəsizliyinin təmin edilməsi baxımından böyük önəm daşıyan TANAP çərçivəsində Azərbaycandan bu ölkəyə ilk qaz nəqlinə 2018-ci ildə başlanılması planlaşdırılır.

Başlanğıcda illik 16 mlrd. kubmetr təşkil edəcək nəql həcminin mərhələli surətdə əvvəlcə 24 mlrd. kubmetrə, sonra 31 mlrd. kubmetrə yüksəldilməsi planlaşdırılır.

TANAP layihhəsi 10-11 milyard dollar dəyərində qiymətləndirilir.

Layihədə payçılar arasında səhmlər belə müəyyənləşdirilib: “Cənub Qaz Dəhlizi” şirkəti - 58%, BOTAŞ - 30%, BP - 12%.

Kaladze Bakı-Tbilisi-Qars-dan danışdı

27.03.15 20:09 |

alt "Azərbaycan və Gürcüstan Bakı-Tbilisi-Qars dəmiryolu xəttinin üzərlərinə düşən hissəsindəki bütün öhdəlikləri yerinə yetirib".

ANS PRESS-in məlumatına görə, bunu Gürcüstanın baş nazirin müavini, energetika naziri Kaxa Kaladze söyləyib.

O bildirib ki, hazırda Türkiyənin ərazisindəki tunelin tikintisi də sona çatmaqdadır. Gürcüstan baş nazirinin müavini əlavə edib ki, işlər iki ay sonra tam yekunlaşacaq:

"Bu çox böyük və əhəmiyyətli layihədir. Dəmiryol magistralı bu ilin sonuna qədər istismara veriləcək", - deyə Kaxa Kaladze söyləyib.

Qeyd edək ki, 2007-ci il, noyabr 21-də Gürcüstanın Marabda kəndində Bakı-Tbilisi-Qars dəmiryolu xəttinin tikintisinin təməli qoyulub. BTQ Azərbaycan üçün həm siyasi, həm iqtisadi, həm də strateji baхımdan böyük bir əhəmiyyət daşıyır.

Dəmiryolu vasitəsi ilə Azərbaycan beynəlхalq nəqliyyat dəhlizlərinə və Türkiyəyə birbaşa gediş əldə edəcək. Dəmiryolu ilə bir günə Qarsa və iki gün yarıma İstanbula getmək mümkün olacaq. Azərbaycanın ilk illərdə tranzitdən minimal illik gəliri 50 mln. dollar təşkil edəcək.

Başqa məqalələr...