Dalga Televiziyasi
Get Adobe Flash player
GEO

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün3168
DünənDünən3502
Bu həftəBu həftə20411
Bu ayBu ay86816
Bu günə qədərBu günə qədər9748181

Bizi Paylaşın

Video Xəbərlər

 

Təqvim


Dalga TeleviziyasA

Davudoğlu: “Azərbaycandakı faciəni dərin kədər hissi ilə öyrəndim”

07.12.15 18:35 | PDF faylını al | Çap

Türkiyənin Baş naziri Əhməd Davudoğlu Azərbaycanın Baş naziri Artur Rasizadəyə başsağlığı verib.

Başsağlığında deyilir: "Dekabrın 4-də meydana gələn şiddətli fırtınanın Xəzər dənizinin “Günəşli” yatağındakı 10 saylı platformada qaz xəttinin sıradan çıxmasına səbəb olaraq yanğının baş verməsinə yol açdığını və həmin gün rəsmi səfərdə olduğum qardaş Azərbaycanda baş verən yanğının insan tələfatı ilə nəticələndiyini dərin kədər hissi ilə öyrəndim.

Hökumətim adından və şəxsən öz adımdan yanğında həyatını itirənlərə Allahdan rəhmət, yaralılara şəfa, Zati-alinizə, həyatını itirənlərin ailələrinə və Azərbaycan xalqına başsağlığı diləyirəm.

Fürsətdən istifadə edərək, Zati-alinizə və dost Azərbaycan xalqına cansağlığı və xoşbəxtlik arzu edirəm".

Türkiyədə 10 terrorçu öldürüldü

17.10.16 22:52 | PDF faylını al | Çap

Türkiyənin Tunceli vilayətində Kutuderesi vadisində PKK-ya qarşı hava dəstəkli antiterror əməliyyatı aparılıb.

“Qafqazinfo”nun “Hurriyet”ə istinadən verdiyi məlumata görə, əməliyyat zamanı 10 terrorçu öldürülüb, 1 terrorçu yaralanıb.

Tunceli valiliyindən verilən açıqlamada 1 əsgərin xəsarət aldığı bildirilir.

Bölgədə terrorçulara qarşı əməliyyat davam etdirilir.

Gürcüstanda deputatlığa namizədlər narkoloji testdən keçəcəklər

16.10.16 22:15 | PDF faylını al | Çap

Gürcüstanda deputatlığa namizədlər narkoloji yoxlanış testindən keçəcəklər. APA-nın Gürcüstan bürosunun məlumatına görə, bu barədə Mərkəzi Seçki Komissiyasının (MSK) internet saytında dərc olunmuş məlumatda bildirilir.

MSK qeyd edib ki, deputatların narkoloji testdən keçirən və nəticələrini MSK-ya təqdim edən klinikaların əvvəlcədən seçki komissiyası tərəfindən verilən müəyyən icazəsi olmalıdır: “Əgər namizəd narkoloji test yoxlanışından keçməsə və bu yoxlanışdan imtina etsə, onun deputat səlahiyyətləri tanınmayacaq. Həqiqi narkoloji yoxlanış hələ seçilməyən mojaritar namizədlərə də aiddir. Onlar seçkilərdən 7 gün sonra yoxlanış prosedurunu keçməlidirlər. Beləliklə, hazırkı mərhələdə “Gürcü Arzusu”ndan   67, “Vahid Milli Hərəkat” partiyasından 27 və “Gürcüstan Vətənpərvərlər İttifaqı”ndan 6  namizəddən narkoloji yoxlanışından keçmək tələb olunacaq”, - deyə MSK-dan bildirilib.

Xatırladaq ki, Gürcüstan parlamentinə 150 deputat seçiləcək. MSK-nın ilkin məlumatına görə, proporsional siyahı üzrə parlamentə keçən 77 deputatlığa namizəd və 20 mojaritar deputat narkoloji test yoxlanışından keçəcək.   

Tovuzda iki qardaş dalaşıb, biri xəsarət alıb

24.02.17 23:38 | PDF faylını al | Çap

alt

Tovuzda torpaq üstündə  dalaşan iki qardaşdan biri xəsarət alıb.

APA-nın qərb bürosunun verdiyi məlumata görə, rayonun Qaraxanlı kənd sakini, 1951-ci il təvəllüdlü Hüseynov Həsən Ədil oğlu sağ qolun iti alətlə kəsilməsi diaqnozu və sol qolun xəsarəti ilə Tovuz rayon Mərkəzi xəstəxanaya yerləşdirilib.

Ona tibbi yardım göstərilib, vəziyyətini normal olduğu bildirilir. H. Hüseynovun həyat yoldaşı, 1961-ci il təvəllüdlü Hüseynova Hekayət isə şok diaqnozu ilə reanimasiya şöbəsinə yerləşdirilib.

Məlumata görə, H.Hüseynov qardaşı ilə torpaq üstündə dalaşıb və özü özünə xəsarət yetirib. Hekayət Hüseynova isə dava zamanı qorxudan şoka düşüb.

Faktla bağlı hüquq mühafizə orqanları tərəfindən araşdırma aparılır. 

 

Gəncədə iki bacını öldürməkdə təqsirləndirilən şəxs tutulub

24.02.17 14:54 | PDF faylını al | Çap

Respublikanın daxili işlər və prokurorluq orqanlarının peşəkarlıqla həyata keçirdikləri təxirəsalınmaz istintaq hərəkətləri və əməliyyat-axtarış tədbirləri nəticəsində Gəncə şəhərində qeyri-aşkar şəraitdə törədilmiş qətl hadisəsinin üstü “isti izlərlə” açılıb.

APA-nın xəbərinə görə, Daxili İşlər Nazirliyi və Baş Prokurorluğun mətbuat xidmətlərinin birgə məlumatda bildirilir ki, cari il fevralın 22-də saat 23 radələrində Gəncə şəhər sakinləri - 57 yaşlı Rəna Nəbiyevanın və bacısı, 78 yaşlı Zəhra Abdullayevanın üzərlərində zorakılıq əlamətləri olan meyitləri yaşadıqları evdə aşkar edilib.

Faktla bağlı şəhər prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanılıb. Məhkəmə-tibb ekspertinin iştirakı ilə hadisə yerinə və meyitlərə baxış keçirilib, iş üzrə əhəmiyyət kəsb edən maddi sübutlar götürülüb, müvafiq ekspertizalar təyin edilib və digər zəruri istintaq hərəkətləri aparılıb.

Polis və prokurorluq orqanlarının əməkdaşları tərəfindən həyata keçirilmiş tədbirlərlə bu ağır cinayəti şəxsi münasibətlər zəminində törətməkdə şübhəli bilinən Bərdə rayon sakini, 57 yaşlı Sənan Məmmədov tutularaq istintaqa cəlb edilib.

Hazırda cinayət işi üzrə zəruri istintaq və əməliyyat-axtarış tədbirləri davam etdirilir.

Qeyd edək ki, ilkin olaraq Rəna Nəbiyeva və onun bacısı Zəhra Abdullayevanın dəm qazından boğularaq öldüyü bildirilsə də, sonradan hadisənin qətl olduğu məlum olub.
Başqa məqalələr...

Saytda Axtarış

Son xəbərlər

© DalgaTV 2013. All Rights Reserved.

Designed by Esmira Mamedova.