Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1164
	Dünən	3829
	Bu həftə	4993
	Bu ay	96152
	Bu günə qədər	9757517

Bizi Paylaşın

Video Xəbərlər

Təqvim

Dalga TeleviziyasA�

Evlənməyi fikirləşən gənc 16 yaşlı qızı qaçırıb öldürdü

09.10.14 22:08 |

alt Ağcabədidə sevginin sonu qanlı hadisə ilə bitib. Evlənməyi fikirləşən gənc 16 yaşlı qızı qaçırıb. Sonradan isə aralarında yaranan mübahisə acı sonluqla bitib. Qaçırılan qız boğularaq öldürülüb. Bu azmış kimi qızın meyiti küçəyə atılıb.

ANS TV-nin məlumatına görə, Gəncə şəhər, Sevinc qəsəbəsi sakini 21 yaşlı Aydın Qasımov eyni qəsəbədə yaşayan 16 yaşlı Səltənət Əliyevanı qaçıraraq Ağcabədi rayonuna gətirib. Amma yolda - Ağcabədinin Hacıbədəlli kəndi ərazisində sevgililərin arasında mübahisə yaranıb, daha sonra Aydın Qasımov Səltənti əlləri ilə boğaraq öldürüb. Aydın Qasımov artıq Ağcabədi Rayon Polisi tərəfindən saxlanılıb.

“Aydın Qasımov hələlik şübhəli şəxs qismində tutulub. Dindirmə gedir, məsələyə aydınlıq gətiriləndən sonra təbii ki, ekspertizanın rəyi alınacaq. Ondan sonra fikir söyləmək olar”, - deyə Ağcabədi Rayon Prokurorunun böyük köməkçisi Ərəstun Quliyev qeyd edib.

16 yaşlı Səltənətin valideynləri də hansısa məlumatı vermək istəmədilər. Yalnız şifahi bildirdilər ki, cinayətə səbəb qız və oğlan arasındakı mübahisə olub. Aydın Qasımov Səltənəti öldürdükdən sonra zəng edərək valideyinlərinə qızlarını boğduğunu deyib.

Hazırda faktla bağlı Ağcabədi Rayon Prokurorluğunda araşdırma aparılır. Qətlin səbəbi də araşdırmalardan sonra məlum olacaq.

Ramil Usubov Birləşmiş Ərəb Əmirliklərinin səfirini qəbul edib

23.10.14 16:54 |

alt Daxili işlər naziri, general-polkovnik Ramil Usubov Birləşmiş Ərəb Əmirliklərinin Azərbaycandakı səfiri Salem Xəlifə Məhəmməd Əl-Gaflini qəbul edib.

Dalgatv APA-ya istinadən xəbər verir ki, nazir BƏƏ-nin Azərbaycanın müstəqilliyini tanıyan ilk dövlətlərdən biri olduğunu, beynəlxalq təşkilatlarda hər zaman Azərbaycanı dəstəklədiyini qeyd edərək iki ölkə arasındakı əlaqələrin uğurla inkişaf etdiyini bildirib.

2007-ci ilin sonlarında Birləşmiş Ərəb Əmirliklərinə səfərini xatırladan daxili işlər naziri Azərbaycan tərəfinin iki ölkənin müvafiq strukturları arasında əlaqələrin inkişafında hər zaman maraqlı olduğunu, bu görüşün əməkdaşlığın daha da genişlənməsinə xidmət edəcəyini vurğulayıb.

Səfir Salem Xəlifə Məhəmməd Əl-Gafli səmimi qəbula və ətraflı məlumata görə təşəkkür edib, paytaxt da daxil olmaqla Azərbaycanın bütün bölgələrində yaradılmış təhlükəsiz və əmin-amanlıq şəraitindən məmnunluq duyduğunu, bundan sonrakı fəaliyyəti dövründə də ikitərəfli əlaqələrin dərinləşməsinə öz töhfəsini verəcəyini bildirib.

Ərdoğandan dünyaya haqlı sual

22.10.14 19:59 |

alt Türkiyə prezidenti Rəcəb Tayyib Ərdoğan Suriyanın Kobani şəhəri uğrunda döyüşən 2 terrorçu təşkilat barədə maraqlı açıqlamalar verib.

ANS PRESS-in məlumatına görə, Ərdoğan Kobaniyə peşmərgələrin göndərilməsi təklifinin ona məxsus olduğunu bildirib:

"Barak Obama ilə telefon danışığımda bu təklifi mən etdim. Bildirdim ki, PYD və PKK qruplarına verəcəyiniz dəstəyi anlayışla qarşılayırıq. Ancaq bu bizim üçün qəbul edilə bilməz. Biz yalnız Azad Suriya Ordusu ilə əməkdaşlıq edə bilərik. Ancaq indi ABŞ rəsmiləri çıxıb başqa şeylər deyirlər. Media da bu xəbərləri fərqli şərh edir".

Daha sonra PKK üçün Kobaninin niyə belə əhəmiyyətli olduğunu sual edən Ərdoğan Şimali İraqdan gələn peşmərgələrin Türkiyə ərazisindən Kobaniyə keçməsinə qarşı olmadığını deyib:

"İki gün keçdi, üçüncü, dördüncü gündəyik. Kobani müdafiə olunur. Kobani özləri üçün niyə bu qədər strateji əhəmiyyət daşıyır, onu anlamaqda çətinlik çəkirəm. Çünki Kobanidə mülki adam qalmayıb. 200 min nəfər ölkəmizə keçib, onlara ev sahibliyi edirik. Kobanidə yalnız 2 min qədər döyüşçü var".

ABŞ-ın kürdlər üçün hava vasitəsi ilə göndərdiyi silahların İŞİD-in əlinə keçdiyini söyləyən Türkiyə prezidenti anti-İŞİD koalisiyassının Kobanini müdafiəsinə verdiyi dəstəyi tənqid edib.

Boliviyada təbii fəlakət: 40 insan öldü

08.02.14 16:11 |

alt

Boliviyada yağan yağışlar sel daşqınlarına səbəb olub. Dalğa TV-in Türkiyə mətbuatına istinadən verdiyi məlumata görə, seldən ən böyük zərər ölkənin paytaxtına dəyib. Sel daşqınları 40-a yaxın insanın ölümünə səbəb olub. Xeyli sayda insan evsiz qalıb. Xilasedicilər əhalini təhlükəli bölgələrdən təxliyə etməyə başlayıblar.

Qeyd edək ki, təbii fəlakət aqrar sahəyə də təsirsiz ötüşməyib. Belə ki, sel daşqınlarından 100 mindən çox heyvan və 6 min hektar əkin sahəsi zərər çəkib.

Putin Gürcüstan prezidenti ilə görüşə razıdır

21.10.14 16:50 |

alt

Rusiya prezidenti Vladimir Putin Gürcüstanın dövlət başçısı Georgi Marqvelaşvili ilə görüşməyə hazırdır. Modern.az xarici KİV-ə istinadən bildirir ki, bunu Putinin mətbuat katibi Dmitri Peskov deyib. Onun fikrincə bunun üçün Gürcüstan tərəfinin siyasi iradə nümayiş etdirməsi lazımdır: “Prezident öz sözünü deməlidir. Putin aydın şəkildə bəyan edib ki, əgər Gürcüstandan siqnal alarsa, görüş baş tutacaq”.

Gürcüstan prezidenti də bir müddət əvvəl Rusiya ilə səmərəli dialoqa hazır olduğunu bəyan edib.

Başqa məqalələr...