Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	730
	Dünən	3733
	Bu həftə	730
	Bu ay	91889
	Bu günə qədər	9753254

Bizi Paylaşın

Video Xəbərlər

Təqvim

Dalga TeleviziyasA�

Xınalıq yolu açıldı - VİDEO

14.12.13 21:52 |

alt

3 gündən artıq bağlı olan Xınalıq yolu nəhayət ki, açılıb. ANS TV-nin Qusar bürosunun əməkdaşları buz bağlanmış yolları qət edərək yolun açılmasını müşahidə ediblər.

Strateji əhəmiyyətli sərhəd zastavasının yerləşdiyi unikal dağ kəndi Xınalıqa gedən yolun 3-gün ərzində bağlı qalması sakinlər üçün ciddi çətinlik yaradıb.

Gecə saatlarından yolun bağlı olması səbəbindən Xınalıqa getmək istəyən sakinlər yolda qalıblar.

Bu gün səhər saatlarından işə başlayan yol təsərrüfatı işçiləri təxminən 3 saatdan sonra ağır texnika ilə yolu aça biliblər. Qubanın rayon mərkəzindən 57 km aralıda yerləşən 1 metrdən artıq qarın yağdığı Xınalıqa nəqliyyat vasitələrinin hərəkəti bərpa edildi.

Qubanın digər ucqar dağ kəndləri olan Xaltan və Yerfi istiqamətinə gedən yollar da buz bağlayıb. Hazırda həmin ərazilərdə də yolların açılması üçün işlər aparılır.

Atəşkəs rejimi 99 dəfə pozulub

06.08.14 10:08 |

alt Cəbhənin müxtəlif istiqamətlərində sutka ərzində atəşkəs rejimi ümumilikdə 99 dəfə pozulub.

Dalgatv-nin Müdafiə Nazirliyinin saytına istinadən verdiyi xəbərə görə, Erməni silahlı bölmələri dünən və bu gecə Ermənistan Respublikasının Berd rayonunun Ayqedzor, Ayqepar və Mosesqex kəndlərində yerləşən mövqelərdən Tovuz rayonunun Muncuqlu, Əlibəyli və Ağdam kəndlərində, Krasnoselsk rayonunun ərazisindəki adsız yüksəkliklərdə və Cil kəndində yerləşən mövqelərdən Gədəbəy rayonunun ərazisindəki adsız yüksəkliklərdə yerləşən mövqeləri atəşə tutublar.

İcevan rayonunun ərazisindəki adsız yüksəkliklərdə, Vozaşen, Berkaber və Paravakar, Noyemberyan rayonunun Barekamavan, Dovex və Şavarşavan kəndlərində yerləşən mövqelərdən Qazax rayonunun ərazisindəki adsız yüksəkliklərdə, Qaymaqlı, Kəmərli, Fərəhli, Qızılhacılı və Ağstafa rayonunun Köhnəqışlaq kəndlərində yerləşən mövqelər də atəşə məruz qalıb.

Ağdam rayonunun Yusifcanlı, Şıxlar, Baş Qərvənd, Sarıcalı, Kəngərli, Füzuli rayonunun Qorqan, Qaraxanbəyli, Aşağı Veysəlli, Aşağı Seyidəhmədli, Aşağı Əbdürrəhmanlı, Tərtər rayonunun Göyarx, Çaylı, Çiləbürt, Qızıl Oba, Goranboy rayonunun Tapqaraqoyunlu, Cəbrayıl rayonunun Mehdili kəndləri yaxınlığında və Xocavənd rayonunun ərazisindəki adsız yüksəkliklərdə yerləşən mövqelərdən də Silahlı Qüvvələrn mövqeləri atəşə tutulub.

Qarşı tərəf cavab atəşi ilə susdurulub.

Azərbaycan Gənclər Fondu Gürcüstanda keçirilən tədbirdə təmsil olunmuşdur

14.12.13 20:15 |

Azərbaycan Respublikasının Prezidenti yanında Gənclər Fondunun aparat rəhbəri Faiq Qürbətov və strateji planlaşdırma və beynəlxalq əlaqələr sektorunun müdiri Orxan Ərəbov Gürcüstanın paytaxtı Tbilisidə səfərdə olmuşlar.
Fondun mətbuat xidmətindən AzərTAc-a bildirmişlər ki, Azərbaycan nümayəndələri səfər çərçivəsində Gürcüstanın Gənclərlə İş və İdman Nazirliyi yanında Uşaq və Gənclər Birliklərinin İnkişafı Fondunun 2013-cü il üçün fəaliyyətinin yekunlarına həsr olunmuş mərasimdə iştirak etmişlər.
Tədbirdə təcrübə mübadiləsi, gələcək əməkdaşlıq perspektivləri və birgə layihə imkanları məsələləri də müzakirə edilmişdir.

“Berkut” “Meydan”a hücum edəcək

06.12.13 21:15 |

alt

Ukraynada Avropaya inteqrasiya tərəfdarlarının toplaşdığı meydana yenidən “Berkut” döyüşçülərinin hücumu gözlənilir.

“Meydan”dakı barrikadalarda 300-ə yaxın insan toplaşıb ki, aksiyaçların sayı getdikсə artır.

“Meydan”dakı aksiyanın təşkilatçılarından biri də “Berkut”un aksiyaya növbəti dəfə müdaxilə edəcəyi barədə məlumatların olduğunu bildirib.

Aksiyanın dağıdılacağı barədə xəbər müxalifət arasında təşviş yaratmağa hesablanan dezinformasiya da ola bilər.

Aksiya təşkilatçıları “Meydan”a müraciətlə təxribata uymamağa çağırıb.

Saakaşviliyə qarşı əlavə ittihamlar irəli sürüləcək

06.08.14 10:03 |

alt Gürcüstanın Ədliyyə Nazirliyi ölkənin keçmiş prezidenti Mixail Saakaşvili barəsində korrupsiya ittihamı da daxil olmaqla əlavə 6 və ya 7 ittiham irəli sürməyə hazırlaşır.

Dalgatv-nin APA-ya istinadən verdiyi məlumata görə, Gürcüstan Baş Prokurorluğu ötən gün yaydığı bəyanatda ölkə hüdudlarından kənarda olan Saakaşviliyə qarşı irəli sürülən yeni ittihamın detallarını açıqlayıb. Sabiq prezident barəsində başlanan yeni cinayət işi 2005-ci ilin yayında Gürcüstan parlamentinin deputatı Valeri Qelaşvilinin döyülməsinin təşkili ilə bağlıdır.

Qeyd edək ki, iyulun 28-də Gürcüstan Baş Prokurorluğu Saakaşvili barəsində cinayət işinin başlandığını elan edib. İyulun 29-da isə sabiq dövlət başçısına 2007-ci ilin oktyabrın 7-də müxalifət aksiyasının dağıdılması, “İmedi” telekanalını viran etmə və bu telekanalın təsisçisi Badri Patarkatsişvilinin mülkiyyətinin əlindən alınması ilə bağlı iş üzrə vəzifə səlahiyyətlərini aşmaqda qiyabi olaraq ittiham irəli sürülüb.

Mixail Saakaşvili 2013-cü ilin noyabrında yeni prezidentin inauqurasiyasından sonra ölkəni tərk edib.

Başqa məqalələr...