Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1835
	Dünən	3778
	Bu həftə	22856
	Bu ay	89261
	Bu günə qədər	9750626

Bizi Paylaşın

Video Xəbərlər

Təqvim

Dalga TeleviziyasA�

Avstraliyada meşə yanğınları tüğyan edir - Video

20.10.13 22:30 |

alt

Avstraliyada meşə yanğınları kritik həddə çatıb. Sinoptiklərdən isə xəbərdarlıq gəlib. Qarşıda gələn günlərdə temperaturun daha da yüksələcəyi, küləyin sürətlənəcəyi proqnozlaşdırıldığından, yanğının daha da intensivləşəcəyi proqnozlaşdırılır.

Nyu Saus Ueyls ştatında yanğın 200-dən çox evi yandıraraq külə döndərib, daha 122 yaşayış evinə ziyan dəyib. Sidney şəhərinin qərbində yanğınların ən çox ziyan vurduğu Blu Maunteyns rayonunda isə 193 ev yanıb, 109 evə ziyan dəyib.

Xilasetmə işlərinə, ümumilikdə, 1500-ə yaxın yanğınsöndürən cəlb olunub. Yanğınlar zamanı Sidneyin şimalında 63 yaşlı bir sakin ürək tutmasından dünyasını dəyişib, azı beş nəfər, o cümlədən, 3 yanğınsöndürən, bədən yanığı və dəm qazından boğulma diaqnozları ilə xəstəxanaya yerləşdirilib.

İsti aylarda Avstraliyada müntəzəm olaraq təbii yanğınlar baş verir. 2009-cu ildə Viktoriya ştatında baş vermiş oxşar meşə yanğınları 173 nəfərin ölümünə, 2 mindən çox yaşayış evinin dağılmasına səbəb olmuşdu.

Jurnalistlərin sevimli kafesində dava düşdü

28.10.13 19:56 |

alt

Oktyabrın 28-nə keçən gecə, saat 04 radələrində Bakı şəhərinin Səbail rayonu ərazisində xuliqanlıq hadisəsi baş verib.

İslam Səfərli küçəsi 1 ünvanında yerləşən “Araz” kafesində Bakıxanov qəsəbə sakini, 1986-cı il təvəllüdlü Şoropskiy Boris Anatoliyeviç münaqişə zəminində həmin kafenin işçisi, dönərçi, 1970-ci il təvəllüdlü Xanəhmədov İlqar Tofiq oğlunu döyüb. B.Şoropskiy 43 yaşlı dönərçinin baş nahisəyinə bir neçə ağır zərbə endirib.

İ.Xanəhmədov xəstəxanaya müraciət etməli olub.

Qeyd edək ki, hadisənin baş verdiyi kafe Fəvvarələr meydanında yerləşir. Kafe jurnalistlərin və ictimai fəal gənclərin sevimli yeri kimi tanınır.

Nazir vəzifəsinə yeni namizədlərin siyahısı təqdim edildi

20.10.13 14:14 |

alt

İran Prezidenti Həsən Ruhani təhsil, elm, tədqiqat və texnologiya, həmçinin gənclər və idman nazirləri vəzifəsinə üç yeni namizədin siyahısını parlamentə təqdim edib.

Namizədlərin adları isə hələ rəsmi olaraq açıqlanmayıb.
Qeyd edək ki, avqust ayında nazir vəzifəsinə 18 namizəddən 3-ü parlamentarilərin etimad rəyini ala bilməmişdi.

Parlamentarilərin növbəti etimad rəyi isə gələn bazar günü olacaq.

Kliçko ordunu səfərbərliyə çağırıb

02.03.14 22:43 |

alt

Rusiyanı Federasiya Şurası Ukrayna ərazisinə silahlı qüvvələrin yeridilməsi haqda qərarı qəbul etdikdən sonra Vitali Kliçko orduya səfərbərliklə bağlı Ali Radanı toplantı keçirməyə çağırıb.

DalğaTV-nin «BBC»-yə istinadən məlumatına görə, o, deyib: «Rusiyanın Ukraynaya təcavüzü başlayandan sonra parlament baş komandanın hərbi səfərbərlik elan etməsini istəməlidir».

«UDAR» Partiyasının lideri BMT Təhlükəsizlik Şurasından Ukraynada yaranmış böhran vəziyyətlə bağlı təcili müşavirə keçirməyi də xahiş edib.

Avtobus qəzasında ölən və yaralananların siyahısı

28.10.13 19:55 |

alt

Gəncə - Samux yolunda baş verən yol-nəqliyyat qəzası zamanı ölən və xəsarət alanların kimliyi açıqlanıb.

Samux rayon Polis Şöbəsindən APA-nın qərb bürosuna verilən məlumata görə, Gəncə şəhər sakini, 27 yaşlı Rəşad Fərəcculayevin idarə etdiyi “Ford” markalı mikroavtobusla, Samux rayon Qarayeri kənd sakini, 50 yaşlı Fikrət Musayevin idarə etdiyi “VAZ 2107” markalı avtomobilin toqquşması nəticəsində hər iki sürücü hadisə yerində ölüb.

“VAZ 2107”-də olan sərnişin, Şəmkir rayon Qılıncbəyli kənd sakini, 47 yaşlı Bəsti Abbasova ağır bədən xəsarətləri ilə Gəncə şəhər Təcili Tibbi Yardım Xəstəxanasına yerləşdirilib. Onun vəziyyətinin orta-ağır olduğu bildirilir.

Hadisə ötən gecə saat 2 radələrində baş verib. Faktla bağlı araşdırma aparılır.

Başqa məqalələr...