Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1273
	Dünən	3733
	Bu həftə	1273
	Bu ay	92432
	Bu günə qədər	9753797

Bizi Paylaşın

Video Xəbərlər

Təqvim

Dalga TeleviziyasA�

Şarl Aznavur Fransa siyasətçilərinə rüşvət verdiyini etiraf edib

13.11.13 19:03 |

alt Fransanın erməni əsilli məşhur müğənnisi Şarl Aznavur Fransada vergilərdən yayınmaq üçün bir çox siyasətçilərə rüşvət verdiyini deyib.

APA-nın Avropa bürosunun xəbərinə görə, Fransanın “France info” radiosuna müsahibəsində Ş. Aznavur müğənni kimi fəaliyyəti dövründə sağ, sol və mərkəzçi partiyaların bir çox üzvlərinə nəğd pul verməklə onların seçki kampaniyalarını maliyyələşdirdiyini söyləyib. Bunun müqabilində o, sonradan həmin siyasətçilərin yardımı ilə vergilərdən yayınırmış: “Vəkil xərcləri çox baha başa gəlirdi, amma bundan da betər hallar olub. Bəzi siyasət adamları var idi ki, mənim problemlərimi həll etməyə qadir idilər. Mən onların seçki kampaniyaları üçün pul köçürürdüm, xüsusən də afişaların hazırlanması üçün. Bir çox siyasətçilərlə iş görmüşəm. Bu, mənə çox baha başa gəlib. Bütün siyasi düşərgələrdən olanlar var idi: sağ, sol və hətta mərkəzçi partiyalardan”.

Bir neçə ildir ki, İsveçrədə yaşayan 89 yaşlı Şarl Aznavur bildirib ki, onu Fransanı tərk etməyə məcbur ediblər.

Hazırda Fransa mətbuatı bu olayı araşdırır və Aznavurdan pul alan siyasətçilərin kim olduğu istiqamətində araşdırma aparır.

Gürcüstanda zəlzələ

16.11.13 19:57 |

alt

Tiflisdə 3,1 bal gücündə zəlzələ olub. Yeraltı təkanlar Martkopi şəhərindən 5-8 kilometr aralıda baş verib.

Dağıntı və xəsarət alanlar olmayıb.

Timoşenkonun vəkili həbs olundu

12.11.13 22:21 |

alt

Ukraynanın sabiq baş naziri Yuliya Timoşenkonun vəkili Serhiy Vlasenkonun həbs olunub. Hələlik vəkilin həbsi ilə bağlı ətraflı məlumat verilməyib.
Xatırladaq ki, keçmiş baş nazir Yuliya Timoşenko vəzifədən sui-istifadə etmə ittihamı ilə 7 il həbs cəzasına məhkum edilib.

İlham Əliyev “Şərq tərəfdaşlığı“ Sammitində iştirak etdi

24.04.14 20:22 |

alt Bu gün Çex Respublikasının paytaxtı Praqa şəhərində Avropa İttifaqının "Şərq tərəfdaşlığı" Proqramının növbəti Sammiti işə başlayıb.

AzNews.az xəbər verir ki, bu Sammit "Şərq tərəfdaşlığı"nın 2009-cu ildə keçirilmiş Praqa Sammitinin beşinci ildönümünə həsr olunub.

Azərbaycan Respublikasının Prezidenti İlham Əliyev Sammitdə iştirak edib.

Sammit Praqa qəsrində dövlət və hökumət başçılarının rəsmi qarşılanma mərasimi ilə başladı.

İştirakçı ölkələrin dövlət bayraqlarının dalğalandığı meydanda dövlət və hökumət başçılarının şərəfinə fəxri qarovul dəstəsi düzülüb.

Çexiya Prezidenti Miloş Zeman Azərbaycan Prezidenti İlham Əliyevi qarşıladı.

Azərbaycan Respublikasının dövlət himni səsləndi.

Sonra dövlət və hökumət başçıları birgə foto çəkdirdilər.

Daha sonra Sammitin birinci iclası keçirildi.

Prezident İlham Əliyev iclasda iştirak etdi.

Çex Respublikasının Prezidenti Miloş Zeman Sammiti açaraq iştirakçı ölkələrin dövlət və hökumət başçılarını salamladı. O, "Şərq tərəfdaşlığı" Proqramının ötən beş ildə böyük inkişaf yolu keçdiyini dedi, bu istiqamətdə görülən tədbirlərin iştirakçı ölkələri Avropa dəyərlərinə və meyarlarına daha da yaxınlaşdırdığını vurğuladı.

Çexiya dövlətinin başçısı qarşıda duran vəzifələrdən danışarkən əmin olduğunu bildirdi ki, ikitərəfli və çoxtərəfli formatda əməkdaşlıq əlaqələri bundan sonra da davam etdiriləcək.

Avropa İttifaqının genişlənmə və Avropa qonşuluq siyasəti üzrə komissarı Ştefan Füle "Şərq tərəfdaşlığı" Proqramının beşinci ildönümü münasibətilə təbriklərini çatdırdı. Komissar bu görüşün 2013-cü ildə Vilnüsdə keçirilmiş "Şərq tərəfdaşlığı" Sammiti ilə gələn il Riqada təşkil ediləcək növbəti Zirvə görüşü arasında bir bağlantı olduğunu diqqətə çatdırdı.

Sonra müzakirələr başladı.

"Şərq tərəfdaşlığı" Proqramı Avropa İttifaqının yeni layihələrindən biri hesab olunur. Proqram 2008-ci ilin mayında Avropa İttifaqının üzvləri olan Polşa və İsveç tərəfindən irəli sürülmüşdür. Azərbaycan, Belarus, Gürcüstan, Moldova, Ukrayna və Ermənistanı əhatə edən "Şərq tərəfdaşlığı" Avropa İttifaqının qonşuluq siyasəti çərçivəsində MDB dövlətləri ilə münasibətlərin yaxşılaşdırılmasına yönəlmiş təşəbbüsüdür. Bu proqram Avropa İttifaqına daha da yaxınlaşmağı, sabitlik, yaxşı idarəçilik və iqtisadi inkişafı təşviq etməyi nəzərdə tutur, demokratiya, qanunun aliliyi, insan hüquqlarına və əsas azadlıqlara hörmət, bazar iqtisadiyyatı və davamlı inkişaf kimi ümumi dəyərlərə əsaslanır.

"Şərq tərəfdaşlığı" Sammiti ilk dəfə 2009-cu ilin mayında Praqada keçirilmişdir. İkinci Sammit 2011-ci ilin sentyabrında Varşavada, üçüncüsü isə ötən ilin noyabrında Vilnüsdə təşkil edilib.

Mənzildə partlayış olub

15.11.13 22:36 |

alt

Gəncədə yaşayış evində partlayış baş verib. Fövqəladə Hallar Nazirliyi Dövlət Yanğından Mühafizə Xidmətinin Gəncə şəhər Yanğından Mühafizə İdarəsindən verilən məlumata görə, hadisə saat 19.30 radələrində şəhərin Atatürk prospekti, 247, 6 ünvanında yerləşən və Gəncə şəhər sakini, 53 yaşlı Əliyev Cavanşira məxsus mənzildə baş verib.

Evdə təmir işləri aparan iki nəfər mənzilin döşəməsinə boya sürtdükdən sonra siqaret çəkiblər. Qapı və pəncərəsi bağlı olan evdə partlayış baş verib.

Hadisə zamanı xəsarət alan olmasa da evə ciddi ziyan dəyib. Hadisənin baş vermə səbəbləri ilə bağlı Gəncə Nizami rayon Polis İdarəsində araşdırma aparılır. Mənzildə təmir işləri aparan iki nəfər Polis Şöbəsinə aparılıb.

Qeyd edək ki, ev sahibi Cavanşir Məmmədov Məhkəmə-Tibbi Ekspertiza və Patoloji Anatomiya Birliyinin Gəncə şəhər şöbəsinin müdiri vəzifəsində çalışır.

Başqa məqalələr...