Gürcüstanda fəaliyyət göstərən gənc azərbaycanlı oğlan və qızların üzv olduğu “Ceyran” folklor-rəqs ansamblının rəqqasəsi Naira Paşayeva Gürcü-Alman Klassik Musiqi Assosiasiyasının dəvəti ilə Almaniyaya dəvət alıb.

APA-nın Gürcüstan bürosunun məlumatına görə, Gürcüstan Mədəniyyət Və Abidələrin Mühafizəsi Nazirliyinin dəstəyi və M.F.Axundzadə adına Azərbaycan Mədəniyyət Muzeyinin təşkilatçılığı ilə muzeyin nəzdində fəaliyyət göstərən musiqi studiyasının üzvü və “Ceyran” folklor-qəqs ansamblının rəqqasəsi Naira Paşayeva Almaniyaya yola düşüb. İfaçı noyabrın 1-4-də Almaniyanın Frankfurt şəhərində keçiriləcək “Qızıl Klaviş” festivalında iştirak edəcək.

ARDNŞ-ın maliyyə dəstəyi ilə Almaniyaya yola düşən gənc rəqqasə APA-ya açıqlamasında Almaniyada keçiriləcək festivalda Azərbaycanın qədim rəqslərini nümayiş etdirəcəyini bildirib: “Çox sevinirəm ki, Almaniyada Gürcüstanı və Azərbaycanı təmsil edirəm. Bu tədbirdə “Sarı gəlin” və “Turacı” adlı Azərbaycan xalqının qədim rəqslərini ifa edəcəyəm. Bunun üçün ciddi hazırlaşmışam”.

Gürcüstan Futbol Federasiyasının (GFF) prezidenti Zviad Siçinava istefa verib. 

"Dalğa TV"- nin məlumatına görə, bu barədə "Rustavi-2"yə GFF-dən bildirilib.

Oktyabrın 3-də keçiriləcək yeni seçkilərədək bu vəzifəni vitse-prezident Aleksandr Çivadze icra edəcək. Z.Siçinava qərarı təzyiq altında qəbul etmədiyini bildirib. Amma o, namizədlərdən birinin "Dövlət məmurları federasiyanın işinə qarışmalıdır" açıqlamasına etiraz olaraq bu addımı atdığını bildirib: "Mən hesab edirəm ki, bu, düzgün deyil. Bu səbəbdən,elə bu gün istefa verirəm və Nizamnaməyə əsasən, sabahdan Çivadze prezident səlahiyyətlərini yerinə yetirəcək".

Qeyd edək ki, Zviad Siçinava GFF-ə 6 il müddətində rəhbərlik edib. Onun fəaliyyətinin pik nöqtəsi dekabrın 12-də İspaniyanın "Barselona" və "Sevilya" komandaları arasında Tbilisidə keçirilmiş UEFA Superkuboku matçı olub. O, növbəti seçkidə namizədliyini irəli sürməyəcək.