Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	321
	Dünən	3424
	Bu həftə	10249
	Bu ay	76654
	Bu günə qədər	9738019

Bizi Paylaşın

Video Xəbərlər

Təqvim

Dalga TeleviziyasA�

İlham Əliyev təbrik məktubu göndərdi

08.11.13 19:25 |

alt

Azərbaycan Prezidenti İlham Əliyev Kambocanın Kralı Əlahəzrət Norodom Siamoniyə təbrik məktubu göndərib.

Təbrikdə deyilir:

Əlahəzrət, ölkənizin milli bayramı münasibətilə Sizə və Sizin simanızda bütün xalqınıza ən səmimi təbriklərimi yetirirəm.

Ümidvaram ki, Azərbaycan ilə Kamboca arasındakı dostluq və əməkdaşlıq münasibətləri xalqlarımızın mənafelərinə uyğun olaraq inkişaf edəcək və möhkəmlənəcək.

Bu xoş gündə Sizə möhkəm cansağlığı, işlərinizdə uğurlar, dost Kamboca xalqına əmin-amanlıq və firavanlıq arzulayıram.

Hörmətlə, Azərbaycan Respublikasının prezidenti İlham Əliyev

Bəşər Əsədin adı yeni pul qalmaqalında

29.06.13 21:55 |

alt

Suriya prezidenti Bəşər Əsədin ölkədəki iş adamlarından xərac topladığı iddia edilib.

Daxili iğtişaşlar zamanı 50 milyard dollar xərcləyən Əsədin silah-sursat almaq üçün iş adamlarından xərac topladığı bildirilib.

Suriyadan qaçaraq Türkiyəyə sığınan suriyalı iş adamları Bəşər Əsədin hərbi xərcləri qarşılamaq üçün hər cür vasitəyə əl ata biləcəyini bildiriblər. Onların sözlərinə görə, Əsəd xərac verməyən iş adamlarının qohumlarını qaçırdır və pul verildikdən sonra onları sərbəst buraxır.

Qeyd edək ki, ölkələrində rahat fəaliyyət göstərə bilməyən iş adamları Türkiyəyə gəldikdən sonrakı ilk 5 ayda 206 şirkət qurublar.

Taksim meydanında təhlükəsizlik tədbirlərini gücləndirildi

29.06.13 21:50 |

alt

Bu gün Türkiyənin bəzi vətəndaş cəmiyyəti təşkilatları və partiyalarının aksiya keçirəcəyi Taksim meydanında İstanbul polisi təhlükəsizlik tədbirlərini gücləndirib.

Gezi parkı hadisələrindən sonra sabitliyin hakim olduğu Taksimdə bu gün axşam saatlarında iki aksiya keçirilməsi planlaşdırılır. Polis bununla əlaqədar artıq təhlükəsizlik tədbirlərinə başlayıb.

Polis tərəfindən əhatəyə alınan Taksim meydanına heç kim buraxılmır.

C. Kerri İran xarici işlər naziri Cavad Zəriflə görüşəcək

08.11.13 19:24 |

alt

ABŞ dövlət katibi Con Kerri İranın nüvə problemi üzrə “altılıq” və İran arasındakı danışıqlara qatılmaq üçün Cenevrəyə gedib.

Artıq Fransa, Almaniya, Britaniya xarici işlər nazirləri Loran Fabius, Gido Vestervelle, Uilyam Heyq, eləcə də Avropa Birliyinin xarici işlər və təhlükəsizlik üzrə ali komissarı Ketrin Eşton Cenevrədədir.

C. Kerri İran xarici işlər naziri Cavad Zəriflə ikitərəfli görüş keçirmək fikrindədir.

Qeyd edək ki, “altılıq” ölkələri ilə İran arasında ekspertlər səviyyəsində danışıqlar BMT-nin Cenevrədəki Millətlər Sarayında keçirilir. İran tərəfini xarici işlər nazirinin müavini Abbas Əraqçı təmsil edir.

Əli Abbasov Macarıstana səfər edəcək

08.11.13 19:23 |

alt

Macarıstanda informasiya texnologiyaları sahəsinə cavabdeh milli inkişaf naziri xanım Zuza Nemesin dəvəti ilə Azərbaycanın rabitə və informasiya texnologiyaları naziri Əli Abbasov Budapeştə (Macarıstan) səfər edəcək.

Səfər noyabrın 8-9-də baş tutacaq.

Məlumata görə, səfər çərçivəsində 2013-cü ilin may ayında bu ölkədə qurulan Avropa Birliyinin (AB) elm, texnologiya, rabitə, kibertəhlükəsizlik və digər sahələrdə məlumat bazalarını özündə mərkəzləşdirən Data Mərkəzin fəaliyyəti ilə yaxından tanışlıq, eyni zamanda belə bir mərkəzin Azərbaycanda yaradılması məqsədilə aparılan danışıqların davam etdirilməsi nəzərdə tutulur.

Səfərdə həmçinin sözügedən ölkənin aparıcı İKT şirkətlərinin rəhbərləri ilə görüşlərin keçirilməsi planlaşdırılır.

Başqa məqalələr...