Məlumatına görə, bu barədə Gürcüstan İqtisadiyyat Nazirliyində “Bakı-Tiflis-Qars” layihəsi üzrə tikintinin gedişi ilə bağlı keçirilən işçi görüşündə bildirilib. 

Görüşdə 2013-cü ildə tikintinin gedişi ilə bağlı hesabat dinlənilib, yeni ildə layihənin həyata keçirilməsi üzrə görülməsi nəzərdə tutulan məsələlər müzakirə olunub. Qeyd olunub ki, hazırda tikintidə işlər dörd mərhələdə həyata keçirilir və BTQ-nin Gürcüstan hissəsində ümumi işin 31 faizi görülüb.

Xatırladaq ki, BTQ layihəsinə görə, Gürcüstanda 153 km “Marabda-Kartsaxi” dəmiryolu sahəsi yenidən qurulacaq və Axalkalakidən Türkiyəyə qədər uzanacaq 27 km dəmiryolu tikiləcək.

Qeyd edək ki, görüşdə Gürcüstanın iqtisadiyyat naziri Giorgi Kvirikaşvili, nazirin birinci müavini Dmitri Kumsişvili, nazir müavini Natia Mikeladze, “Marabda-Kartsaxi” MMC direktoru Oleq Biçiaşvili və başqa rəsmilər iştirak edib.

İranda yerli vətəndaşlara ibrət məqsədilə həyata keçirilən və kütləvi informasiya vasitələrində öz əksini tapan açıq edamlar 8 yaşlı uşağın ölümünə səbəb olub.

APA-nın “Radiozəmanə”yə istinadən məlumatına görə, belə bir hadisə İranın Kirmanşah vilayətinin Cavanrud şəhərinin Kəlaş Luləm kəndində qeydə alınıb. Belə ki, Rauf Mustafayi öz həmyaşıdları ilə edam səhnəsinin necə icra edildiyi ilə bağlı oyun oynadığı zaman ehtiyatsızlıqdan özünü öldürüb.

Məlumata görə, R.Mustafayi ilə eyni yaşda olan həmkəndlisi Mehran Yusifi ondan edam səhnəsinin icrasını təkrar nümayiş etdirməsini istəyib və nəticədə belə faciəvi hadisə baş verib.

Qeyd edək ki, İranda əhalinin gözü qarşısında icra olunan edamların icrasını müşahidə etməyə heç bir məhdudiyyət qoyulmayıb.