Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2949
	Dünən	3022
	Bu həftə	2949
	Bu ay	69354
	Bu günə qədər	9730719

Bizi Paylaşın

Video Xəbərlər

Təqvim

Dalga TeleviziyasA�

1 milyon müsəlman Ağ Evə yürüş edəcək - ETİRAZ

22.08.13 13:29 |

alt

Sentyabrın 11-də 1 milyon müsəlman Vaşinqtonda Ağ Evə gedərək dini ayrı-seçkiliyə qarşı öz etirazlarını bildirəcəklər.

Yürüşü təşkil edən Amerikalı Müsəlmanlar Siyasi Hərəkət Komitəsi (AMPAC), təxminən 3 min adamın ölümüylə nəticələnən 11 Sentyabr hadisəsindən sonra, ölkədəki müsəlmanların islam əleyhdarları tərəfindən böyük hücuma məruz qaldığını açıqlayıb:

"Müsəlmanlar da, müsəlman olmayanlar da bir faciə yaşadı, ancaq biz müsəlman olaraq hadisədən 12 il sonra hələ pis adamlar kimi göstərilməyə davam edirik. Bu günə qədər bütün media orqanları və İslam əleyhdarı təşkilatları biz müsəlmanlar və İslamiyyət haqqında qaralayıcı və doğru olmayan iddialar səsləndirirlər. Biz buna qarşıyıq və Ağ Ev rəhbərliyindən bu ayrı-seçkiliyə qarşı addım atmasını tələb edəcəyik".

“Ermənistan Dağlıq Qarabağdan çıxmalıdır“

13.12.13 20:23 |

alt

Ermənistan Dağlıq Qarabağdan tamamilə çıxmalıdır.

Avropa Azərbaycan Cəmiyyətindən (TEAS) verilən məlumata görə, bunu Macarıstan Milli Assambleyasının üzvü, parlamentin Macarıstan-Azərbaycan Dostluq qrupunun sədr müavini doktor Ferenk Papsak Cəmiyyətin Ermənistan-Azərbaycan, Dağlıq Qarabağ münaqişəsinə dair suallarını cavablandırarkən bəyan edib.

Onun sözlərinə görə, BMT Təhlükəsizlik Şurasının (TŞ) qətnamələrindən irəli gələn tələblərdən uzun müddət boyun qaçırmaq olmaz:

"Dağlıq Qarabağ və ətraf rayonlar Azərbaycanın legitim və dünya ictimaiyyəti tərəfindən qəbul olunmuş əraziləridir. Azərbaycan torpaqlarının Ermənistan tərəfindən işğalı isə beynəlxalq hüquqa daban-dabana ziddir. Bu da Ermənistan hərbi qüvvələrinin Dağlıq Qarabağ və ətraf rayonlardan tamamilə çıxmasını tələb etməyə əsas verir. Beynəlxalq ictimaiyyətin Ermənistanın Azərbaycanın ərazilərindən hərbi hissələrini geri çəkməsi tələbi artıq 20 ildir ki, mövcuddur. Amma bunun heç bir nəticəsi görünmür.

Əksinə, Ermənistan Dağlıq Qarabağda Xocalı aeroportunu işə salmaq cəhdi ilə və qondarma prezident seçkilərini keçirməklə beynəlxalq ictimaiyyəti qıcıqlandırır. Avropa İttifaqı dəfələrlə bəyan edib ki, bu seçkilər münaqişənin sülh yolu ilə həlli üçün çalışan beynəlxalq ictimaiyyətin işinə əngəl törədir".

Macar parlamentari qeyd edib ki, Ermənistanın işğalçılıq siyasəti
BMT TŞ tərəfindən 1993-cü ildə 822, 853, 874 və 884 saylı qətnamələrlə mühakimə olunaraq BMT Nizamnaməsinin ikinci maddəsinə əsasən beynəlxalq hüququn pozulması kimi qeydə alınıb və bu vəziyyəti 2008-ci ildə BMT Baş Assambleyası da təsdiq edib:

"Buna görə də Dağlıq Qarabağ Azərbaycan Respublikasının ayrılmaz hissəsidir. 2005-ci ildə Avropa Şurası da müvafiq qətnamə qəbul edib. 2010-cu ildə Avropa Parlamenti Ermənistan silahlı qüvvələrinin işğal etdikləri ərazilərdən çıxması tələbi ilə çıxış edib. Bu tələb hələ də qüvvədədir. Avropa İttifaqı Dağlıq Qarabağdakı həllini tapmamış ərazi probleminə nöqtə qoymaq üçün öz tərəfdaşları ilə birgə bütün vasitələrə əl atmalıdır".(trend)

“Ağ ev”dən Ərdoğana sərt reaksiya

21.08.13 12:47 |

alt

A+ A-

Ötən gün Misirdə baş verən son hadisələrin arxasında İsrailin olduğu barədə iddia irəli sürən Türkiyənin baş naziri Rəcəb Tayyib Ərdoğan ABŞ rəsmiləri tərəfindən sərt reaksiyaya məruz qalıb.

“Ağ Ev” rəsmisi Coş Ernest Ərdoğanın İsraillə bağlı iddiasına qarşı çıxıb.
Earnest deyib ki, İsrailin Misirdə baş verənlərdə əli olmasını barədə fikirlər səhv və əsassızdır.

Əlil gənc valideynlərinin gözü qarşısında yanaraq öldü

03.08.13 12:06 |

alt Avqustun 1-də Salyanda baş verən yanğının təfərrüatları məlum olub.

Rayonun T. Davudzadə küçəsində yaşayan Samid Kərimova məxsus 2 mərtəbəli 4 otaqlı evdə yanğın baş verib.

Nəticədə bütövlükdə evin yanar konstruksiyaları yanıb, yanğın söndürüldükdən sonra S. Kərimovun oğlu Vahidin yanmış meyiti tapılıb.

Ramil Usubov Yunanıstan səfirini qəbul etdi

13.12.13 20:22 |

alt

Dekabrın 13-də daxili işlər naziri, general-polkovnik Ramil Usubov Yunanıstanın ölkəmizdəki fövqəladə və səlahiyyətli səfiri Dimitrios Tsounqası qəbul edib.

DİN mətbuat xidmətindən daxil olan xəbərə görə, qonağı salamlayan nazir yeni təyinat münasibətilə onu təbrik edib və uğurlar arzulayıb. Yunanıstan-Azərbaycan əlaqələrinin inkişaf dövrünü yaşadığını xatırladan daxili işlər naziri ölkələrimizin və xalqlarımızın milli maraqlarına və mənafelərinə uyğun olaraq, dövlət başçılarının siyasi iradəsi, qarşılıqlı səfərlər, ən yüksək səviyyədə imzalanmış sənədlər sayəsində birgə əməkdaşlığın daha da dərinləşəcəyinə ümidvar olduğunu bildirib.

Daha sonra nazir DİN-in fəaliyyət istiqamətləri və funksional vəzifələri, ölkəmizdəki kriminogen durum barədə qısa məlumat verib, həyata keçirilən yeniləşmə və islahatlar prosesindən danışıb.

Daxili İşlər nazirlikləri arasında əməkdaşlığın yalnız Beynəlxalq Kriminal Polis Təşkilatı (İnterpol) çərçivəsində həyata keçirildiyini nəzərə çatdıran nazir hələ 2008-ci ildə «Azərbaycan Respublikasının Hökuməti və Yunanıstan Respublikasının Hökuməti arasında cinayətkarlıqla mübarizə sahəsində əməkdaşlıq haqqında Saziş» layihəsinin hazırlanaraq qarşı tərəfə təqdim olunduğunu xatırlatmış, həmin sənədin imzalanmasının əlaqələrin daha da genişləndirilməsinə əlverişli hüquqi zəmin yaradacağını, rəhbərlik etdiyi qurumun bu işdə maraqlı olduğunu bildirib.

Səmimi qəbula və ətraflı məlumata görə təşəkkür edən səfir Dimitrios Tsounqas ölkəsinin Azərbaycanla bütün sahələrdə əməkdaşlığı dərinləşdirməkdə maraqlı olduğunu bildirmiş, ikitərəfli əlaqələrin daha da inkişafı istiqamətində səylərini əsirgəməyəcəyini deyib.

Başqa məqalələr...