Bir neçə gün öncə nişanlandığını deyən xalq artisti Aygün Kazımova ona verilən üzüyü geri qaytarıb. "Qafqazinfo" lent.az-a istinadən xəbər verir ki, xalq artisti dj Kazımın 106.3 fm-də aparıcılıq etdiyi “Günorta efiri”nə telefon bağlantısından imtina edərək aparıcıya sms yazıb, sevgilisindən ayrıldığını deyib:

“Hər şey başlamadan bitdi. Sevgi mənə görə deyil. Alınmır məndə. Nə qədər çətin olsa da, etiraf edirəm, sevgim bitdi. Şəxsi həyatımda qalxıb, düşmə nöqtəsindəyəm. Hər zaman olduğu kimi yenə də başımı yaradıcılıq işimlə qatıram. İfa etdiyim “Sənə xəstəyəm” mahnısını bu gündən etibarən dinləyicilərin ixtiyarına verdim. Tez başlayıb, tez bitən sevgim barəsində çox danışmaq istəmirəm”.

Xatırladaq ki, A.Kazımovanın haqqında danışdığı şəxs biznesmen Fikrətdir. Atası Almaniyada yaşayan məmurdur. Cütlük İstanbulda tanış olub.

Qeyd edək ki, A.Kazımova oktyabrın 17-də nişanlandığını sosial şəbəkədə qeyd etmişdi.

Rusiyada yaşayan gənc qız tanış olduğu oğlanın xoşuna gəlmək üçün 40 kilo arıqlayıb.

ANS PRESS-in məlumatına görə, 24 yaşlı Yulya Karakova 40 kilo artıq çəkini bir il ərzində verib. Belə ki, internetdə yazışdığı gənc yaraşıqlı oğlan ondan şəkil istəyəndə Yulya arıqlamağa qərar verib. Onun sözlərinə görə, adi yazışmalarla başlayan ünsiyyət zaman keçdikcə “məktublarda roman”a çevrildi. Amma oğlan ondan şəkil istəyəndə o nə isə etməli olduğunu anladı.

Bu zaman gənc xanım arıqlamağa qərar verib. Onun sözlərinə görə, pəhriz saxlayıb, idmanla ciddi məşğul olub, çoxlu su içib. Nəticədə bir il ərzində 40 kiloqram arıqlayıb.

Arıqlayandan sonra oğlan dostunun yanına gedən Yulya ancaq əşyalarını götürmək üçün geri qayıdıb.