Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1625
	Dünən	3778
	Bu həftə	22646
	Bu ay	89051
	Bu günə qədər	9750416

Bizi Paylaşın

Video Xəbərlər

Təqvim

Dalga TeleviziyasA�

Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli saxlanılıb - YENİLƏNİB

16.12.13 21:57 |

Seçkilərin Monitorinqi və Demokratiyanın Tədrisi Mərkəzinin (SMDTM) rəhbəri Anar Məmmədli saxlanılıb. Hüquq-mühafizə orqanlarından APA-ya verilən məlumata görə, A. Məmmədli barəsində həbs-qətimkan tədbiri Nəsimi rayon Məhkəməsində seçilib.

Qeyd edək ki, bu gün saat 17 radələrində A. Məmmədli Bəşir Süleymanlı və Elnur Məmmədli ilə birlikdə Baş Prokurorluğun Ağır Cinayətlərə Dair İşlər üzrə İstintaq İdarəsinə çağırılıblar. Bu barədə A. Məmmədlinin "facebook" səhifəsində onun dostları yazıblar.

Məlumata görə, bir müddət sonra isə B. Süleymanlı və E. Məmmədli sərbəst buraxılsalar da, A. Məmmədli ilə dindirilmə davam edib.

Daha sonra isə o, Nəsimi rayon Məhkəməsinə gətirilib və barəsində 2 ay müddətinə həbs-qətimkan tədbiri seçilib.

“Həbsim barədə sanksiya Putinə hədiyyədir”

08.08.14 13:16 |

alt Gürcüstanın sabiq prezidenti Mixail Saakaşvili ölkəsində həbs olunması barədə verilən sanksiyanı “müharibənin ildönümündə Putinə hədiyyə” kimi qiymətləndirib.

Dalgatv APA-ya istinadən xəbər verir ki, sabiq prezident öz bəyanatında hakimiyyətin bu addımının cəmiyyətdə dərin qütbləşmə yaradacağını bildirib: “Mən fəxr edirəm ki, bu qədər axtarmaqlarına baxmayaraq, mənə qarşı əsaslı faktlar tapa bilməyiblər. Sabiq nazir İrakli Okruaşvilinin mənə qarşı ifadəsi var, onu saxtakarlıq və korrupsiyaya görə işdən qovmuşduq. Nino Burcanadze və Çaxalyanın ifadələri var, onları da başa düşmək olar”.

M. Saakaşvili əlavə edib ki, Tblisiyə gedib, həbsxanaya oturmağa vaxtı yoxdur: “Mənim buna vaxtım yoxdur, onların da bunu etməyə imkanı. Nə üçün biz imkan veririk ki, bütün dünyanın gözü qabağında bizi ələ salsınlar? Yəqin, indi Putin Kremldə rəqs edir, çünki mənim həbsim barədə sanksiyanı ona hədiyyə ediblər”.

Oğurluq edənlər tutulmuşlar

16.12.13 18:53 |

Baş Cinayət-Axtarış, Baş Mütəşəkkil Cinayətkarlıqla Mübarizə və Sumqayıt Şəhər Polis idarələri əməkdaşlarının birgə keçirdikləri əməliyyat-axtarış tədbirləri nəticəsində dekabrın 12-də Vüqar İsayevin mənzilindən 550 manat pulunu və qızıl əşyalarını oğurlamış Gürcüstan vətəndaşı Mamuka Mekvabili, Sumqayıt şəhər sakini, əvvəllər məhkum olunmuş Şahin Kərimov və Bakı şəhər sakini, əvvəllər məhkum olunmuş Rəşad Allahverdiyev tutulmuşlar.

Suriyada erməniləri öldürdülər

07.12.13 20:31 |

alt

Bu gün saat 11:15 radələrində Suriyanın Xarat Tayi bölgəsini cənubunda yerləşən Kamışlı şəhərində terrorçu avtobusa minərək, özünü partladıb.

Hadisə nəticəsində 20 nəfər ölüb, çoxlu sayda insan yaralanıb. Partlayış ətrafa xeyli maddi ziyan vurub. Erməni mətbuatının yazdığına görə, hadisədə iki Suriya əsilli erməni ölüb, biri isə yaralanıb.

Eyni zamanda Hələb yaxınlığında döyüşlərdə bir erməni öldürülüb. Məlumata görə, 14 noyabr 2013-cü ildən bu günə qədər Suriyada 65 erməni öldürülüb. Qeyd edək ki, BMT-nin məlumatına görə, son 2.5 ildə Suriyada baş verən qarşıdurmalarda ölənlərin sayı 120 min nəfəri ötüb.

Prezident Ağdama 5,2 milyon ayırdı- Sərəncam

07.08.14 23:05 |

alt

Prezident İlham Əliyev Ağdam rayonunun sosial-iqtisadi inkişafının sürətləndirilməsinə dair əlavə tədbirlər haqqında sərəncam imzalayıb.

Sərəncamda qeyd olunur ki, son illərdə Ağdam rayonunun işğal altında olmayan 91 min nəfərə qədər əhalinin məskunlaşdığı 44 yaşayış məntəqəsində müxtəlif Dövlət Proqramları çərçivəsində geniş tikinti-bərpa və abadlıq-quruculuq işləri aparılıb. 6600-dən çox ailə üçün 17 yeni qəsəbə salınmış, 18 ümumtəhsil və 3 musiqi məktəbi, 12 tibb və 10 məktəbəqədər təhsil müəssisəsi, 11 klub icma mərkəzi inşa edilmiş, uzunluğu 260 kilometr olan elektrik, 117 kilometr olan içməli su xətləri, yeni yollar çəkilmiş, yaşayış məntəqələri qazlaşdırılib. Rayon mərkəzinin yerləşdiyi Quzanlı qəsəbəsində, Mərkəzi rayon və uşaq xəstəxanaları, doğum evi, Təcili Tibbi Yardım Stansiyası, Olimpiya İdman Kompleksi və digər sosial yönümlü obyektlər tikilib.

Sərəncama əsasən, Quzanlı qəsəbəsində abadlıq-quruculuq işlərinin davam etdirilməsini, habelə "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nda rayon üzrə müəyyən olunmuş tədbirlərin həyata keçirilməsini təmin etmək məqsədi ilə Ağdam Rayon İcra Hakimiyyətinə Azərbaycan Respublikasının 2014-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 2,0 (iki) milyon manat ayrılır.

Azərbaycan Respublikasının Maliyyə Nazirliyinə bu sərəncamda nəzərdə tutulan məbləğdə maliyyələşməni müəyyən olunmuş qaydada təmin etmək tapşırılıb.

Prezident digər sərəncamı isə, Ağdam rayonunun Quzanlı-Üçoğlan-Xındırıstan-Səfərli avtomobil yolunun tikintisi ilə bağlı tədbirlər haqqında imzalayıb.

Sənəddə bildirilir ki, iyirmi bir min nəfər əhalinin yaşadığı 10 yaşayış məntəqəsini və 4 köçkün qəsəbəsini birləşdirən Quzanlı-Üçoğlan-Xındırıstan- Səfərli avtomobil yolunun tikintisi məqsədi ilə Azərbaycan Respublikasının 2014-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Ağdam Rayon İcra Hakimiyyətinə 3,2 milyon (üç milyon iki yüz min) manat ayrılır.

Azərbaycan Respublikasının Maliyyə Nazirliyinə bu məbləğdə maliyyələşməni müəyyən olunmuş qaydada təmin etmək tapşırılıb.

Başqa məqalələr...