Türkiyənin Baş naziri Rəcəb Tayyib Ərdoğan Krımla bağlı Azərbaycan və Qazaxıstanla siyasi məsləhətləşmələr aparacaq. Bunu Baş nazir özü bildirib. Trend-in məlumatına görə, bu barədə bazar ertəsi "Haber7" telekanalı xəbər yayıb.

Ərdoğanın sözlərinə görə, Ankara Ukraynadakı hadisələr və Krımdakı referendumla bağlı Rusiya ilə danışıqları davam etdirəcək.
Bir müddət əvvəl Türkiyənin xarici işlər naziri Əhməd Davudoğlu Ankaranın Rusiyanı qonşu ölkələrin ərazi bütövlüyünə hörmət etməyə çağırdığını bəyan edib. Nazirin sözlərinə görə, Moskva regionda təkbaşına siyasət aparır.

Martın 16-da Krımda keçirilən referenduma gəlincə, Davudoğlu deyib ki, regionda oxşar hadisələrin inkişafına imkan yaratmaq yolverilməzdir.
Xatırladaq ki, bazar günü Krımın statusu haqqında referendum keçirilib. Son məlumatlara görə, seçicilərin demək olar ki, 96 faizi muxtar respublikanın Rusiyaya birləşdirilməsinin lehinə səs verib.

Dünyanın bir çox ölkələri referendumun nəticələrinin tanınmamasına dair bəyanatlarla çıxış edib.

Rusiyanın Stavropol vilayətində “Reno” markalı mikroavtobus qarşı hərəkət zolağına çıxıb və “Mercedes” markalı avtobusla toqquşub.

Qəzaya ilkin səbəb, mikroavtobusun sürücüsünün sükan arxasında yatdığı bildirilir. Mikroavtobusdakıların hamısı Azərbaycan vətəndaşları olublar.

Avtobusda yarışa gedən uşaq futbol komandasının 35 üzvü və onların məşqçisi olub. Rusiya FHN-in ,yaydığı məlumatda 4 nəfərin öldüyü bildirilir. Həlak olanlar arasında uşaqların məşqçisi, mikroavtobusun sürücüsü və iki sərnişini var. Daha altı nəfər isə xəsarət alıb.