Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2784
	Dünən	3261
	Bu həftə	2784
	Bu ay	18503
	Bu günə qədər	9679868

Bizi Paylaşın

Video Xəbərlər

Təqvim

Dalga TeleviziyasA�

Baş nazirdən Saakaşviliyə: “Öz məsuliyyətin haqda danış”

12.08.13 16:40 |

alt

Amerika gəmisinin göyərtəsində Saakaşvili ilə İvanişvili arasında mübahisə baş verib

Gürcüstanın Batumi limanına gəlmiş ABŞ-a məxsus “Balkli” gəmisində keçirilən rəsmi qəbulda Gürcüstan prezidenti və baş naziri arasında mübahisə baş verib.

11 avqust axşamı keçirilən tədbirdə çıxış edən baş nazir Bidzina İvanişvili 2008-ci ildə Cənubi Osetiyada baş vermiş hərbi münaqişəyə görə keçmiş hökumətin məsuliyyət daşıdığını bildirib. Baş nazirdən sonra çıxış edən prezident Mixail Saakaşvili isə bu fikirlərə etiraz edib: “Mən gürcü tərəfinin bu müharibədə məsuliyyət daşıması ilə bağlı fikirləri qətiyyətlə rədd edirəm. Bu barədə danışanlar ya Gürcüstanı sevmir, ya da Gürcüstanın düşməni ilə əlaqəlidir”. Bu zaman B. İvanişvili yerdən replika atıb: “Öz məsuliyyətin haqda danış”.

Xatırladaq ki, bu il oktyabrın 27-də Gürcüstanda prezident seçkiləri keçiriləcək.

İtaliyanın Nazirlər Şurasının Prezidenti ümummilli lider Heydər Əliyevin məzarını ziyarət etmişdir

11.08.13 21:38 |

alt Azərbaycanda rəsmi səfərdə olan İtaliya Nazirlər Şurasının Prezidenti Enriko Lettanın başçılıq etdiyi nümayəndə heyəti avqustun 11-də Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad etmiş, məzarı önünə əkil qoymuşdur.
Görkəmli oftalmoloq alim, akademik Zərifə xanım Əliyevanın da xatirəsi yad olunmuş, məzarı üzərinə tər güllər düzülmüşdür.

İtaliyanın baş naziri Bakıda səfərdədir

11.08.13 21:21 |

alt

İtaliyanın baş naziri Enriko Lettanın avqustun 11-də Azərbaycana səfəri başlayıb.

Səfər zamanı E. Letta Azərbaycan prezidenti İlham Əliyevlə görüşəcək.

Görüşdə əsasən iki ölkə arasında münasibətlər və TAP qaz kəməri ilə bağlı məsələlər müzakirə ediləcək.

Qeyd edək ki, Azərbaycan «Şahdəniz-2» layihəsi çərçivəsində hasil ediləcək təbii qazın Avropaya çatdırılması üçün boru kəmərinin seçilməsi ilə bağlı qəbul etdiyi qərarını iyunun 28-də rəsmən açıqlayıb. «Şahdəniz» konsorsiumu son iki il ərzində Avropaya qazın nəqli üçün boru kəmərinin bir neçə seçim variantını nəzərdən keçirib və TAP (Trans Adriatic Pipeline) üzərində dayanıb. Uzunluğu 870 km olacaq TAP kəməri Azərbaycan qazını Türkiyə, Yunanıstan və Albaniya ərazisi ilə İtaliyaya çatdıracaq. Layihənin ümumi dəyəri təxminən 2,2 mlrd. ABŞ dolları təşkil edir.

TAP layihəsinin əsas mənbəyi «Şahdəniz»in ikinci fazası çərçivəsində hasil olunacaq qazdır. Proqnozlara əsasən, ikinci fazada hasilata 2016-cı ildə başlanacaq və TAP kəmərinin tikintisinə 3 il tələb olunacaq. İlkin mərhələdə qaz kəməri ilə ildə 10 mlrd. kubmetr mavi yanacaq Avropaya çatdırılacaq, daha sonra isə həcm 20 mlrd. kubmetrədək artırılacaq.

Hazırda layihənin 3 səhmdarı var ki, bunlar «EGL», «Statoil» və «E.ON Ruhrgas» şirkətləridir.

İtaliyanın baş naziri: “Dağlıq Qarabağ kimi münaqişələrdə status-kvonun saxlanması çıxış yolu deyil”

11.08.13 21:31 |

“Dağlıq Qarabağ kimi münaqişələrdə status-kvonun saxlanması çıxış yolu deyil”.

Bunu İtaliyanın baş naziri Enriko Letta avqustun 11-də Bakıda Azərbaycan prezidenti İlham Əliyevlə görüşdən sonra keçirilən mətbuat konfransında Dağlıq Qarabağ münaqişəsinin həllinə münasibət bildirərkən deyib.

Baş nazir ölkəsinin ATƏT-in Minsk Qrupunun fəaliyyətini dəstəklədiyini vurğulayıb.

“Biz hesab edirik ki, uzunmüddətli münaqişələr heç kimin maraqlarına xidmət etmir, heç kimin xeyrin deyil”. – deyə E. Letta bildirib.

Baş nazir qeyd edib ki, İtaliya növbəti il Avropa Birliyinə sədrlik edəcək və sədrliyi dövründə münaqişələrin həlli istiqamətində atılan addımlara dəstək məqsədilə müəyyən tədbirlər həyata keçirəcək.

İlham Əliyev: “Ölkələrimiz arasında yaxın tərəfdaşlıq mövcuddur“

11.08.13 21:20 |

alt

“Azərbaycanın TAP layihəsini seçməsi İtaliya və Avropanın böyük bir hissəsi üçün çox vacibdir”.

Bunu İtaliyanın baş naziri Enriko Letta avqustun 11-də Bakıda Azərbaycan prezidenti İlham Əliyevlə görüşdə bildirib.

Baş nazir qeyd edib ki, Azərbaycanla İtaliyanı enerji və digər sahələrdə möhkəm əməkdaşlıq bağlayır.

O, Azərbaycan qazının Avropaya və İtaliyaya çatdırılmasını nəzərdə tutan TAP layihəsini seçdiyi üçün Bakıya təşəkkür edib.

“Bizi yalnız enerji sahəsində əməkdaşlıq bağlamır, lakin biz iqtisadi və siyasi münasibətləri daha da möhkəmləndirmək üçün bu əməkdaşlıqdan da yararlana bilərik”, - deyə baş nazir vurğulayıb.

E. Letta bəyan edib ki, ikitərəfli iqtisadi əlaqələrin daha da gücləndirilməsi məqsədilə bu il noyabrın əvvəllərində İtaliyadan Azərbaycana nümayəndə heyəti gələcək.

Azərbaycan prezidenti İlham Əliyev də ölkələrimiz arasında ikitərəfli münasibətlərin səviyyəsini yüksək qiymətləndirib: “Ölkələrimiz arasında yaxın tərəfdaşlıq mövcuddur və mən ümid edirəm ki, münasibətlərimiz yaxın illərdə daha da inkişaf edəcək”.

Başqa məqalələr...