Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3139
	Dünən	3275
	Bu həftə	18401
	Bu ay	59845
	Bu günə qədər	9721210

Bizi Paylaşın

Video Xəbərlər

Təqvim

Dalga TeleviziyasA�

Bakı Olimpiya stadionu istismara verilib

08.03.15 20:16 |

alt Tikintisinə 2012-ci ilin dekabr ayında başlanılmış Bakı Olimpiya stadionunun istismara hazırlığı ilə bağlı akt imzalanıb və müvafiq icra hakimiyyəti tərəfindən obyektin istismarına icazə verilib.

Gənclər və İdman Nazirliyinin mətbuat xidmətindən APA-ya verilən məlumata görə, obyekt Gənclər və İdman Nazirliyi tərəfindən podratçıdan təhvil alınıb.

Qeyd edək ki, Bakı Olimpiya stadionunun sifarişçisi Gənclər və İdman Nazirliyi, baş podratçısı Azərbaycan Dövlət Neft Şirkəti (ARNDŞ), subpodratçı isə “Tekfen İnşaat və Təsisat A.Ş” olub. Stadionun tikintisi cədvəl əsasında vaxtında aparılıb. Obyektin müvafiq təşkilatlar tərəfindən yoxlanılması işləri aparılıb, tikinti norma və qaydalarına, layihə sənədlərinə uyğun tikilməsi barədə rəy verilib. Sənədləşmə işləri başa çatdıqdan sonra obyektin istismarına aidiyyəti qurum tərəfindən müvafiq qaydada icazə verilib. 12-28 iyun 2015-ci il tarixlərdə Bakıda ilk dəfə olaraq keçiriləcək Avropa Oyunlarının açılış və bağlanış mərasimləri bu məkanda baş tutacaq.

“Aydın” seriala çevrilir

22.08.13 13:28 |

alt

Cəfər Cabbarlının “Aydın” əsəri əsasında teleserial çəkilir.

Bu barədə “Savalan” qrupunun rəhbəri Novruz Novruzlu məlumat verib.

O bildirib ki, 20 seriyadan ibarət olacaq teleserialın rejissoru əslən türkiyəli olan Hakan adlı rejissordur.

Qrup rəhbərinin sözlərinə görə, artıq serialla bağlı çəkiliş işlərinə başlanılıb.

Azərbaycan Macarıstanda keçiriləcək “Kapoşvarın VII Damazlıq Günləri” sərgisində iştirak edəcək

21.08.13 13:35 |

alt

Bu gün kənd təsərrüfatı naziri İsmət Abasov Macarıstanın Azərbaycandakı fövqəladə və səlahiyyətli səfiri Jolt Çutoranı qəbul edib. Kənd Təsərrüfatı Nazirliyinin mətbuat xidmətindən “APA-Economics”ə verilən məlumata görə, İ. Abasov dövlətin aqrar sahəyə göstərdiyi diqqət və qayğısı sayəsində kənd təsərrüfatının digər sahələri ilə yanaşı, heyvandarlıq sahəsinin də dinamik inkişaf etdiyini qeyd edib.

Azərbaycanla Macarıstan arasında bütün sahələrdə, o cümlədən kənd təsərrüfat sahəsində əməkdaşlıq əlaqələrinin yüksələn xətt üzrə inkişaf etdiyini vurğulayan nazir hər iki ölkənin aqrar sahədə böyük potensiala malik olduğunu və bu potensialın reallaşdırılması üçün tərəflərin aidiyyəti qurumları arasında birbaşa təmasların sayının artırılmasının vacibliyini qeyd edib.

Səfir Jolt Çutora cari ilin avqustun 30-u və sentyabrın 1-də Macarıstanın Kapoşvar şəhərində keçiriləcək “Kapoşvarın VII Damazlıq Günləri” sərgisinin keçiriləcəyini diqqətə çatdırıb və Azərbaycanın Kənd Təsərrüfatı Nazirliyinin bu tədbirdə təmsil olunmasını xahiş edib. İ. Abasov adıçəkilən tədbirdə kənd təsərrüfatı naziri, yaxud da nazir müavini səviyyəsində təmsil olunacağını vəd edib.

Daha sonra tərəflər arasında kənd təsərrüfatı sahəsində ikitərəfli əməkdaşlığın perspektivləri müzakirə olunub.

44 milyon dollarlıq çiçək

21.11.14 18:43 |

alt Son dövrlər incəsənət dünyası milyon dollarlıq alışlarla gündəmə gəlir. Bu dəfə qadın bir sənətçinin satılan ən bahalı əsəri gündəmdədir.

Dalgatv Marja-ya istinadən xəbər verir ki, hərrac evi “Sotheby’s”, Georgia O’Keeffe-nin əfsanəvi rəsm əsəri “Jimson Weed/White Flower No. 1”i 44, 4 milyon dollara satıb.

Bu, bir hərracda qadın bir sənətçinin əsərinə verilən ən yüksək rəqəmdir. Daha əvvəl bu sahədəki rekord, digər bir hərrac evi “Christie’s”in 2014-cü ilin May ayında satdığı Joan Mitchellin “Başlıqsız” adlı əsəri idi.

O’Keeffe’nin çiçək mövzusunda olan əsərləri bütün dünyada tanınır.

Allahşükür Paşazadə Gürcüstanın diaspora məsələləri üzrə dövlət nazirini qəbul edib

21.11.14 18:09 |

alt Bu gün Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Gürcüstanın diaspora məsələləri üzrə dövlət naziri Gela Dumbadzeni qəbul edib.

QMİ-dən APA-ya verilən xəbərə görə, görüşdə Şeyx Azərbaycanla Gürcüstanın dostluq və səmimiyyət əsasında qurulan münasibətlərinin getdikcə daha da inkişaf etdiyini bildirib və bu işdə iki ölkənin dövlət başçılarının, eləcə də Ümumgürcüstan Patriarx-Katolikosu II İliyanın xüsusi xidmətlərini vurğulayıb.

Onun sözlərinə görə, qonşu ölkədə yaşayan azərbaycanlılar Gürcüstan Respublikasının vətəndaşları olaraq Gürcüstana xidmət etdikləri kimi, Azərbaycanda yaşayan gürcülər də eyni dərəcədə vətənləri Azərbaycana xidmət etməlidirlər: “Yalnız bu yolla iki dövlət arasında olan qardaşlıq və mehriban qonşuluq münasibətlərinin daha dərin və davamlı olmasını təmin etmək olar”.

Gürcüstanın diaspora məsələləri üzrə dövlət naziri Gela Dumbadze öz növbəsində səmimi qəbula görə A.Paşazadəyə minnətdarlığını bildirib. Nazir qeyd edib ki, Gürcüstanda yaşayan azərbaycanlıları ölkə ictimaiyyəti namuslu, zəhmətkeş, eləcə də layiqli insanlar kimi görür və tanıyır.

Görüş zamanı iki ölkə arasındakı qarşılıqlı münasibətlər və maraq doğuran digər məsələlər ətrafında fikir mübadiləsi aparılıb.

Görüşdə QMİ sədrinin birinci müavini, müfti Hacı Salman Musayev, QMİ sədrinin müavini, Bakı İslam Universitetinin rektoru Hacı Sabir Həsənli, QMİ-nin Nəşriyyat şöbəsinin müdiri Zülfüqar Fərzəliyev, Gürcüstanın Azərbaycandakı səfiri Teymuraz Şaraşenidze və başqaları iştirak ediblər.

Başqa məqalələr...