Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3335
	Dünən	3424
	Bu həftə	13263
	Bu ay	79668
	Bu günə qədər	9741033

Bizi Paylaşın

Video Xəbərlər

Təqvim

Dalga TeleviziyasA�

Tanınmış jurnalist Savaş Ay vəfat edib

10.11.13 00:12 |

alt Türkiyənin tanınmış jurnalisti Savaş Ay uzun sürən müalicədən sonra bu gün xəstəxanada dünyasını dəyişib. Media duayeni bir il yarım İstanbul Tədris və Araşdırma Xəstəxanasında həkim nəzarəti altında olsa da, onun həyatını xilas edə bilməyiblər.

1954-cü il təvəllüdlü Savaş Ay 1974-cü ildə “Dünya” qəzetində müxbirliyə başlayıb. Türkiyənin bir çox qəzetlərində işləyib və televiziya kanallarında "A takımı" adlı müəllif proqramı ilə çıxış edib. O yoxsul insanlara yardım proqramları da həyata keçirib.

Tanınmış jurnalist 15 il idi ki, qırtlaq xərçəngi ilə mübarizə aparırdı. Onun xəstəliyi 1999-cu ildə canlı efirdə həkim tamaşaçı tərəfindən aşkarlanmışdı.

Bəy TOY GÜNÜ QAÇIRILAN NİŞANLISININ ailəsindən təzminat istəyir!

09.11.13 23:38 |

alt Toy günü qaçırılan gəlinin nişanlısı ailəsinə dəyən 8 min manat ziyanın ödənilməsini istəyir. Toyu yarımçıq qalan bəy yeni qız tapdığını və yaxın vaxtlarda yenidən toy edəcəyini deyir. Bəybala Əliyevin ailə üzvləri baş verənlərlə bağlı APA TV-yə verdiyi müsahibədə bildirib ki, toydan sonra nişanlısının yaxınları tərəfindən qaçırılmasından şoka düşsə də, artıq yeni həyatı barədə düşünür. Keçmiş nişanlısı Pünhanəyə xoşbəxtlik arzulayan Bəybala Pünhanə ilə bir-birini sevsələr də, valideynlərinin və dayısıgilin onların xoşbəxtliyinə mane olduğunu deyir. İndi keçmişini silib atmaq istəyən keçmiş bəy yenidən bəy olmağa hazırlaşır.

“Özümə qız da tapmışam. Məhərrəmlikdən sonra evlənəcəyik. Bilirsiniz keçmişi keçmişdə buraxdım. Yeni həyata davam edirəm”.

Balabəy Əliyevin ailə üzvləri deyir ki, polis şöbəsinə müraciət edərək bu biabırçılığa son qoyulması üçün araşdırma aparılmasını və onlara dəyən maddi ziyanın ödənilməsini tələb edəcəklər.

“Toy məclisinin keçirilməsi, qızıl-zinət və geyim əşyalarının alınması üçün xərclədiyimiz 8 min manat pulun verilməsini, sonra isə qızın ailəsinin bəy evindən cehizlərin aparılmasını istəyirik. Onların cehizi mənə lazım deyil”.

Bu görüntülər isə gəlinin qaçdığı toyundandır. İndi ailə bu kadrlara acı bir xatirə kimi baxır.

Atatürkün məzarının görüntüləri yayıldı - VİDEO

08.11.13 19:20 |

alt

Türkiyə Cümhuriyyətinin banisi Mustafa Kamal Atatürkün məzarının indiyə qədər yayımlanmayan görüntüləri yayımlanıb. Məzarın olduğu otaqdan indiyə qədər bəzi fotolar olsa da, ilk dəfə olaraq videogörüntülər yayımlanıb.

Məzarın olduğu otağa böyük qapı açılır. Bu otaq ziyarətçilər üçün bağlıdır. Otağın yeri və divarları qara, ağ və qırmızı mərmərlə örtülüb. Mərmər sandığın ətrafında 81 bölgədən, Selanikdəki Atatürk evindən, türk şəhidliyindən, Kiprdən və Süleyman Şahın məzarından gətirilən torpaqların saxlandığı vazalar var.

Məzar otağının görüntüləri Genəl Kurmay Başqanlığı tərəfindən yayılıb.

Amerika gəmiləri geri qayıdır

09.11.13 20:55 |

alt

ABŞ Orta Şərqdə olan iki donanma gəmisini geri çəkir.

Amerikanın Müdafiə Nazirliyinin sözcüsü “USS Nimitz” və “USS Graveley” adlı iki gəminin geri qayıtdığını bildirib.

Süveyş kanalından keçən gəmilərin yeni ildən əvvəl ABŞ-a geri dönməsi gözlənilir. Donanma gəmisi “USS Graveley”in də Aralıq dənizindən ayrıldığı və ABŞ-a dönməkdə olduğu qeyd edilib.

Obama administrasiyası avqust ayında Suriyanın kimyəvi silah istifadəsinə qarşı bölgədə hərbi gücünü artırıb.

ABŞ-ın 3-ü Aralıq dənizidə olmaqla bölgədə hələ də 4 gəmisi var.

Gürcüstan Azərbaycanlı Jurnalistlər Birliyinin sədri Nizami Məmmədzadədən

07.11.13 21:14 |

Cənab Prezident,
İlk növbədə biz, Gürcüstanda yaşayan və fəaliyyət göstərən azərbaycanlı jurnalistlər Sizi prezident seçkilərində parlaq qələbəniz münasibətilə ürəkdən təbrik edir və buna çox sevindiyimizi bildiririk. Biz, Sizə - hörmətli Azərbaycan Prezidentinə dünya azərbaycanlılarının möhkəm arxası, ümidi və sevimlisi olan bir rəhbər kimi həmişə inanmışıq, eyni zamanda Gürcüstanda yaşayan azərbaycanlılara göstərdiyiniz qayğı və diqqətə görə Sizə sonsuz təşəkkürümüzü bildiririk.
Gürcüstanda çalışan azərbaycanlı jurnalistlər bildirirlər ki, Sizin prezident seçkilərində ədalətlə, azad və şəffaf, demokratik və beynəlxalq standartlara uyğun parlaq qələbə qazanmağınız doğma Azərbaycanımızın, eyni zamanda, doğulduğu və məskunlaşdığı yerdən asılı olmayaraq harada yaşasalar da – azərbaycanlıların uğurlu gələcəyidir.
Hörmətli Prezident, əminik ki, Sizin həyata keçirdiyiniz daxili və xarici siyasət biz azərbaycanlıların xoşbəxt gələcəyini həmişəlik təmin edəcəkdir. Biz jurnalistlər də bu həqiqətə həmişə inanmışıq və biz öz məqsədyönlü fəaliyyətimizlə Azərbaycan həqiqətlərini, onun Prezidentinin siyasi kursunu dəstəkləyir və təbliğ edirik.
Bu il keçirilən 9 oktyabr prezident seçkiləri də tarixə qızıl hərflərlə yazıldı. Biz jurnalistlərin istəyi odur ki, Sizin rəhbərliyiniz ilə Dağlıq Qarabağ problemi də birdəfəlik həll edilsin və Azərbaycanın bu yolda qələbəsi də tarixə qızıl hərflərlə yazılsın. Biz Sizin apardığınız müdrik siyasətin uğur qazanacağına inanırıq. Əminik ki, Azərbaycan qüdrətli və çiçəklənən bir ölkə kimi bu ağrılı problemi həll edəcəkdir.
Sizi yenidən Azərbaycan Respublikasının Prezidenti seçilməyiniz münasibətilə bir daha təbrik edir, xalqımıza gözaydınlığı verir və qeyd edirik ki, Siz bütün dünya azərbaycanlılarının Prezidentisiniz. Biz, Gürcüstanda yaşayan azərbaycanlı jurnalistlər Sizin uğurlarınıza həmişə sevinir, möhtəşəm və məqsədyönlü fəaliyyətinizdən qürur hissi duyuruq. Ali dövləti vəzifənizdə Sizə uğurlar diləyirik.
Dərin hörmətlə,
Nizami Məmmədzadə
Gürcüstan Azərbaycanlı Jurnalistlər Birliyinin sədri

Başqa məqalələr...