Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1827
	Dünən	3255
	Bu həftə	5082
	Bu ay	71487
	Bu günə qədər	9732852

Bizi Paylaşın

Video Xəbərlər

Təqvim

Dalga TeleviziyasA�

BTQ yarımçıq qaldı

18.11.14 14:46 |

alt Türkiyə Bakı-Tiflis-Qars (BTQ) dəmir yolunun öz ərazisində tikintisini dayandırıb

Buna səbəb podratçı-şirkətin planlaşdırılan işin öhdəsindən gələ bilməməsidir. İndiyədək Türkiyə ərazisində yolun tikintisinə 200 milyon manat vəsait xəclənib. Lakin ümumi işin cəmi 39 faizi yerinə yetirilib. Halbuki, podratçı-şirkət layihə üzrə bütün işləri təxminən 110 milyon manata tamamlamağı planlaşdırırdı.

Türkiyə Nəqliyyat Nazirliyinin hesablamalarına görə, Türkiyə ərazisində işin tamamlanmasına təxminəm əlavə 200 milyon manat vəsait lazımdır. Beləliklə BTQ dəmiryol magistralının Türkiyə ərazisinə aid olan hissəsinin tikintisinə sərf olunan vəsait 600 milyon manata çatır. Bu da əvvəlki rəqəmdən təxminən 3 dəfə artıqdır.

Yekun və ilkin hesablamalar arasında olan bu böyük fərq Türkiyə tərəfini də ciddi narahat edir. Buna görə də Türkiyədə vəziyyətin aydınlaşdırılması üçün nəzarət qrupu yaradılıb.

Qeyd edək ki, BTQ magistralının istismara verilməsi 2014-cü ilin sonuna planlaşdırılırdı.

Rövnəq Abdullayev: ““Azərneftyağ” fəaliyyətini dayandıracaq”

05.11.14 17:15 |

alt “Azərneftyağ” Neft Emalı Zavodunun yaxın 2-3 ilə istismarının dayandırılması planlaşdırılır.

“APA-Economics”in məlumatına görə, bu barədə Dövlət Neft Şirkətinin prezidenti Rövnəq Abdullayev bildirib.

ARDNŞ prezidenti qeyd edib ki, istismarın dayandırılmasından sonra zavodun binası da söküləcək: “Zavodun fəaliyyətinin dayandırılması üçün hazırlıq işləri görülür. Yəqin ki, 2017-ci ilə bitum və müəyyən yağ istehsalı Heydər Əliyev adına Neft Emalı Zavodunda həyata keçiriləcək. Bundan sonra isə zavodun istismarı dayandırılacaq”, - deyə o əlavə edib.

Tiflisdə I Beynəlxalq İnvestisiya Forumu keçirilir - FOTO

29.10.14 21:02 |

alt Asiya İnkişaf Bankının və Gürcüstan İqtisadiyyat Nazirliyinin təşəbbüsü ilə Tiflisdə “Gürcüstan - Asiyanın regional Mərkəzi və Avropaya açılan qapısıdır” (Georgia-Regional Hub and Asia’s Gateway to Europe) adlı I Beynəlxalq İnvestisiya Forumu başlayıb.

APA-nın Gürcüstan bürosunun məlumatına görə, Forumda ABŞ iqtisadiyyat və biznes əlaqələri departamentinin müşavir köməkçisi Kurt Tonq, Gürcüstanın baş naziri İrakli Qaribaşvili, Asiya İnkişaf Bankının vitse-prezidenti Benkey Çjan, Gürcüstanın iqtisadiyyat naziri Georgi Kvirikaşvili çıxış edib.

Forumda Gürcüstanın hökumət nümayəndələri, beynəlxalq təşkilatlar, diplomatik korpus nümayəndələri, Asiya ölkələrinin və dünyanın bir çox ölkələrindən gələn 300-dək iş adamları və ekspertlər iştirak edir.

Bu gün başlanan ikigünlük tədbir çərçivəsində dünya iqtisadiyyatının ənənələri müzakirə olunacaq, müxtəlif layihələrin təqdimatı keçiriləcək və fikir mübadiləsi aparılacaq.

Forumda Azərbaycanı müxtəlif iş adamları, şirkət nümayəndələri təmsil edir.

Bakıda Azərbaycan-Gürcüstan biznes forum keçiriləcək

31.10.14 21:23 |

alt Bakıda Azərbaycan-Gürcüstan biznes forum keçiriləcək.

Azərbaycanda İxracın və İnvestisiyaların Təşviqi Fondundan (Azpromo) “APA-Economics”ə verilən məlumata görə, biznes forum noyabrın 5-də Gürcüstanın Acarıstan Muxtar Respublikasının iqtisadiyyat və maliyyə naziri Davit Baladzenin rəhbərliyi ilə biznes nümayəndə heyətinin ölkəmizə səfəri çərçivəsində baş tutacaq.

Biznes forum İqtisadiyyat və Sənaye Nazirliyinin dəstəyi və Azpromo-nun təşkilatçılığı keçiriləcək.

Biznes forumda tikinti və turizm sahələri təmsil edən Gürcüstan şirkətləri iştirak edəcəklər. Tədbir zamanı Acarıstanın biznes və investisiya imkanlarına dair təqdimat keçiriləcək və iş adamlarını maraqlandıran suallar cavablandırılacaq.

Azərbaycanda fəaliyyət göstərən sahibkarlar və iş adamları biznes forumda iştirak etməyə dəvət olunur.

İrakli Qaribaşvili: “Bakı-Tiflis-Qars dəmir yolu Azərbaycan, Türkiyə və Gürcüstanı iqtisadi sahədə birləşdirəcək”

29.10.14 21:00 |

alt “Gürcüstan coğrafi cəhətdən strateji mövqeyə malikdir və iqtisadiyyatı xarici investorlar üçün açıqdır”.

APA-nın Gürcüstan bürosunun məlumatına görə, bunu Gürcüstanın baş naziri İrakli Qaribaşvili Tiflisdə keçirilən “Gürcüstan - Asiyanın regional Mərkəzi və Avropaya açılan qapısıdır” (Georgia-Regional Hub and Asia’s Gateway to Europe) adlı I Beynəlxalq İnvestisiya Forumunda deyib.

“Ölkəmizin gözəl potensiyalı, hidroelektrik sahədə yaxşı inkişaf dinamikası, istehsalı, logistikada və nəqliyyatda, eləcə də ölkəmiz turizm, səhiyyə, təhsil və daşınmaz əmlak sahəsində inkişaf edən ölkədir. Azərbaycan, Türkiyə və Ermənistan bizim qonşularımızdır. Biz regionumuzun və digər yaxın xarici ölkələrlə müxtəlif layihələr həyata keçiririk. 2015-ci ildə Bakı-Tiflis-Qars dəmir yolunun açılması Azərbaycan, Türkiyə və Gürcüstanı iqtisadi sahədə birləşdirəcək. Bakı-Tiflis-Qars dəmiryolu xətti ilə 5 milyon ton və 1 milyon sərnişin daşınacaq”, - deyə baş nazir bildirib.

Başqa məqalələr...