Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	495
	Dünən	3778
	Bu həftə	21516
	Bu ay	87921
	Bu günə qədər	9749286

Bizi Paylaşın

Video Xəbərlər

Təqvim

Dalga TeleviziyasA�

Ən böyük rus gəmisi Ukrayna sahillərinə yaxınlaşır

10.03.14 23:18 |

alt

Rusiyanın Krımda ən böyük gəmisi olan "Moskva" raket kreyseri Ukrayna sahillərinə yan alıb.

Bu informasiya ilə Ukrayna mətbuatı çıxış edib. Mətbuat hazırda "Moskva" kreyserinin hansı istiqamətdə dayancağı ilə bağlı informasiyaya sahib olmadığını yazıb. Ukraynalı ekspert Dmitri Timçuk isə sabah Ukraynanın dəniz sərhədləri yaxınlığında ABŞ təyyarəçilərinin təlim keçəcəyini bildirib. "Sabah Ukrayna dəniz sərhədlərinin yaxınlığında ABŞ, Rumuniya və Bolqarıstan təyyarələri hərbi təlim keçəcək. Görünür ruslara göz dağı vermək istəyirlər". Qeyd edək ki, Rusiya hələ də Krıma qanunsuz olaraq öz əsgərlərini göndərir.

Bakıda gənc yanaraq ölüb

08.11.14 20:34 |

alt Bakıda 20-25 yaşlı kişi yanaraq ölüb.

Dalgatv APA-ya istinadən xəbər verir ki, Sabunçu Rayon Polis İdarəsinin 13-cü polis bölməsindən verilən məlumata görə, noyabrın 7-də Bakıxanov qəsəbəsi, Aşıq Alı küçəsində huşsuz vəziyyətdə, bədəndə müxtəlif yanıq xəsarətləri olan naməlum şəxs tapılıb. O, 3 saylı Şəhər Klinik Xəstəxanasına aparılıb.

Həkimlərin səylərinə baxmayaraq, həmin şəxs bu gün səhər saatlarında xəstəxanada vəfat edib.

Həmin şəxsin boyu təxminən 175-180 sm, çəkisi 70-75 kq, dolu bədən quruluşu və qara saçları var. Sol qolunda döymə edilmiş və sonradan silinmiş “Günel” sözü olub.

Həmin şəxs barədə hər hansı məlumat əldə olunarsa, 452-02-02, 428-02-02 və 425-49-15 telefon nömrələrinə zəng etmək xahiş olunur.

239 nəfərlə yoxa çıxan təyyarə ilə bağlı yeni XƏBƏR

10.03.14 23:15 |

alt Malaziyanın Kuala Lumpur şəhərində ölkənin Mülki Aviasiya Departamentinin baş direktoru 2 gün əvvəl müəmmalı şəkildə radarlardan itən və içərisində 239 nəfərin olduğu “Boinq-777”nin aqibəti barədə mətbuat konfransı keçirib.

Jurnalistlər qarşısında çıxış edən Əzhəruddin Əbdülrəhman axtarışların hələ də bir nəticə vermədəyini bildirib. O, təyyarə barədə hər hansı məlumat olmadığını açıqlayıb.

Əzhəruddin Əbdülrəhman ekspertlərin hər mümkün versiyanı, hətta terror və təyyarənin qaçırılması variantları belə nəzərdən keçirdiyini deyib.

Baş direktor bildirib ki, yalnız təyyarə aşkarlandıqdan sonra qəzanın səbəblərini öyrənmək mümkün ola bilər. Hərbi radarda qeydə alınan məlumat, “Boinq-777” sərnişin təyyarəsinin yoxa çıxmazdan əvvəl geri döndüyünü deməyə əsas verir.

Malaziya höküməti şübhəli pasportları olduğu deyilən 4 şübhəli şəxs barədə araşdırma aparır. Beynəlxalq sularda ABŞ, Tayland, Çin və Malaziyanın birgə apardığı axtarışları hələlik heç bir nəticə verməyib.

ATƏT-ə cavab verdik (FOTO)

20.11.14 19:14 |

alt "ATƏT-in Minsk qrupunun həmsədrinin bəyanatında neytral ərazi anlayışından istifadə olunub. Azərbaycan üçün neytral ərazi anlayışı qəbul edilməzdir".

Bunu ANS PRESS-ə açıqlamasında Azərbaycan Xarici İşlər Nazirliyinin mətbuat xidmətinin rəhbəri vəzifəsini icra edən Hikmət Hacıyev bildirib.

XİN rəsmisi xatırladıb ki, Azərbaycan Respublikasının Ağdam rayonunun işğal edilməsi məxsusi olaraq BMT Təhlükəsizlik Şurasının 853 saylı qətnaməsində qəti şəkildə pislənilib: "Həmin qətnamədə Azərbaycan Respublikasının ərazi bütövlüyü və suverenliyinə bir daha dəstək ifadə olunub və işğalçı qüvvələrin dərhal, qeyd-şərtsiz və tam şəkildə işğal olunmuş Azərbaycan ərazilərindən çıxarılması tələb olunur və güc tətbiq edərək dövlətlərin beynəlxalq səviyyədə tanınmış sərhədlərinin dəyişdirilməsi cəhdlərinin qəbuledilməz olduğu vurğulanır".

Qeyd edək ki, Ceyms Uorlik bu gün də "Twitter" hesabında paylaşdığı statusda Azərbaycan silahlı qüvvələri tərəfindən vurulmuş Ermənistan ordusuna məxsus helikopterin heç kimə məxsus olmayan əraziyə düşdüyünü bildirib və Ermənistan tərəfinin helikopterin qalıqlarına yaxınlaşmasının təmin olunmalı olduğunu yazıb.

Ermənilər Dilqəm Əsgərovu əsas HƏDƏF seçdilər

02.11.14 14:54 |

alt Dilqəm Əsgərov və Şahbaz Quliyevə qarşı oktyabrın 27-dən başlayan qanunsuz "məhkəmə" sabah da davam edəcək. Modern.az erməni mətbuatına istinadən xəbər verir ki, oyuncaq teatra bənzəyən bu prosesdə əsas hədəf Dilqəm Əsgərov seçilib. Düşmən hər vəchlə Smbat Tsaqanyanın itkin düşməsini ölüm kimi göstərərək prosesi Dilqəm Əsgərovun üzərində cəmləşdirməyə çalışır.

Belə ki, Dilqəm Əsgərovun erməni "vəkili" Erik Beklaryan erməni mətbuatına müsahibə verərək bildirib ki,"Əsgərov məhkəmədə iddia edir ki, özü Smbat Tsaqanyanı öldürməyib, Həsənov öldürüb, lakin istintaq zamanı deyir ki, Quliyev öldürüb. Bu baxımdan əhəmiyyətli ziddiyyətlər var. Qeyd etmək lazımdır ki,ekspertiza zamanı aşkar edilib ki,uşağın üzərinə yalnız Əsgərovun silahından atəş açılıb. Məhkəmə zamanı aydın olacaq və mən deyə bilmərəm nə sübut ediləcək. İstintaq prosesini gözləyək".

Erik Beklaryanın sözlərinə görə, noyabrın 3-də girovların dindirilməsi davam edəcək.

Qeyd edək ki, Dilqəm Əsgərova qarşı qondarma istintaq zamanı yeni ittihamlar da elan ediləcək. Şahbaz Quliyevin vəkili olan Arkadi İsraelyan isə erməni mətbuatına verdiyi açıqlamasında bildirib ki,"hələ şahidlər dindirilməli və sübutlar araşdırılmalıdır. Bu an ilə əlaqədar heçnə deyə bilmərəm".

Qeyd edək ki, qanunsuz proses zamanı Dilqəm Əsgərov və Şahbaz Quliyevin "vəkili"rolunda çıxış edən bu şəxslər edam üçün ipliyi keçirən əsl cəllad rolunu oynayır.

Başqa məqalələr...