Gənclər üçün Təhsil Mərkəzi bu gün Birləşmiş Millətlər Təşkilatı İctimai İnformasiya Departamentinin (UNDPI) Azərbaycandakı nümayəndəliyi və Qızıl Aypara Cəmiyyətinin Sumqayıt şəhər bölməsi ilə birgə Ümumdünya Uşaqlar Günü münasibəti ilə tədbir təşkil edilib.

Sumqayıt şəhər Uşaqların və Yeniyetmələrin Yaradıcılıq Mərkəzində keçirilmiş tədbirin əsas məqsədi ictimaiyyəti bu günün əhəmiyyəti, uşaqların cəmiyyətimizdə önəmli yeri və onlara qayğının vacibliyi haqqında məlumatlandırmaq, o cümlədən fiziki qüsurlu uşaqlara vətəndaş cəmiyyətinin diqqətini artırmaq və sosial inteqrasiyası prosesinə dəstək olmaq idi.

Mərkəzin icraçı direktoru Fəxrəddin Həsənzadə bildirib ki, Ümumdünya Uşaqlar Günü 1954-cü ildə təsis edilib. Bu gün dünyada birlik və uşaqlar arasında anlaşma günüdür.

20 noyabr həmçinin 1959-cu ildə BMT Baş Assambleyasının “Uşaq hüquqları haqqında Bəyannamə” və 1989-cu ildə Uşaq Hüquqları Konvensiyasının qəbul edilməsi ilə əlamətdardır.

Eyni zamanda, Birləşmiş Millətlər Təşkilatının Nizamnaməsinin ideya və məqsədlərini yaymaq və dünya uşaqlarının firavan həyat sürmələrinə həsr olunur.

Fransa qasırğadan daha çox zərər çəkmiş Fillipinin Sebu adasına 100 ton humanitar yardım göndərmişdir.
Yardım ton çadırdan, geyim və mətbəx əşyalarından, tibbi avadanlıqdan və digər zəruru materiallardan ibarətdir.
Yardımla birlikdə 80 nəfərdən ibarət həkim və fövqaladə hallar üzrə ixtisaslaşmış mütəxəssislər də fəlakət zonasına yola salınmışdır.