Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3307
	Dünən	3249
	Bu həftə	9811
	Bu ay	76216
	Bu günə qədər	9737581

Bizi Paylaşın

Video Xəbərlər

Təqvim

Dalga TeleviziyasA�

Gəlini toydan qaçan bəyin başı yenə dərddə- Açıqlama

15.11.13 22:30 |

alt

Təzminat istəyən bəyin özü ziyana düşə bilər.

Bu barədə nişanlısı toydan qaçan Balabəy Əliyev məlumat verib. Onun sözlərinə görə, keçmiş nişanlısı Pünhanənin ailəsi cehizdən əlavə Əliyevlərə məxsus əşyalara da iddia edir:

“Hüquq-mühafizə orqanları ikiüzlülük edirlər. Bizim evdəki əşyaları da qızın cehizi kimi siyahıya daxil ediblər. Əvvəlcədən aldığımız soyuducu və başqa əşyaların guya, cehiz olaraq verildiyini iddia edirlər. Halbuki onları mən özüm almışam”.

B.Əliyev əşyaların əvvəlcədən alındığını və ona məxsus olduğunu sübut etməyə hazır olduğunu vurğulayıb. Əmlak məsələsində ortaq məxrəcə gələ bilməyən tərəflərin mübahisəsi məhkəmədə müzakirə olunacaq. B.Əliyev ailəsinə dəyən 8 min manat ziyanın ödənilməsi tələbi ilə müraciət edəcəyini bildirib:

“Bunun üçün artıq sənədlər hazırdır. Amma keçmiş nişanlımın ailəsinin iddialarından görünür ki, bu məhkəmə hələ çox vaxt aparacaq”.

Xatırladaq ki, bu il noyabrın 3-də Ağcabədi şəhərindəki “Cavid” Şadlıq Sarayında baş tutan toy arzuolunmaz sonluqla başa çatıb. Belə ki, gəlin zorla evləndirilməsi barədə 102-yə müraciət edib. Hüquq-mühafizə orqanlarının müdaxiləsindən sonra gəlin - Pünhanə atası evinə qaytarılıb. B.Əliyev isə artıq başqası ilə evlənib.

"Qərb Azərbaycana qarşı ikili standart siyasəti yeridir"

17.04.14 21:29 |

alt "İndi bizim üçün Dağlıq Qarabağdakı vəziyyəti daha çox diqqətə almağın, münaqişənin beynəlxalq hüquq çərçivəsində sülh yolu ilə həllinin və yüz minlərlə məcburi köçkün düşmüş azərbaycanlının evlərinə qayıtmasının tam zamanıdır".

Dalgatv-nin Trend-ə istinadən verdiyi xəbərə görə, bunu Böyük Britaniya parlamentinin Mühafizəkarlar Partiyasından olan üzvü Deyvid Deyvis bildirib.

D.Deyvis Avropa Azərbaycan Cəmiyyətinə Dağlıq Qarabağ münaqişəsində Azərbaycanın mövqeyini dəstəkləyən bəyanat ünvanlayıb.

Bəyanatda Qərb dövlətlərinin liderlərinin Ukraynanın ərazi bütövlüyünə göstərdikləri kəskin dəstəyin Azərbaycana göstərilməməsi və Dağlıq Qarabağ məsələsində ikili standart siyasətinin yürüdülməsi pislənilir.

Bəyanatda deyilir: "Ukraynada baş verən son hadisələr bizə bir daha sabitliyin Avropa üçün nə qədər önəmli bir ünsür olduğunu xatırlatdı. Rusiyanın Krımı özünə birləşdirməsi Barak Obama, Deyvid Kameron, Angela Merkel də daxil olmaqla Qərb liderlərinin Ukraynanın ərazi bütövlüyünü dəstəkləməsi ilə nəticələndi. Onlar Rusiyanı etdiyi hərəkətə görə qınamaqda və Ukraynanın beynəlxalq səviyyədə tanınmış sərhədlərini dəstəkləməkdə tamamilə haqlı olaraq yekdil mövqe göstərirlər. Lakin bu bizim Azərbaycana qarşı ikili standartlarla yanaşmamızı də üzə çıxarır. Dağlıq Qarabağ Azərbaycan Respublikasının beynəlxalq səviyyədə tanınmış suveren ərazisinin bir parçasıdır, lakin biz eyni liderlərin kəskin dəstəyini Ukrayna məsələsində olduğu kimi eşitmirik. Böyük Britaniya BP şirkəti vasitəsilə Azərbaycanda ən böyük sərmayəçidir və münaqişənin yenidən qızışacağı təqdirdə biz çox şey itirəcəyik".

Yuli Qusman “Şöhrət” ordeni ilə təltif edilib

15.11.13 20:45 |

alt Azərbaycan prezidenti İlham Əliyev Yuli Solomonoviç Qusmanın “Şöhrət” ordeni ilə təltif edilməsi haqqında sərəncam imzalayıb. APA-nın xəbərinə görə, Y. Qusman Azərbaycan Respublikası ilə Rusiya Federasiyası arasında qarşılıqlı mədəni əlaqələrin möhkəmləndirilməsində xidmətləri ilə əlaqədar “Şöhrət” ordeni ilə təltif edilib.

Universitet tələbələri həbs olundu

10.11.13 21:53 |

alt

Türkiyənin əsasən kürdlər yaşayan Hakkari şəhərinin eyni adlı universitetin 15 əməkdaşı və tələbəsi saxlanılıb. Prokurorluğunun təlimatıyla təşkil edilən əməliyyatla bağlı rəsmi açıqlama verilməyib.

Saxlanılanların ifadəsi alındıqdan sonra sabah ədliyyə orqanlarına veriləcəyi bildirilir.

Universitet tələbələrinin hansı səbəbdən saxlanıldığı məlum deyil. Türkiyə hüquq-mühafizə orqanlarından sızdırılan məlumatlarda bildirilir ki, olayla bağlı sabah geniş açıqlama veriləcək.

“NATO-nun şərqə doğru genişlənməsindən qorxmuram”

17.04.14 21:27 |

alt "NATO-nun şərqə doğru genişlənməsindən qorxmuram. Bundan heç kim qorxmamalıdır, lakin eyni zamanda durumu soyuqqanlı dəyərləndirmək lazımdır".

Dalgatv-nin APA-ya istinadən verdiyi xəbərə görə, bunu Rusiya prezidenti Vladimir Putin deyib.

O qeyd edib ki, Krımla bağlı qərarın qəbulunun səbəblərindən biri NATO-nun şərqə doğru genişlənməsi olub.

“Mən deyəndə ki, NATO-ya yeni ölkələrin qoşulmasına ehtiyac yoxdur, təhlükəsizliyə dair ikitərəfli saziş əsasında əməkdaşlıq qurula bilər, bizə dedilər ki, bu sizin işiniz deyil. Ona görə də əgər birdən NATO qoşunları Sevastopolda peyda olsa idilər, bu, artıq Rusiya üçün geosiyasi əhəmiyyət kəsb edəcəkdir. Yəni Rusiya Qara dəniz bölgəsindən sıxışdırılıb çıxarılacaqdır. Odur ki, NATO-nun genişlənməsi məsələsində bütün amilləri nəzərə alacağıq və müvafiq addımlar atacağıq. Rusiyanın təhlükəsizliyinin təmin edilməsi üçün əlimizdən gələni edəcəyik”, - deyə o vurğulayıb.

Başqa məqalələr...