Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2751
	Dünən	3255
	Bu həftə	6006
	Bu ay	72411
	Bu günə qədər	9733776

Bizi Paylaşın

Video Xəbərlər

Təqvim

Dalga TeleviziyasA�

Ərdoğan Ollandla görüşdü

05.09.13 23:17 |

alt Sankt-Peterburqun Konstantin sarayında keçirilən G20 zirvə görüşünün açılışdan əvvəl Rəcəb Tayyib Ərdoğan və Fransua Ollandla bir araya gəlib.
Hər iki lider sammitdə müzakirəsi gözlənilən Suriya məsələsi barədə fikir mübadiləsi aparıblar. Görüş haqqında ətraflı məlumat verilməsə də, müzakirədən sonra mətbuataaçıqlamasında Baş nazir Ərdoğan Suriya mövzusunda beynəlxalq ictimayyətin məsuliyyətini ifadə edib.
Qeyd edək ki, G20 zirvə görüşündə qlobal iqtisadiyyat və bunun geniş miqyas almasının müzakirəsi nəzərdə tutulsa da, Yaxın Şərq böhranı gündəmə çıxıb. Hətta analitiklər Putinin ABŞ-ın Birləşmiş Millətlər Təşkilatının razılığı olmadan Suriyanı vuracağı halda belə bu ölkəyə silah yardımı edəcəyini bildirirlər. G20 zirvə toplantısınin yaxın tarixin ən gərgin görüşü olacağı da analitiklərin verdikləri şərhlərdə öz əksini tapır.

Ermənistanın Gömrük İttifaqına qoşulmasına Bakıdan etiraz

27.12.13 21:11 |

alt

Ermənistan silahlı qüvvələrini işğal etdiyi Azərbaycan torpaqlarından çıxarmayınca və ölkəmizin ərazi bütövlüyü bərpa olunmayınca, bu dövlətin Gömrük İttifaqına daxil olmasına Azərbaycan rəsmi şəkildə etiraz edir. Bunu Trend-ə açıqlamasında Azərbaycan Respublikası Prezidenti Administrasiyasının İctimai-siyasi məsələlər şöbəsinin müdiri Əli Həsənov bildirib.

Şöbə müdirinin fikrinə görə, Ermənistanın Dağlıq Qarabağı və ətraf yeddi rayonu zəbt edən bir işğalçı dövlət qismində hansısa ittifaqa və yaxud birliyə daxil olması beynəlxalq hüququn prinsiplərinə ziddir:

"Hamıya məlumdur ki, BMT-nin, ATƏT-in və digər nüfuzlu beynəlxalq təşkilatların müvafiq qətnamə və qərarlarında Ermənistanın Azərbaycan torpaqlarını işğal etməsi faktı təsbit olunub və birmənalı şəkildə işğalçı dövlətin zəbt etdiyi əraziləri boşaltmaq tələbi ortaya qoyulub. Buna görə də Ermənistanın Gömrük İttifaqına və yaxud digər bu tipli qurumlara daxil olması yalnız işğal altında olan torpaqlar azad edildikdən sonra baş verə bilər".

Əks təqdirdə, şöbə müdirinin fikrinə görə, Ermənistanın ərazi və sərhədləri hansısa ittifaqa daxil olma məqamında Azərbaycanın pozulmuş ərazi bütövlüyü hesabına beynəlxalq yurisdiksiyalarla ziddiyyət təşkil edir:

"Bu dövlət ya rəsmi şəkildə işğal olunmuş ərazilərə iddialı olduğunu etiraf etməli, daxil olduğu qurumlar isə bunu qəbul etməlidir, ya da ki, həmin torpaqları geri qaytarmalı və BMT çərçivəsində təsdiq olunmuş əraziləri ilə yeni ittifaqlara üzv olmalıdır".

Əsədin keçmiş müdafiə naziri Türkiyəyə qaçdı

05.09.13 18:48 |

alt

Suriyanın keçmiş müdafiə naziri general Əli Həbib Türkiyəyə sığınıb.

Bu barədə Türkiyə mətbuatı müxalif qaynaqlarına istinadən yayıb.

Keçmiş müdafiə nazirinin bu hərəkəti Suriyaya gözlənilən hərbi müdaxilə ilə əlaqələndirilir.

Bu xəbər təsdiqini tapacağı təqdirdə Həbib Əsəd rejimindən qaçan ən yüksək rütbəli şiə olacaq.

Əsəd rejiminə qarşı silahlı mübarizə aparanları öldürməkdən imtina etdiyinə görə ev dustağı edilən Həbibin Türkiyəyə qərb dövlətlərindən birinin köməyi ilə gəldiyi bildirilir.

Saakaşvili müsəlmanlara dəstək oldu

27.08.13 17:49 |

alt

Gürcüstan Prezidenti ölkə müsəlmanlarını dəstəkləyib.

Çərşənbə axşamı Batumidə jurnalistlərə açıqlamasında Mixail Saakaşvili bildirib ki, o, Adiqensk rayonunun Çela kəndində (Gürcüstanın cənubu, Samsxe-Cavaxetiya) minarənin sökülməsindən hiddətləndiyini bildirib.

"Gürcüstanda yüz minlərlə müsəlman, xaricdə isə milyonlarla müsəlman-gürcü yaşayır. Ona görə də onların dini hislərini təhqir etmək olmaz, bu yolverilməzdir və bunu edənlər qanun qarşısında cavab verməlidirlər",-deyə Saakaşvili bildirib.

Saakaşvili, həmçinin minarənin sökülməsinə razılıq verməyən Adiqensk rayonun həbs olunmasına öz etirazını bildirib.

Gürcüstanın bir sıra şəhərlərində minarənin sökülməsi ilə əlaqədar etiraz aksiyaları keçirilib. Aksiyanın keçirildiyi Çela kəndində 11 nəfər həbs edilib.

Zahid Oruc: “ATƏT-in Varşava Bürosu casus yuvasıdır”

27.12.13 21:08 |

alt

Milli Məclisin plenar iclasında Azərbaycanın ATƏT-in Varşava Bürosu ilə əməkdaşlığından imtina edilməsi təklifi irəli sürülüb.

Deputat Zahid Oruc çıxışında Azərbaycanı ATƏT-in Varşava Bürosu ilə əməkdaşlıqdan imtina etməyə çağırıb.

Zahid Oruc ATƏT-in Varşava Bürosu prezident seçkiləri ilə bağlı yekun rəyi qərəzli adlandırıb: “ATƏT-in Varşava Bürosu casus yuvasıdır. ATƏT Minsk Qrupu nədirsə, Varşava Bürosu da odur. 220 nəfərin mövqeyi bütövlükdə seçkiləri izləyən müşahidəçilərin mövqeyi deyil. Varşava Bürosu Azərbaycanda özünə QHT-lərdən ibarət casus şəbəkəsi yaradıb və onlar vasitəsi ilə informasiya əldə edir”.

Z. Oruc bu təşkilatın prezident seçkiləri ilə bağlı yekun rəyini Azərbaycana təzyiq kimi dəyərləndirib: “Bu təşkilatla əməkdaşlıqdan imtina edilməlidir”.

Başqa məqalələr...