Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	277
	Dünən	4244
	Bu həftə	8787
	Bu ay	50231
	Bu günə qədər	9711596

Bizi Paylaşın

Video Xəbərlər

Təqvim

Dalga TeleviziyasA�

YAP-çı deputat Milli Şuranın mitinqini ələ saldı

28.09.13 21:01 |

alt “Milli Şurada birləşən müxalifətin prezidentliyə namizədi Cəmil Həsənlinin bu gün keçirdiyi mitinq-görüşü bundan əvvəlkindən də biabırçı formada oldu”. Bunu Yeni Azərbaycan Partiyasının (YAP) icra katibinin müavini, deputat Siyavuş Novruzov mitinqə münasibət bildirərkən deyib.

S. Novruzov qeyd edib ki, mitinq uğursuz alınıb: “Demək olar ki, keçən dəfəki mitinqdən iki dəfə az insan toplaşmışdı. Bundan başqa mitinq həm sönük, həm çıxışların hər biri bayağı idi. İsa Qəmbər çıxış edəndə isə insanların bir hissəsi meydanı tərk elədi. Eyni zamanda Milli Şurada olanların bir-birinə qarşı olan hikkələri, nifrəti də burada özünü göstərdi. Ümumilikdə onu demək olar ki, növbəti mitinq eləsələr, ora adam gəlməyəcək. Beş-üç nəfər həvəskar cavandan başqa orada adam görmək olmur. Sosial bazaları necə də tükənib! Mitinqdə o qədər təşkilat adı hallandırdılar ki, o təşkilatların adı orada yığışanların sayından çox idi. Adların çəkdiyi təşkilatların hərəsindən bir nəfər gəlsəydi, min-min beş yüz nəfər yığışmış olardı. Amma o da yox idi”.

YAP rəsmisi müxalifətin mitinqlərinin belə olmasının maneələrlə deyil, sosial bazalarının olmaması ilə izah edib: “Bu günə qədər bunlar cəmi bir dəfə Ağstafada görüş keçirmək istəyiblər, onda da Eldar Namazov gedib qəbiristanlıqda qohum-əqrabasını ziyarət edib, qayıdanda da restoranda yeyib-içib Bakıya dönüb. Burada keçirdikləri iki mitinqin də getdikcə birinin əvvəlkindən uğursuz alınması göstərdi ki, əvvəldən onsuzda sosial bazası olmayan bunların aldadıb yoldan çıxartdıqları beş-on adam da gördülər ki, bunlardan heç nə çıxmır. Ortada olan qohum - əqrəbaları, partiya işçiləri, qəzetlərinin nümayəndələrini bura yığıblar”.

İlham Rəhimova yeni vəzifə verildi

28.09.13 21:00 |

alt Sentyabrın 27-də Azərbaycan Respublikasının Prezidenti yanında Ali Attestasiya Komissiyasının (AAK) növbəti iclası olub. Musavat.com-un verdiyi xəbərə görə, AAK-nın Rəyasət Heyətinin iclasında komissiyada fəaliyyət göstərən Ekspert Şuralarının strukturuna və onların tərkibinə baxılıb.

Hüquq və İqtisadiyyat məsələləri üzrə Ekspert Şurası ləğv olunub. Hüquq məsələləri üzrə Ekspert Şurası müstəqil status alıb.

Tanınmış hüquqşünas alim, hüquq elmləri doktoru, Beynəlxalq Hüquqşünaslar İttifaqının vitse-prezidenti, professor İlham Rəhimov AAK-ın Hüquq məsələləri üzrə Ekspert Şurasının sədri təyin olunub. Ekspert Şurasının yeni tərkibi təsdiq olunub.

Xəbəri dəqiqləşdirmək üçün İlham Rəhimovun özü ilə əlaqə saxlamaq istəsək də öyrəndik ki, professor hazırda Azərbaycanda deyil.

Gürcüstan XİN sabiq rəhbəri Qriqol Vaşadze: “Avrasiya Birliyi postsovet məkanına böyük təhlükə yaradır”

27.09.13 19:45 |

“Prezident öz çıxışıyla dünyaya bir daha göstərdi ki, o, hansı miqyasda dövlət xadimidir”. APA-nın Gürcüstan bürosunun məlumatına görə, bu barədə Gürcüstanın sabiq xarici işlər naziri Qriqol Vaşadze Mixail Saakaşvilinin BMT-nin Baş Assambleyasının 68-ci sessiysındakı çıxışını şərh edərkən bildirib.

“10-11 ildir ki, mən bir vətəndaş və bir diplomat kimi prezidentin çıxışlarını dinləyirəm. Bu çıxış forma və məzmununa görə ən yaxşı çıxışdır. Prezident çıxışın gedişi zamanı nəinki Gürcüstan ictimaiyyətinə, həm də dünyanın qalan hissəsinə hansı miqyasda dövlət xadimi olduğunu bir daha göstərdi”, deyə Vaşadze bildirib.

Onun sözlərinə görə, prezident çıxışında beynəlxalq aləmin bildiyi lakin siyasi korrektəyə görə bu barədə danışmağa cəsarət etmədiyi həqiqətləri açıqlayıb.

"Prezident Rusiya və Rusiya layihələrinin yaratdığı təhlükəyə beynəlxalq ictimaiyyətin diqqətini cəlb etdi və hər kəs cənab Putinin əhval-ruhiyyəsinin və yaxud, vərdişlərinin dəyişəcəyi barədə fikirləşirsə, çox səhv edir. Putin dünyanın qalan hissəsinə nə vəd edirsə, nəsə edir, ya da çox çalışır ki, nəsə etsin. Buna görə də Avrasiya Birliyi bu gün Gürcüstana, xüsusilə də bütün postsovet məkanına böyük təhlükə yaradır”, deyə Gürcüstan Xarici İşlər Nazirliyinin sabiq rəhbəri bildirib.

Nazir Vendi Shermanla görüşdü

28.09.13 17:02 |

alt

Xarici işlər naziri Elmar Məmmədyarov ABŞ Dövlət katibinin siyasi məsələlər üzrə müavini Vendi Sherman ilə görüşüb.

Xarici İşlər Nazirliyinin (XİN) mətbuat xidmətindən verilən məlumata görə, görüş Elmar Məmmədyarovun BMT Baş Assambleyasının 68-ci sessiyasında iştirakı ilə bağlı Nyu-Yorka səfəri çərçivəsində baş tutub.

Görüş əsnasında Azərbaycan ilə ABŞ arasında ikitərəfli əlaqələrin inkişafı, Ermənistan-Azərbaycan münaqişəsinin həlli və BMT Təhlükəsizlik Şurasının gündəliyində duran Suriyada kimyəvi silahlardan istifadə edilməsi ilə əlaqədar vəziyyət kimi məsələlər müzakirə edilib.

İlham Əliyev yenidən jurnalistlərin dostu seçildi

27.09.13 19:38 |

alt

«RUH» Azərbaycan Jurnalistləri Müdafiə Komitəsi «Jurnalistlərin dostu» mükafatı laureatının kimliyini müəyyənləşdirmək üçün keçirdiyi sorğunu yekunlaşdırıb.

Sorğu qəzetlər, informasiya agentlikləri, jurnallar, jurnalist təşkilatları və internet media resursları arasında keçirilib.

Ümumilikdə 100 respondent media qurumunu əhatə edən sorğuda rəyi soruşulanlara bir sual ünvanlanıb: «Hansı ictimai-siyasi xadimi, vəzifəli şəxsi jurnalistlərin dostu hesab edirsiniz?».

Sorğu anketinə üç şəxsin adını yazmaq imkanı olub. Rəyi soruşulanların yalnız 20 faizi sualı cavablandırarkən birdən artıq şəxsin adını qeyd edib. Sorğuda iştirak edənlərin böyük əksəriyyətinin fikrincə, jurnalistlərin dostu ölkə prezidenti İlham Əliyevdir. Sorğu anketlərində dövlət başçısına verilən səslər ümumi səslərin 89 faizini təşkil edib.

Qeyd edək ki, «RUH» AJMK-nın «Jurnalistlərin dostu» mükafatının təsis olunmasında məqsəd cəmiyyətdə söz və mətbuat azadlığı prinsiplərini təbliğ və inkişaf etdirmək, media ilə dövlət qurumlarının, idarə, müəssisə və təşkilatların, ictimai birliklərin və siyasi partiyaların əlaqələrinin möhkəmləndirilməsinə kömək göstərmək, kütləvi informasiya vasitələrinə qayğı ənənələrini stimullaşdırmaqdır. Azərbaycan vətəndaşı olan, ölkədə kütləvi informasiya vasitələrinin inkişafında müstəsna xidmətləri ilə seçilən ictimai-siyasi xadimlər, vəzifəli şəxslər mükafatın laureatı ola bilərlər.

Başqa məqalələr...