Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3289
	Dünən	3331
	Bu həftə	9839
	Bu ay	25558
	Bu günə qədər	9686923

Bizi Paylaşın

Video Xəbərlər

Təqvim

Dalga TeleviziyasA�

UEFA erməni təxribatına qarşı hərəkətə keçdi

28.08.13 14:50 |

alt Azərbaycanın “Qarabağ” və Almaniyanın “Ayntraxt” klubları arasındakı qarşılaşmada ermənilərin törədəcəyi təxribatla bağlı UEFA tədbirlər görməyə başlayıb.

Bu barədə “Qarabağ” futbol klubunun mətbuat xidmətinin rəhbəri Nurlan İbrahimov məlumat verib.
Hazırda Frankfurta yola düşən komanda axşam rəsmi görüşdə məsələni yenidən müzakirə edəcək. Klub rəsmisinin sözlərinə görə, məsələ ilə bağlı xəbərdarlıq olunub.

“Axşam iclasda yenidən bu barədə müzakirələr aparacağıq. Bundan başqa “Ayntraxt”ın prezidenti Bakıya gəldiyi zaman Qarabağın işğal olunduğunu müsahibəsində də bildirmişdi. Bunun özü bir daha sübut edir ki, məsələ haqqında onlar yetərincə məlumatlıdırlar”.

Nurlan İbrahimov onu da bildirib ki, UEFA problemlə bağlı məlumatlandırılıb və təxribatın qarşısını almaq üçün bütün tamaşaçılar yoxlanılaraq stadiona buraxılacaqlar.

Səfir Şahin Abdullayev: “Misirdə vəziyyət yenidən gərginləşsə, qalan vətəndaşlarımızın da təxliyəsi üçün addımlar atılacaq”

27.08.13 18:41 |

“Misirdə hələlik nisbi sabitlikdir, amma demək olmaz ki, ölkədə tam siyasi stabillik əldə olunub”. Bu barədə APA-ya açıqlamasında Azərbaycanın Misirdəki səfiri Şahin Abdullayev bildirib.

Azərbaycan vətəndaşların ölkəni tərk etməsi ilə bağlı müraciət etməsi barədə danışan Ş. Abdulayev xatırladıb ki, soydaşlarımızın çoxu artıq təxliyə olunub, lakin onların hələlik bir qismi Misirdə qalır: “O vətəndaşlarımız da buranı tərk etməyə çalışırlar. Elələri var, bu gün bir söz deyir, sabah fikrini dəyişir. Əfsuslar olsun, belə insanlar da var. Təyyarə gələndə hamıya demişdik, dəvət etmişdik. Bir qismi təhlükəni dərk edib, vətənə qayıdıb, bəziləri də müəyyən səbəblərə görə qalıb. Hər halda biz hər kəsi həvəsləndiririk ki, Azərbaycana qayıtsınlar. İndi konkret təhlükə olmasa da, vəziyyəti nəzarətdə saxlayırıq. Ölkədə vəziyyət yenə gərginləşsə, müəyyən addımlar atılacaq”.

İbrahimbəyovun namizədliyi təsdiq edilmədi - MSK-nın qərarı

27.08.13 18:18 |

alt

MSK katibi Arifə Muxtarova bildirib ki, Rusiya Federasiyasının Azərbaycandakı səfiri, cənab Vladimir Daroxin MSK-nın sorğusuna cavab olaraq, qeyd edib ki, R. İbrahimbəyov 28 noyabr 1991-ci il tarixdən Rusiyanın vətəndaşıdır.

MSK katibi Arifə Muxtarova bildirib ki, Rüstəm Məmmədibrahim oğlu İbrahimbəyovun namizədliyinin qeydə alınması ilə bağlı MSK-ya daxil olan sənədləri araşdırılıb və hüquqi əsasların olmadığı müəyyən edilib: “Bu qərarın verilməsində Rusiya qarşısında vətəndaşlığı və öhdəliyinin olması əsas götürülməlidir”.

İclasda Azərbaycan və Rusiyanın müvafiq qurumlarına ünvanlanan sorğular barədə də məlumat verilib.

Rüstəm İbrahimbəyovun 74 il ərzində yalnız 1163 gün Azərbaycanda yaşadığı da açıqlanıb.

MSK bütün bunları əsas gətirərək, açıq səsvermə yolu ilə R. İbrahimbəyovun namizədliyinin təsdiq olunmaması haqda qərar verib.

Gürcüstan əhalisinin yalnız 35% Bidzina İvanişvilinin fəaliyyətini bəyənir

27.08.13 18:22 |

“Gürcü arzusu” koalisiyasının sifarişi ilə keçirilən sosioloji araşdırmanın nəticələri açıqlanıb. Rəyi soruşulanların 35% Gürcüstanın baş naziri Bidzina İvanişvilinin fəaliyyətini bəyəndiyini bildirib.

İvanişvili hökumətinin buraxdığı səhvlərə gəlincə, respondentlərin 12,6% hesab edir ki, hökumət yanlış addımlar atmayıb. 8,9% hökumətin səhvi kimi yalançı vədləri, 8,7% isə əfv qərarını göstərib.

Sorğu avqustun 1-dən 8-dək keçirilib.

İlham Əliyevin vəkilləri bəlli oldu- Açıqlama

27.08.13 17:47 |

alt

Yeni Azərbaycan Partiyasının (YAP) prezidentliyə namizədi, hazırki dövlət başçısı İlham Əliyevin seçki şüarları tam hazırdır.

Bunu açıqlamasında hakim partiyanın icra katibinin müavini, millət vəkili Siyavuş Novruzov bildirib.

Hazırda seçkiyə hazırlığın davam etdiyini bildirən YAP rəsmisinin sözlərinə görə, namizədin vəkilləri də artıq müəyyən edilib.

S.Novruzov həmçinin bildirib ki, sentyabrın 16-da İ.Əliyevin seçki platforması cəmiyyətə təqdim olunacaq.

Qeyd edək ki, Yeni Azərbaycan Partiyası tərəfindən irəli sürülən İlham Heydər oğlu Əliyevin prezidentliyə namizədliyi MSK tərəfindən qeydə alınıb.

Başqa məqalələr...