Mehmet Emin Kardeş: “Yüz illərdir kürdlər haqq mübarizəsi aparır..."

Türkiyə Cümhüriyyətində olk dəfə "Kürdüstan" adı siyasi partiya quruldu. Hökümət Kürt reformunu müzakirə edərkən “Kürdistan” partiyasının qurulduğunu elan edib.

Kürdüstan Demokrat Partiyası -Türkiyə (kürdcə: Partiya Demokrata Kürdistan-Türkiye) adlı partiyanın qurucu başqanı Mehmet Emin Kardeş partiyanın təsis olunması haqda sənədləri, digər 35 qurucu ilə birlikdə Daxili İşlər Nazirliyinə təqdim edib. 

M. E. Kardeş partiyanın proqramının açıq, şəffaf və leqal olduğunu və demokratik yolla mübarizə aparacaqlarını söyləyib: “Yüz illərdir kürdlər haqq mübarizəsi aparır. İlk dəfə Kürdüstan adı ilə partiya qurduq. Biz bunu qanuni haqqımız olaraq görürük”.

PDK-T Partiyasının logosu yaşıl, sarı və qırmızı rənglərdən ibarətdir. Logoda yaşıl qarlı dağlar arxasında sarı günəş təsvir edilib. Arxa fonda isə "Partiya Demokrata Kürdüstan Türkiyə" yazılıb..