Atəşkəs müddətinin sona çatmasına bir neçə saat qalmış İsrail ordusu Fələstin ərazisindən endirilən zərbələrə cavab olaraq Qəzza zolağını raket atəşinə tutub.

Dalgatv  APA-ya istinadən xəbər verir ki, İsrail ordusunun mətbuat xidmətinin bəyanatına əsasən, İsrail müdafiə ordusu “Qəzza zolağı boyu bütün terrorçu obyektlərinə zərbələr endirir”.

Qahirədə danışıqlarda iştirak edən Fələstin nümayəndə heyətinin nümayəndəsi bəyan edib ki, İsrail bu yolla əldə olunmuş atəşkəsin şərtlərini pozur.

Bundan əvvəl Fələstin və İsrail arasında atəşkəsin beş gün müddətinə uzadılması barədə razılaşma əldə olunduğu bildirilmişdi.

Hələ 10 və 11 yaşlarında olan iki uşağını canlı bomba kimi istifadə etmək üçün İraq Şam İslam Dövlətinə (İŞİD) təslim edən ata dünyanı dəhşətə salıb. Modern.az xarici KİV-ə istinadən xəbər verir ki, Səudiyyə Ərəbistanı hökuməti isə canlı bomba olmaq üçün verilən iki uşağı Türkiyədə axtarır.

Abdullah və Əhməd adlı iki uşağını İŞİD yaraqlılarının canlı bombası olması üçün Türkiyəyə aparan ata Avropanı ayağa qaldırıb.

Məlumatda qeyd edilir ki, Səudiyyə Ərəbistanında Naser əl-Shayeq adlı bir ata həyat yoldaşına “uşaqlarımla tətilə çıxıram” deyərək onları Türkiyəyə aparıb və şəhid olması üçün İraq Şam İslam Dövləti (IŞİD) xadimlərinə təslim edib.

Avropa mətbuatının geniş yer verdiyi xəbərdə, ananın bu vəziyyətdən həyat yoldaşının Türkiyədə İnstagram hesabından uşaqlarının fotoşəkillərini yaymasından sonra xəbərdar olduğu açıqlanıb.

İnstagram-da “Uşaqlarım Allah yolunda şəhid olmaq üçün yola çıxdı” mesajı yazan ata Naser əl-Shayeqin məqsədinin uşaqlarından canlı bomba kimi istifadə olduğunu qeyd edib.

Səudiyyə Ərəbistanı hökumətinin şəxsən bu hadisəyə əl qoyduğu xatırladılan məlumatda səlahiyyətlilərin Türkiyə hökuməti ilə təmasa keçdiyi və uşaqların tapılması üçün kömək istədiyi bildirilir.

Qafqaz Müsəlmanları İdarəsinin sədri Şeyxülislam Allahşükür Paşazadə Türkiyə Cümhuriyyətinin Prezidenti seçilmiş Rəcəb Tayyib Ərdoğana təbrik məktubu ünvanlayıb. Bu barədə Trend-ə QMİ-nin mətbuat xidmətindən məlumat verilib.

A.Paşazadə təbrikdə deyir: "Türkiyə Cümhuriyyəti tarixində xalqın seçimi ilə keçirilən ilk Prezident seçkilərində inamlı və parlaq qələbə qazanmağınız münasibətilə Sizi Azərbaycan, Qafqaz müsəlmanları adından və şəxsən öz adımdan ürəkdən təbrik edirəm. Cənabınızın Türkiyə dövlətinin rifahı, türk millətinin səadəti, İslam birliyi naminə gördüyünüz bütün işlərə Allah-Təaladan xeyir-dualar diləyirik".

Təbrikda daha sonra bildirilir: "Bu qələbənin qürur və şərəfini yaşamağa tam haqqınız vardır. Sizin, xalq tərəfindən seçilmiş ilk Türkiyə Prezidenti olmanızla dövlətinizin tarixində yeni dönəmin başlanğıcı qoyuldu. Əminəm ki, Türkiyənin XII Prezidenti olaraq Türkiyə xalqının rifah və tərəqqisi, dünya miqyasında mövqelərinin güclənməsi yolunda görəcəyiniz işlər möhtəşəm olacaqdır, inşallah!

Möhtərəm və əziz qardaşım! Bu böyük uğurdur. Bu, Türkiyə Cümhuriyyəti ilə əbədi və qırılmaz tellərlə bağlı olan, "bir millət, iki dövlət" olan Azərbaycanın da uğurudur. Zatən, sevincimiz bir, kədərimiz birdir. Qoy Uca Allah Türkiyə -Azərbaycan qardaşlığını daimi qərar versin, Uca Nəzərini dövlətlərimiz, xalqlarımız və dövlət başçılarımızın üzərindən əsirgəməsin!

Ümidvarıq ki, Zati-aliləriniz ənənəyə sadiq qalaraq, bu seçkilərdən sonra da ilk olaraq Azərbaycana təşrif buyuracaqsınız. Qardaş Azərbaycanda cənabınızı şəxsən ziyarət etmək şərəfinə nail olarıq, inşallah!

Bir daha bütün Azərbaycan müsəlmanları adından Sizi ürəkdən təbrik edir, Uca Yaradandan cənabınıza can sağlığı, uzun ömür və Türkiyə dövlətinin qüdrəti, türk-İslam dünyasının yüksəlişi naminə möhtəşəm fəaliyyətinizə yeni uğurlar diləyirəm!"

İraqda siyasi vəziyyət gərginləşib.

Dalgatv  Anspress-ə istinadən xəbər verir ki, ölkənin baş naziri Nuri əl-Maliki vəzifəsindən kənarlaşdırılıb. Onun əvəzinə isə, Milli İttifaq partiyasından Heydər əl-Əbədi bu vəzifəyə təyin olunub. İraq rəhbəriyi ölkədə yeni hökumətin qurulması üçün Heydər əl-Əbədiyə tapşırıqlar verib.

Norveç Rusiyaya qarşı Avropa Birliyinin sanksiyalarına qoşulacaq.
ANS PRESS-in məlumatına görə, Norveç höküməti Rusiya iqtisadiyyatı barəsində Avropa İttifaqının sanksiyalarına qoşulmağa qərar verib.
Bu haqda Norveçin Xarici İşlər Nazirliyi sərəncam imzalayıb. 6 avqustda Rusiya prezidenti Vladimir Putin Rusiya barəsində sanksiyalar qəbul edən ölkələrdən Rusiyaya xammalı, kənd təsərrüfatı məhsulunu və ərzağı idxal etməyi qadağan edib.
7 avqustda isə Rusiya Nazirlər Kabineti Avstraliyadan, Kanadadan, Avropa Birliyindən, ABŞ-dan və Norveçdən ətin, quşun, balığın, pendirlərin, südün və meyvə-tərəvəz məhsulunun çatdırılmalarına qadağa qoyub. 
Avropa komissiyasının sədri Joze Manuel Barrozu Vladimir Putinə bu məsələ ilə bağlı Avropa İttifaqının cavab addımının olacağını bildirib.

Türkiyə prezidenti Abdulla Gül səlahiyyət müddətinin başa çatacağı 28 avqust tarixindən sonra hansı addımı atacağını açıqlayıb.

Dalgatv-nin  APA-ya istinadən verdiyi məlumata görə, A. Gül jurnalistlərə açıqlamasında Ədalət və İnkişaf Partiyasının (AKP) sıralarına dönəcəyini bəyan edib.

A. Gül AKP-nin qurucusu olduğunu xatırladıb: “Bu partiyanın qurucusu, partiyadan seçilən ilk baş nazir və ilk prezidentəm. Partiyaya qayıtmağım çox təbiidir. Prezidentlik müddətim yekunlaşdıqdan sonra şübhəsiz ki, partiyama dönəcəyəm. İnanıram ki, Türkiyə güclənərək yoluna davam edəcək”.

A. Gül bu açıqlaması ilə AKP-nin lideri və baş nazir vəzifəsinə iddiasını ilk dəfə açıq şəkildə ortaya qoymuş olub.

Xatırladaq ki, avqustun 10-da keçirilən prezident seçkilərində baş nazir Rəcəb Tayyib Ərdoğan qalib gəlib. Ölkə Konstitusiyasına əsasən prezident partiya üzvü ola bilməz. Bu səbəblə R. T. Ərdoğan prezident səlahiyyətlərini icra etməyə başladıqdan sonra AKP özünə yeni lider seçməli olacaq.