İranın Xorasan-Rəzəvi əyalətinin Sefidsəng (“Ağdaş”) bölgəsində baş verən zəlzələ nəticəsində 1 nəfər ölüb, 4 nəfər yaralanıb.

Dalga tv-nin məlumatına əsasən, bu barədə “Report” İran KİV-inə istinadən xəbər verir.

Məlumata əsasən, İranın Qızıl Aypara Cəmiyyəti Cənubi, Şimali və Xorasan-Rəzəvi əyalətlərindəki bütün xəstəxanalar hadisə ilə bağlı hazırlıq işləri görülüb. 

Məlumata görə, təbii fəlakət nəticəsində 4 kənddə dağıntı olub. 

Həştərxanda yol qəzasını qeydiyyata almağa gələn iki polis naməlum şəxslər tərəfindən güllələnib. 

Dalga tv  xəbər verir ki, bu barədə RİA Novosti-yə Rusya DİN-in region üzrə idarəsindən bildirilib. 

“Aprel ayının 4-də Dövlət Avtomobil Müfəttişliyinə Həştərxanın Lenin rayonunda “QAZel” və “Nissan March” avtomobillərinin toqquşmasına dair məlumat daxil olub. Qəza yerinə patrul göndərilib. İlkin məlumata görə, qəzanı qeydiyyata alan inspektorlar qəzanı törədənlər tərəfindən hücuma məruz qalıblar. 

Cinayətkarlar asayiş keşikçilərinə atəş açıblar və hadisə yerindən qaçıblar. Aldığı yaralardan polis əməkdaşları hadisə yerində təcili yardım briqadası gələnə qədər keçiniblər”, - məlumatda deyilir.

Şübhəlilərin axtarışı üçün “Sirena” planı həyata keçirilib. Qeyd edilir ki, şübhəlilər “QAZel”də hərəkət edirlər. 

Hadisə yerində əməliyyat qrupu işləyir. 

Həştərxanda iki polis əməkdaşını radikal islamçı vəhabilər qətlə yetiriblər. Bu barədə Həştərxan vilayətinin qubernatoru Aleksandr Jilkin terror əleyhinə komissiyanın təcili iclasında deyib.  

Sankt-Peterburq metrosunda baş vermiş partlayış nəticəsində ölən 14 nəfərdən 10-nun kimliyi müəyyən edilib.

Dalga tv-nin xəbərinə görə, onların adları çərşənbə axşamı, aprelin 4-də, Rusiya İstintaq Komitəsinin rəsmi saytında yerləşdirilib.

1) Əliyeva Dinara Səməndərovna, 08.10.1996

2) Arışev Maksim Vitalyeviç, 18.08.1996

3) Malyukova Kseniya Sergeyevna, 11.09.1998

4) Medyançeva İrina Kuzminiçna, 06.05.1966

5) Svistunova Angelina Sergeyevna, 17.02.1990

6) Nalimov Yuriy Pavloviç, 07.06.1945

7) Danilenko Oksana Qennadiyevna, 03.10.1991

8) Şekina Larisa Qriqoryevna, 02.06.1950

9) Petrov Denis Romanoviç, 27.12.1991

10) Saqadeyev Mansur Tixiroviç, 27.08.2000  və ya 27.03.2000

Partlayış zamanı ölən daha dörd nəfərin kimliyini müəyyən etmək mümkün olmayıb. Onların şəxsiyyətlərinin identifikasiyası üçün genetik ekspertiza təyin edilib.

Qeyd edək k, aprelin 3-də Sankt-Peterburq metrosunun “Texnologiçeskiy institut” və “Sennaya ploşad” stansiyaları arasında baş verən partlayış zamanı ölən və yaralananlar arasında azərbaycanlılar da var.

KİV-in məlumatına görə, terror aktında 1995-ci ildə Qırğız Respublikasında anadan olmuş Ekebrcan Celilov şübhəli bilinir. 

“Sarpi” sərhəd keçid məntəqəsində (Gürcüstan-Türkiyə sərhədi) Azərbaycan vətəndaşı saxlanılıb.

APA-nın Gürcüstan bürosunun məlumatına görə, həmin şəxs gürcü gömrükçüləri tərəfindən tutulub.

Onun üzərinə baxış zamanı gömrük bəyannaməsində qeyd olunmamış ümumi çəkisi 75,72 qram qızıl zinət-zərgərlik məmulatları aşkarlanıb. Aşkar edilən qızıl məmulatlarının gömrük qiyməti 4310 lari dəyərində qiymətləndirilib.

Azərbaycan vətəndaşına həmin məbləğdə cərimə yazılıb. 

İŞİD terror qruplaşmasının üzvləri İraqın Mosul şəhərində 30-dan çox sakini edam ediblər. APA-nın “RİA Novosti”yə istinadən verdiyi xəbərə görə, terrorçular sakinləri nəzarətdə saxladıqları əraziləri tərk etmək cəhdində ittiham ediblər.  

Məlumata görə, edam olunanların hamısı kişidir.

Şahidlərin sözlərinə görə, terrorçular sakinləri qorxutmaq məqsədi ilə öldürülən şəxslərin meyitlərini küçələrə atıblar.  

Rusiyanın İstintaq Komitəsi aprelin 3-də Sankt-Peterburqda metroda terror aktını 1995-ci ildəQırğız Respublikasında anadan olan Ekbercan Celilovun törətdiyini təsdiqləyib.

"Report” Rusiya KİV-inə istinadən xəbər verir ki, bu haqda İstitaq Komitəsi məlumat yayıb.

Komitədən bildirilib ki,kriminalist-ekspertlər terror aktını törədən şəxin kimliyini"Ploşad Vosstaniya” metro stansiyasında tapılan və içinəbomba qoyulmuş çantadakı genetik izə əsasən müəyyənləşdiriblər.