Ermənistan Silahlı Qüvvələri tərəfindən işğal olunmuş Azərbaycan ərazilərində keçirilən hərbi təlimlərdə ötən gün yenidən hərbi helikopterlər havaya qaldırılıb. GSR.fm-in APA-ya istinadən verdiyi xəbərə görə, Ermənistan mediası Ağdam rayonunun işğal olunmuş ərazilərində prezident Serj Sərkisyanın da izlədiyi təlimdə Mi-24 döyüş helikopterlərinin uçuşu və raket atışlarının foto və videolarını nümayiş etdirib Təlimdən yayımlanan fotolarda erməni əsgərlərinin «İqla» portativ zenit-raket sistemindən də atışlar həyata keçirdiyi nümayiş olunub Qeyd edək ki, ermənilərin açıqladığı rəsmi məlumata görə, Qarabağda keçirilən «Birlik-2014» adlı təlimə 2100 artilleriya sistemi, 850 zirehli texnika, 450 ədəd hava hücumundan müdafiə vasitəsi, 1600 tank əleyhinə vasitə, 260 xüsusi texnika və 4200 avtomobil texnikası cəlb olunub. Təlimlər noyabrın 15-də başa çatacaq Noyabrın 12-də Ağdam ərazisində keçirilən təlim zamanı Azərbaycan Ordusunun mövqelərinə hücum edən Ermənistan HHQ-nin bir ədəd Mi-24 döyüş helikopteri Azərbaycan hərbçiləri tərəfindən məhv edilib.

“Xalq şairi, Aşıqlar Birliyinin sədri Zəlimxan Yaqubun səhhəti yaxşıdır”.

Dalgatv  xəbər verir ki, bu barədə aznews.az-a xalq şairinin həyat yoldaşı məlumat verib.

O bildirib ki, Zəlimxan Yaqub yenidən müayinə olunmaq üçün noyabrın sonu, dekabrın əvvəlində Almaniyaya yollanacaq.

“Şairin Almaniyada əməliyyat olunması gözlənilirmi?” sualına həyat yoldaşı belə cavab verib: “Yox, əməliyyat olunmayacaq”.

Qeyd edək ki, xalq şairi Z.Yaqub böyrək xəstəliyindən əziyyət çəkir.