Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2620
	Dünən	3255
	Bu həftə	5875
	Bu ay	72280
	Bu günə qədər	9733645

Bizi Paylaşın

Video Xəbərlər

Təqvim

Dalga TeleviziyasA�

ARDNŞ-in Gürcüstan nümayəndəliyinin Tbilisidəki ofisində azərbaycanlı tələbələrlə görüş keçirilmişdir

ოთხშაბათი, 19 თებერვალი 2014 11:48 |

alt Azərbaycan Respublikası Dövlət Neft Şirkətinin Gürcüstan nümayəndəliyinin Tbilisi şəhərindəki mərkəzi ofisində bu ölkənin ali məktəblərində təhsil alan azərbaycanlı tələbələrlə görüş keçirilmişdir.
ARDNŞ-in Gürcüstan nümayəndəliyinin rəhbəri Mahir Məmmədov xarici ölkələrdə yaşayan soydaşlara qayğı və diqqət yönümündə əsası Ulu Öndər tərəfindən qoyulmuş siyasi kursun Azərbaycan Respublikasının prezidenti İlham Əliyev tərəfindən uğurla davam etdirildiyini, Heydər Əliyev adına Fondun həyata keçirdiyi böyük sosial layihələrin səmərə verdiyini vurğulamışdır. O bu görüşün məhz azərbaycanlı gənclərin qonşu Gürcüstanda lazımi səviyyədə təhsil almaları, gələcəkdə tələbələrin təqaüdlə təmin olunmaları üçün monitorinq qrupun yaradılması və s. məsələlərə aydınlıq gətirilməsi məqsədi ilə təşkil olunduğunu qeyd etmişdir.
M.Məmmədov Gürcüstanın ali məktəblərində təhsil alan azərbaycanlı tələbələrin sayının ilbəil artdığını vurğulamış, SOCAR-ın onların təhsil haqlarının ödənilməsində təşəbbüsündən söhbət açmış, soydaşların gürcü ictimaiyyətinə inteqrasiyası istiqamətində qarşıya qoyulan vəzifələrin yerinə yetirilməsi üçün vacib tədbirlərin bundan sonra da həyata keçiriləcəyini qeyd etmişdir.
Tələbələrdən Ceyhun Məmmədli, Günel İskəndərova, Günay İbadova, İlqar Nəbiyev və digərləri qayğı və diqqətə görə Azərbaycan Dövlətinin başçısına minnətdarlıqlarını bildirmişlər.

Moskvada zavodda partlayış: Ölənlər var

ხუთშაბათი, 30 მარტი 2017 22:55 |

Moskvanın cənubi-şərqində qaz balonunun partlaması nəticəsində üç nəfər ölüb, bir nəfər yaralanıb.

Dalga tv bu barədə TASS-a istinadən xəbər verir.

Mənbənin sözlərinə görə, hüquq-mühafizə orqanlarından verilən məlumata görə, partlayış Ryazan prospektində yerləşən “Molniya” zavodunda baş verib.

Hadisənin təfərrüatları aydınlaşdırılır.

Gürcüstanda yeni qaz şəbəkəsi istismara verilmişdir

შაბათი, 15 თებერვალი 2014 15:18 |

alt Fevralın 14-də Gürcüstanın Kareli rayonunun Dzlevicari kəndində yeni qaz şəbəkəsi istsimara verilmişdir.
Açılış mərasimində Gürcüstanın energetika naziri Kaxi Kaladze, “SOCAR Energy Georgia” və “SOCAR Georgia Gas” şirkətlərinin rəhbərləri iştirak etmişlər. Dzlevicari kəndində 15 kilometr uzunluğunda yeraltı polietilen qaz kəməri çəkilmişdir. Şəbəkənin 330 abonentə xidmət etməsi nəzərdə tutulmuşdur.
Bununla da Kareli rayonunda 86 kilometr uzunluğunda qaz şəbəkəsinin çəkilişi tamamilə başa çatmış, 2 min 768 abonent qazla təmin olunmuşdur. Ümumilikdə, Şida Kartli diyarında çəkilmiş qaz kəmərlərinin uzunluğu isə 591 kilometrə çatdırılmışdır ki, bu da 18 min 315 abonentin qaz şəbəkəsinə qoşulmasına imkan vermişdir. Cari ilin sonuna kimi daha 127 kilometrlik qaz kəmərinin istismara verilməsi və 1500 abonentin qazla təminatı nəzərdə tutulur.
2009-cu ildən bu günədək “SOCAR Georgia Gas” şirkəti tərəfindən ölkə miqyasında 4 min kilometr qaz kəməri tikilmiş, nəticədə 188 mindən çox abonent qazla təmin olunmuşdur. İlin sonunadək 750 kilometr uzunluğunda qaz kəmərinin çəkilişi və daha 22 min abonentin təminatı nəzərdə tutulmuşdur.

Ötən il Bakı-Tbilisi-Ceyhan boru kəməri ilə 33 milyon ton xam neft ixrac olunmuşdur

კვირა, 16 თებერვალი 2014 19:31 |

alt 2013-cü ildə Bakı-Tbilisi-Ceyhan əsas ixrac neft boru kəməri (BTC) ilə 33 milyon ton (247,2 milyon barel) xam neft ixrac olunmuşdur.
“bp-Azərbaycan” şirkətindən AzərTAc-a bildirmişlər ki, kəmərin gündəlik ötürmə gücü 1,2 milyon bareldir. 2013-cü ildə BTC üzrə əsaslı işlərə 75 milyon dollar sərf edilmişdir. Bu il üçün isə həmin göstəricinin 119 milyon dollar olacağı nəzərdə tutulur.
BTC boru kəməri ilə əsasən “Azəri-Çıraq-Günəşli” yataqlar blokundan hasil olunan neft və “Şahdəniz”dən çıxarılan kondensat nəql edilir. Bundan əlavə, kəmərlə Türkmənistan nefti də ötürülür. Ötən ilin oktyabrından başlayaraq BTC ilə Tengiz neftinin nəqli bərpa edilmişdir.
Ümumiyyətlə, 2006-cı ilin iyunundan - Ceyhandan ilk tankerin yola salındığı vaxtdan 2013-cü ilin axırınadək BTC boru kəməri ilə nəql edilmiş təxminən 245,4 milyon ton xam neft Ceyhan limanında 2390 tankerə yüklənərək dünya bazarlarına göndərilmişdir.

“SOCAR Georgia Petroleum” Gürcüstanın ən böyük vergi ödəyicisidir

პარასკევი, 14 თებერვალი 2014 21:41 |

alt

Bu gün Tbilisidə 2013-cü ildə Gürcüstanın neft məhsulları sektorunda uğur qazanmış şirkətlərin mükafatlandırılma mərasimi olub.

Azərbaycan Dövlət Neft Şirkətindən verilən məlumata görə, Neft Məhsulları İdxalçıları İttifaqı tərəfindən təşkil olunmuş mərasimdə Gürcüstan hökumətinin və dövlət strukturlarının, diplomatik missiyaların, beynəlxalq və qeyri-hökumət təşkilatlarının, həmçinin ölkədə fəaliyyət göstərən xarici neft şirkətlərinin nümayəndələri iştirak ediblər. “SOCAR Energy Georgia” şirkəti ən böyük investor və ən mühüm sosial layihələrin müəllifi kimi xüsusi diplom və mükafata layiq görülüb.

“SOCAR Georgia Petroleum” şirkəti isə ölkənin ən böyük vergi ödəyicisi elan olunub. 2013-cü ildə şirkət tərəfindən Gürcüstanın dövlət büdcəsinə 129 457 626 lari (təxminən 78 459 167 ABŞ dolları) məbləğində vergi ödənilib. 2006-cı ildən bu vaxtadək şirkət Gürcüstanın dövlət büdcəsinə ümumilikdə 1 123 824 431 lari (təxminən 681 105 715 dollar) məbləğində vergi ödəyib.

Qeyd edək ki, ötən il “SOCAR Georgia Petroleum” vasitəsilə Gürcüstanda SOCAR brendi ilə 11 yeni yanacaqdoldurma məntəqəsi açılıb. Bunlardan 4-ü qazdoldurma stansiyası, 6-sı multi-funksional kompleksdir. Hazırda 9 yanacaqdoldurma məntəqəsinin tikintisi davam etdirilir. Ümumilikdə Gürcüstanda SOCAR brendi ilə 106 YDM fəaliyyət göstərir. 2013-cü ildə “SOCAR Georgia Petroleum”un xətti ilə Gürcüstan bazarına 326 297 ton neft məhsulu idxal edilib ki, bunun da 295 715 tonu Azərbaycan mənşəli neft məhsullarının payına düşür.

უფრო მეტი სტატია...