Boşanmış Rusiya prezidenti Vladimir Putin nişan üzüyü taxıb. Prezidentin üzüklü kadrlarını "LifeNews" paylaşıb.

Kadrların Misirin müdafiə naziri Abdelfəttah as-Sisi ilə görüşü zamanı çəkildiyi iddia edilib.

Maraqlısı odur ki, bir müddət sonra "LifeNews" bu fotonu silib və onun arxiv kadrı olduğunu yazıb. Lakin fotoda olan yerin interyeri və Putinin qalstuku Kremlin görüş barədə yaydığı video ilə uyğundur.

Qeyd edək ki, Vladimir Putin 2013-cü ilin iyun ayında həyat yoldaşından ayrılıb. O zamandan şəxsi həyatı barədə heç bir ictimai məlumat yayılmayıb. Maraqlısı isə odur ki, bu ərəfədə uzun müddətdir Putinlə bir yerdə olduğu iddia edilən idmançı Alina Kabayevanın da barmağında üzüklə fotosu yayılıb. (anspress)

Gürcüstanın gənclər və idman naziri Levan Kipiani ölkəsində yaşayan azərbaycanlı gənclərin problemləri və bu istiqamətdə görülməsi vacib olan işlərdən danışıb. APA-nın məlumatına görə, gürcüstanlı nazir Bakıda jurnalistlərə bildirib ki, Gürcüstanda ümumilikdə ölkə gəncliyinin bir sıra ortaq problemləri var: “Gənclər üçün iş yerlərinin az olması və təhsil başlıca problemdir. Biz bu yöndə aktiv iş aparmaq istəyirik. Məqsədimiz tələbə və məktəblilər arasında elə bir layihə icra etməkdir ki, bu, onların gələcəyinə töhfə verə bilsin”.

L. Kipiani gənclər və idman sahəsində Azərbaycanla əməkdaşlıqdan söz açıb: “Mən demişdim ki, Azərbaycan tərəfi ilə birgə layihələrimiz var. Ötən il biz gənclərə həsr olunmuş layihə hazırladıq. Bu, mədəniyyət və idman sahəsində olan geniş bir layihə idi. Bu işlərin günümüzdə də davam etdirilməsi nəzərdə tutulur. Azərbaycanlıların kompakt yaşadıqları ərazilərdə onların etnik qrup kimi deyil, heç bir fərq qoyulmadan yaşamasını təmin etmək ölkəmizin vəzifəsidir. Onların problemləri bizə bəllidir. Həmin gənclərin istəkləri idman və mədəniyyət sahəsində aktiv iştirak etməkdir. Biz azərbaycanlıların təhsil aldığı məktəblərdə bir neçə gənci iri layihələrə cəlb etmişik. Əsasən Marneulidə boks və sərbəst güləş üzrə yarışlar təşkil etdik ki, onlar burada öz məşqlərini daha rahat şəkildə həyata keçirə bilsinlər, eyni zamanda təhsil alsınlar. Ümumiyyətlə, biz bütün imkanlarımızdan istifadə edirik ki, Gürcüstan ərazisində yaşayan bütün etnik qruplar eyni şəraitdə yaşayıb, fəaliyyət göstərsinlər”.Gürcüstanın gənclər və idman naziri: "Gürcüstanda yaşayan azərbaycanlı gənclərlə bağlı birgə layihələr nəzərdə tutulur"