Oktyabrın 9-da Heydər Əliyev Fondunun vitse-prezidenti Leyla Əliyeva Bakının Nərimanov rayonunda sağlamlıq imkanları məhdud uşaqlar üçün 5 nömrəli respublika xüsusi internat məktəbində yaradılmış şəraitlə tanış olub. Dalgatv  AzərTAc-a istinadən məlumat verir ki, Heydər Əliyev Fondunun vitse-prezidenti məktəbin yeməkxanasında olub, burada şagirdlərlə birlikdə süfrə arxasında əyləşərək onlarla səmimi söhbət edib. 
Leyla Əliyevanın diqqətinə çatdırılıb ki, burada Azәrbaycanın bütün bölgәlәrindәn 6 yaşdan 20 yaşa qәdәr uşaqlar tәhsil alırlar. Bölgələrdən gələn uşaqlar mәktәbin 120 nәfәrlik yataqxanasında qalırlar. Məktəb şagirdlərin yüksək səviyyədə təhsil almaları üçün lazımi avadanlıqla təmin edilib.

1961-ci ildәn fәaliyyәt göstәrәn bu təhsil ocağı 2006-cı ildә Heydәr Әliyev Fondunun tәşәbbüsü ilә yenidәn qurulub. Məktəbdə 267 şagird tәhsil alır. Şagirdlәrdәn 145-i tamamilә görmәyәn, digərləri isə zәif görәnlәrdir.

Şagirdlərə Heydər Əliyev Fondu tərəfindən yeni kompüterlər hədiyyə olunub.

Sonra Heydər Əliyev Fondunun vitse-prezidenti Leyla Əliyeva gözdən əlil uşaqlar üçün 38 nömrəli musiqi məktəbində olub. Məlumat verilib ki, burada 204 şagird təhsil alır.

Leyla Əliyeva şagirdlərin ifalarını dinləyib.

***

Leya Əliyeva oktyabrın 9-da Qaradağ rayonundakı 6 nömrəli uşaq somatik sanatoriyasında da olub.
Heydər Əliyev Fondunun vitse-prezidentinə məlumat verilib ki, 50 çarpayılıq bu tibb müəssisəsinə uşaqlar xüsusi göndərişlə gəlirlər. Sanatoriyada stasionar və ambulator müayinədən sonra uşaqlar reabilitasiya məqsədi ilə sanator-müalicə prosesi keçirlər.
Leyla Əliyeva uşaqlarla süfrə arxasında söhbət edib. Bildirilib ki, hazırda sanatoriyada 2 ay müddətinə 34 uşaq müalicə alır. Onlara 35 nəfərdən ibarət tibbi heyət xidmət edir.
Sonda uşaqlara Heydər Əliyev Fondunun hədiyyələri təqdim olunub.

Zibillikdən tapılan körpə və onu atan ana, 14 illik həbsdən çıxan qadın, üçəmlərinə sahib çıxmaq istəməyən ata bu gün "Adam içində" müzakirəyə çıxarılacaq.

Elgiz Əkbər və Afət Rahilqızının aparıcılıq etdiyi proqramda çox maraqlı müzakirələr gözlənilir. Uşağını zibilliyə atan uşaq dünən tapılıb verilişə gətirilsə də, tamaşaçıların sərt reaksiyası ilə üzləşən qadın studiyadan qovuldu. Bugünki proqramda uşağın taleyi həll olunacaq. Uşağın anaya geri qaytarılacağı, yoxsa dövlətin himayəsinə veriləcəyi öz həllini tapmalıdı.

"Adam içində" daha bir neçə maraqlı söhbətlər olacaq. Xəyanət edən ərini və onun sevgilisini öldürən və 14 il həbsxana həyatı yaşayan qadınnələri etiraf edəcək? Üçəmlərinə sahib çıxmaq istəməyən ata ilə bağlı studiyaya kim zəng edəcək? Bu suallara cavab tapmaq istəyirsizsə verilişi izləməyi unutmayın.

Verlişin bugünkü qonaqları psixoloq Vəfa Əkbər, hüquqşünas Tahir Əlirzayev, Tibb üzrə ekspert Nüşabə Səlimova, Azərbaycan Uşaqlar Birliyinin Sədri Kəmalə Ağazadə, əməkdar artist Mehriban Xanlarova, filoloq Qalib Sayılov olacaq.