ინსტაგრამმა აზერბაიჯანის ახალ მანათთან დაკავშირებული ინფორმაციის გამო ბოდიში მოიხადა.
ამის შესახებ "ინსტაგრამ აზერბაიჯანის" ფეისბუქის ოფიციალურ გვერდზე ინფორმაცია განთავსდა: "ძვირფასო მეგობრებო, ცოტა ხნის წინ განთავსებული მანათის ბანკნოტები უბრალო დიზაინერის გაკეთებულია. ანუ ეს 2014 დიზაინი სულაც არაა. დეზინფორმაციის გამო ბოდიშს გიხდით".

7-დან 8 აგვისტოს ღამით არმიის კონტროლირებად ხაზზე აზერბაიჯანის არმიის კონტროლის ქვეშ მყოფი ნაწილის გადამკვეთი დატყვევებული სომეხი ჯარისკაცი ბაქოში მოიყვანეს.
ამის შესახებ დატყვევებულ და უგზოუკვლოდ დაკარგულ მოქალაქეებთან დაკავშირებით სახელმწიფო კომისიის მდივანმა შაინ საილოვმა განაცხადა.
საილოვმა განაცხადა, რომ იძიებენ თუ რატომ გადაკვეთა მან კონტროლირებადი ხაზი: "მას თან არანაირი საბუთი არ ჰქონია. თვითონ აცხადებს, რომ მას გევორქ ინჯიგულიანი ჰქვია. თუმცა ზოგი საიტი მის სახელსა და გვარს არასწორად წერს. ამჟამად ის ბაქოში თავდაცვის სამინისტროში იმყოფება".
საილოვმა აღნიშნა, რომ საერთაშორისო წითელი ჯვრის კომიტეტის თანამშრომლები ტყვეს ახლო მომავალში შეხვდებიან: "აზერბაიჯანში სადღესასწაულო დღების გამო საერთაშორისო წითელი ჯვრის კომიტეტის აზერბაიჯანის წარმომადგენლობა არ მუშაობს. ამიტომაც, შეხვედრა ჯერჯერობით ვერ შედგა. სავარაუდოდ, კომიტეტის თანამშრომლებთან შეხვედრაზე ამ ჯარისკაცის თავის ქვეყანაში დაბრუნების საკითხიც განიხილება. თუ დატყვევებული სომეხი სომხეთში დაბრუნებას მოინდომებს, ჩვენ მას დავაბრუნებთ. ყველაფერი მის სურვილზე იქნება დამოკიდებული. კომიტეტის თანამშრომლები მასთან შეხვედრაზე მის სურვილს გაითვალისწინებენ".